vuurklip

Oog

Deur die lens
Van hierdie klein sfeer
Stroom fotone
Vanaf die verste sterre
Die oogbal binne.

Bots teen sensitiewe binnewande
En skep so ‘n beeld
Binne die beperkte ruimte
Van die brein.

‘n Beeld van die
Onbeperkte,
Oneindige sfeer
Van die Heelal.

©vuurklip
3 November 2014

Aiéééé.

Die dônnerse LitnetBlogs is steeds gekrok. Ek kry geen keenis as daar kommentaar op my inskrywings verskyn nie.

Boonop is daar daagliks weer ‘n klomp nuwe spammers.

Ek kan ook nie meer ‘n border vir grafika spesifiseer nie.

Weet jy waarvoor staan FUBAR?

Klik hier vir die NUWE Blog Monitor – kry ‘n kennisgewing as jou gunsteling bloggers inskrywings maak.

---

Litnet Blogs is op die punt om af te spoel – jy weet waarin!

Alle kommentaar beland in spam, selfs jou eie. En vis jy dit daaruit, verdwyn dit in dieselfde gat (om nooit weer gesien te word nie) waarin Litnet Blogs besig is om in te verdwyn (om dalk ook nooit weer gesien te word nie).

Klik hier vir die Blog Monitor – kry ‘n kennisgewing as jou gunsteling bloggers inskrywings maak.

---

Jy onthou Prof. Chris Turnkey wat wou gaan kyk hoe die Suidpool smelt en toe raak hy vasgevang in die ys en hoe ysbrekers wat tot hulle redding gekom het, ook vasgeval het? (Kyk hier)

Nou ja, as hulle na betroubare weervoorspellers geluister het, sou hulle nie soos Chicken Little te kere gegaan het nie, maar hulle monde gehou het en net ‘n paar dae langer gewag het vir die ys om op te breek.

Hulle is toe per helikopter na ‘n Australiese skip oorgeplaas, die betrokke skip was op pad na die Australiese navorsingstasie in Antarktika. Die skeepsbemanning het hulle agtergelaat. Turnkey en sy mede toeriste (ek wil hulle nie navorsers noem nie) sit nou steeds in Antarktika terwyl hulle navorsingsskip weer los is en reeds terug is in Nieu Seeland.

Soos ‘n grapmaker gesê het: Die bemanning is gered toe die toeriste gevlug het!

[subscribe2]

Ek het in SSN I die dorp se besienswaardighede genoem. Die NG kerk is in die vorige inskrywing gewys. Al die ander kom uit die tuin van ons verblyf.

 

 

Ta’ Mossie met kroos se sprinkaan-middagete.

 

 

 

 

 

Oom Mossie hou wag.

 

 

 

 

 

 

Mossiefamilie se twee verdiepings! Lyk soos ‘n uitgerafelde vinknes. Mossies bou normaalweg ‘n slordige mini-kraaines maar neem soms ou swaelneste of vinkneste oor.

 

 

 

 

 

 

Jangroentjie beskou sy domein.

 

 

 

 

 

Opgedress in polkadots!

 

 

 

 

 

 

‘n Brommer in die sop daisy.

 

 

 

 

 

Die trein op platform sewe …

As jy die wurm-liedjie ken is jou sell-by-date lankal verby …

Gesien in ons tuin:

 

en van naderby:

Gesien op Glencairnstrand – ‘n krap word opgeneem in die Kraphemel:

Die “blomtuin” is ‘n piepklein moskolletjie in ‘n hoekie van die trappies na die plaveisel. Reg in die middel van die rooi sirkel op die eerste foto. Die tweede foto is van die mos en die “spore capsules” met ‘n tiensentstuk wat die skaal aandui. Ek moet beken dat daar geen tuinier hierby betrokke is  nie – tensy jy in tuindwergies glo.

Lees meer hieroor (Soortgelyke mos van Alaska):

http://analogicalplanet.com/Pages/ContentPages/Mosses/MossIndex.html

‘n Rotstuin. Later meer oor die Tuinier. Watch this space!