by vuurklip
November 29, 2013 in Allerlei
Klik hier vir die Blog Monitor – kry ‘n kennisgewing as jou gunsteling bloggers inskrywings maak.
Pille
*Doktersbesoek
Dis OK
Sê Dok Van,
Bloeddruk is normaal,
Maar die knie
En die linkervoet …
Ons moet maar eers
Die X-strale bekyk.
Intussen moet jy
Elke dag
Jou pille sluk,
Jou vitamines balanseer,
Jou koolhidrate streng beheer.
Só sal ons saam
Die aftakeling besweer.
25 November 2013
vuurklip
*vuurklip is nie die pasiënt nie
by vuurklip
November 28, 2013 in katastrofes
Vorige inskrywing oor die tobies is hier.
Maar die nes is nou leeg.
by vuurklip
November 27, 2013 in humor, katastrofes
HP (Hewlett-Packard) se IT produkte stink. My laptop het ‘n klomp nie-werkende HP sagteware en ek weet nou waarom hulle (HP) ‘n “gratis” printer wegingegooi het toe ek die laptop gekoop het! Die printer en die meegaande programmatuur werk ook nie na behore nie.
Een van die talle probleme van die (WiFi) printer is dat dit soms in “powersave mode” ingaan, en dan nie weer daar uitkom nie – ek moet die se kragprop uitruk en dit dan weer terugdruk. Soms gaan dit nooit in “powersave mode’ in nie en bly ten volle aangeskakel. Die laptop verloor ook gereëld kontak met die printer en dan is dit weer die kragprop triek. Ek noem nie eers al die ander probleme nie.
Onlangs het die laptop begin koors ontwikkel as dit bietjie swaar gelaai word, bv. as dit ‘n volle virus ondersoek uitvoer. Die ding se CPU word dan warm en sodra dit 90 °C bereik, dan kliek! skakel dit heeltemal af. Maak nie saak waarmee jy besig was nie. Morsdood.
Poetin se Opinie
Op youtube is daar video’s wat wys hoe jy die laptop kan oopskroef om die fân skoon te maak. Toe sien ek wat Mnr Poetin van die saak dink. En jy hoef nie eers Russies te verstaan nie.
by vuurklip
November 23, 2013 in humor
Nasi Goreng
Wat was Hitler en sy trawante se gunsteling Oosterse Dis?
Nazi Göring natuurlik!
Hier is ‘n resep vir die regte, egte Nasi Goreng.
by vuurklip
November 23, 2013 in Allerlei
Oggendgoud in Simonstad
… het goud in die mond!
Vensters in Simonstad weerkaats die oggendson.
by vuurklip
November 22, 2013 in Allerlei
Tobie-nes
Twee eiers in kamoefleerdrag
Ma (of Pa) Tobie
Na sowat twee jaar, is die Tobies terug by hulle skulpnes. Iewers tussen Vishoek en Simonstad, reg langs die treinspoor.
Die nes is die klompie skulpe in die middel van die eerste foto. Die goed gekamoefleerde eiers kan jy nét-nét uitmaak, regs onder teen die rand van die nes. Die wit “sneeu” in die agtergrond is die see.
Die volgende twee fotos is naby opnames van die eiers en ma(of dalk pa) tobie.
by vuurklip
November 21, 2013 in humor
‘n Vreemde Vliënde Voorwerp gesien op Google Earth Streetview!
Ek het êrens gelees dat die aliens die aarde se pool-ys laat smelt. As die seevlakke dus styg, het jy hier die bewys dat dit deur aliens veroorsaak word.
Onthou, jy het dit hier eerste gesien.
by vuurklip
November 20, 2013 in aardverwarming
Die vertaling van die Latynse blogopskrif is:
I stink, therefore I am.
Nee, nie ek nie*, ek stort elke dag, al dra dit by tot Katastrofiese Mens Veroorsaakte Aardverwarming (wat terloops al die afgelope 17 jaar opgehou het).
Die ou wat stink ter wille van die Groot Bedreiging, is ene Professor Keith Anderson. Dit lyk darem of hy skeer, al bad hy nie te dikwels nie.
Ek sou dink die hittewalms in sy nabyheid mag dalk hoër as normaal wees (gegewe die ekstra mikrobiese aksie), maar as ek jy is, sou ek dit nie self toets nie.
Lees die storie hier:
Climate Depot
Wat jy ook al van sy (watevrye) gebaar dink, ek moet hom krediet gee: “he puts his money where his mouth is“. Hy het nie (tot onlangs) ‘n yskas nie en hy vlieg nie (baie) nie. Behalwe seker na die IPCC jamborees toe.
*My leuse is: I drink, therefore I am.
by vuurklip
November 16, 2013 in humor
Vroeger dachten de mensen dat de aarde plat was.
Maar dat klopt niet want volgens Galileo Galilei is de aarde is niet plat maar is hij rond.
Net als een pannenkoek.
Herman Finkers. op Vuisboek
by vuurklip
November 16, 2013 in Allerlei
Hier is vuurklip se splinternuwe Blog Monitor.
Jy kan dit gebruik om tred te hou met jou gunsteling Litnet blogs. Dit werk NET vir Litnet blogs!
Kliek eers op die “Registreer” skakel – dis ‘n maklike en vinnige proses en verwag geen persoonlike besonderhede nie.
Traai dit en laat weet van enige probleme.
Vertel jou vriende hiervan as jy daarvan hou – of ook as jy nie daarvan hou nie – dalk hou hulle daarvan!.
Voorstelle vir verbetering en/of ekstra funksies is welkom.
Soos gesê, dis splinternuut en sal gevolglik ‘n paar goggas bevat – hopelik minder as (Uit)Lit(uit)net se Woorddruk!
Onlangse kommentare