Jy blaai in die argief vir 2011 Desember.

by VozSola

sommer maar net…

Desember 3, 2011 in Sonder kategorie

Woorde-Wals

In woordelose geestes-klank
weerklink die skrywers noot
opnuut ‘n nuwe woorde wals
so op die maat van vier tot agt
in wals geheel
tot ritmies foutloos gly

Geletter eb en vloed
‘n rol, ‘n dreun
die bruisende geluk
en stadig nou…O, vinnig gou
opvolgende gespeelde klank
‘n klank geraas
so suutjie sag en fluister hard
in vallende gemoed
dan reis op vlerke van die wind

Die swerwers groet
het vaste denke vasgevang
en vry gemaak tot vasgenael
verewig ink, papier gesink
in stomme siel geëts
soms rymloos, dankbaarheid

Woordloos                 Letter ink
    vreesloos                  hart beklink
        ongeskonde             volgemaak
            leë pen                      vir diè saak
                op papier                  van hierdie
                     in geskets                woorde-wals

©

by VozSola

My friend the wind…(then maybe not?)

Desember 2, 2011 in Sonder kategorie

As die wind ‘n woord sou steel, sou dit sê wat ek hier wil sê, of dalk sou dit net bly dwarrel en binne ‘n gat gaan lê?

As die wind ‘n woord sou steel, sou dit vra wat ek hier wil vra, of dalk sou dit in ‘n stofwolk oor ‘n pad gaan lê?

As die wind ‘n woord sou steel, sou dit verklaar wat ek nie kan, of dalk sou dit in vlaktes soos blomme besaai gaan lê?

As die wind ‘n woord sou steel, sou dit ooit met sout kon meng, of dalk net van binne swaar op die gemoed gaan lê?

As die wind kon ophou woorde steel, kon ek dalk weer met woorde speel en verklaar hoekom die ware woorde soms onverklaarbaar opraak want soms is die stem wat stom is, juis die woorde wat die hardste praat.

Mmm… ek wonder wie het dan al my woorde vir stomheid verruil…want alles het skielik oornag in die niet verdwyn…

Ek weet vir ‘n feit elke gesteelde woord is ‘n flymskerp mes toegedraai in satyn…

En fok, dit sny fyn…soms sommer fyn en flenters…en dan op ‘n dag is ‘sorry’ nie meer ‘n salfie nie, maar eerder ‘n infeksie!

Dis al.

En

Dis genoeg.