Jy blaai in die argief vir 2012 Desember.

2012 oor na 2013

Desember 31, 2012 in Uncategorized

Van my kant af wil ek alle lintnet bloggers net die beste en mooiste vir 2013 wat om die hoekie vir ons lê en wag, toewens.

Vir ons almal was daar seker maar hoogtepunte en dan ook weer teleurstellings deur die afgelope jaar.  Dit wat positief was moet ons koester en met ons saamneem en die ervarings wat minder aangenaam was, hoop en glo ek het ons iets uit geleer, al is dit net dat ons as mense baie broos en kwesbaar is.

Ek het 1 nuwejaarsvoorneme:

Baie dankie, dit was baie lekker

Desember 27, 2012 in Uncategorized

Die jaar in die vreemde het my opnuut bewus gemaak van die taal wat ek praat. Afrikaans gebore uit Nederlands. Al wat ek moes doen om myself verstaanbaar te maak vir die Belge, was om krommerige Afrikaans te praat.

Sekere woorde het ons ‘n heel ander betekenis aan toegedig as wat dit in die oorspronklike taal gehad het. Hier dink ek aan amper.  Ons het as kinders ook gesê: Amper is nie stamper.   In Vlaams(Nederlands) is amper egter stamper.

Dan natuurlik lekker.  Hoewel hulle in sommige gevalle ook die woord gebruik, sal hulle nooit lekker gekuier het die.  Daarvoor word die woord leuk ingespan.

Die woord wat ek egter die afgelope tyd eers besef het hoe dikwels ek gebruik is baie.  Wat net so blatjang geheel en al glad nie van Nederlands afkomstig is nie.  Moet daardie mense sien frons vir die lekker woord.  Toe gaan google ek die woord want self kon ek nie sommer net so sy oorsprong verklaar nie.  Dis wat ek gekry het:

Etymology

From Malay banyak.

Pronunciation

Adverb

baie

  1. very, much

Numeral

baie

  1. many, much

 

Parysestraat

 

 

op pad in Monica se omgewing

Desember 25, 2012 in Uncategorized

Sondag moes ek ‘n pad ry wat ek nie ken nie omdat die een wat ons gewoonlik neem, tydelik gesluit is agv onlangse verspoelings.

Omdat ek graag by die Affieplaas padstal net buite Robertson wou aangaan, het ek met my terugtog vanaf Mosselbaai se omgewing die afdraaipad uit die N2 by Stormsvlei geneem wat via Bonnievale na Robertson gaan.  Ek kon nie anders as om te stop en foto’s te neem nie.  Dis langs ‘n openbare pad waar die boere in die omgewing almal pragtige bome en plante aangeplant het.   Die omgewing is prentjie mooi.

Rooi kannas wat lei na smal brug

 

Oranje Kannas langs die pad

 

Geel Kannas

 

Icebergs

So lyk dit vir kilometers langs die pad en menige motoris het stadiger gery as die snelheidsperk.  Ek aanvaar dat hulle die pragtige omgewing net so baie soos ek geniet en waardeer het

 

 

Hoe kon ek dit laat gebeur?

Desember 22, 2012 in Uncategorized

Ek is by die huis maar baie onvoorsiene dinge het my ingewag.  Onder andere is my beursie gesteel (JIP nie net in Suid-Afrika nie) kort voor my terugkeer na Suid-Afrika.  🙁

Ek was net ‘n dag by die huis voordat ek toe weer in die pad wou val na vriende se kiind se troue en my bestuurderslisensie was onder andere ook in my beursie.  So die moes ek ook voor aansoek gaan doen het voordat ek pad kon vat.

Eers tot by my broer hulle gery waar ek oorslaap en opnuut die mooise mooi aanskou het.  Ek dink ek het soortgelyke foto al geblog maar die uitsig is en bly net vir my asemrowend mooi.

Boggomsbaai

Daar vergeet ek my kamera by my kuierplek toe ek die pad vat na die troue toe. Ek kan dit nou nog nie glo nie

Het agterna darem die geleentheid gehad om ietsie te kry vanaf die bruidstafel  maar die troue was op die mooiste plek met die mooiste detail denkbaar.  En ek was ongewapen.

tafelruiker – 2 dae later

Deur so veel as moontlik self te maak, kan daar by so geleentheid gespaar word.  Baie aandag was geskenk aan detail (soos wat ek hierdie vriendin van my ken) en vir elke gas se sitplek het sy so klein ietsie tjie gemaak.  Hierdie is myne

gevul met pink en wit lekkertjies

Môre-oggend wil ek in di epad val terug huistoe. Daar wag ‘n bedrywige tydjie vir my en ek vermoed ek sal maar minnerig by my rekenaar uitkom.

Daarom wens ek al my blogvriende ‘n geseënde Kersfees seisoen toe.

mooi wense aan almal

 

Chateau de la Motte

Desember 12, 2012 in Uncategorized

Die afgelope Sondag het vriende ons geneem na ‘n ou kasteel net buite St Truiden.  Dit, dink ek, was ons laaste besigtingings uitstappie hier in België.   Hoewel dit gesous het en bitter min van my foto’s nie waterdruppels op het nie, was dit ‘n wonderlike ervaring.

so van ver af

die ander (ek is agter lens)

in die ingangsportaal

die restaurant

tafel ruiker
vars blomme in die winter

Let op die groter pinkerige blom links in die ruiker is in der waarheid ‘n tipe van sierkool

my koffie verkeerd
(hulle vorm van ‘n lattè)

 

o ja, en vandag 12.12.12 hou ek en Doring al 37 jaar met mekaar uit.

 

 

 

die foto’s

Desember 7, 2012 in leuven

Oor net meer as ‘n week vat ek finaal die pad terug huis toe.  Die sneeu wat hierdie jaar vroeër as gewoonlik gekom het was dus vir my ‘n aangename bonus.  Al bekommer Vega haar oor die koue, sal sy sien dat die sneeu alles in ‘n sprokies wêreld omtower.

parkeerarea skuins agter ons

Hierdie 2 het dadelik weer omgedraai toe hulle sien dat ek met leë hande daar aankom.  Het darem vergoed deur later vanmiddag gou ‘n appel op te sny en vir hulle te neem.

my pelle – lekker vuil

Met die verbystap wonder ek toe hoeveel winters hierdie ou al agter die blad het.

citroen

Die rooi baksteengeboue kontrasteer nogal mooi met die sneeu

Voorsorgstraat

my gunsteling kuierplek, in die somer, winter, lente en herfs

in die botaniese tuin

Ongelukkig het dit begin reën en kort daarna het die temperatuur vinnig met 3° C van -1°C na +2°C gestyg en die sneeu het begin smelt.

druppels begin vorm

PS: so vir oulaas (‘skies pink volla)  as daar op die foto gekliek word, kan mens dit baie mooier sien

 

Europa is……………..

Desember 7, 2012 in Uncategorized

WIT

gaan nou foto’s neem en sal later kom wys.

3 Desember 2012

Desember 3, 2012 in Uncategorized

vanoggend vanaf onse woonstelletjie se venster het dit so gelyk

3 Desember 2012

ongelukkig het dit begin reën wat alles weer gaan wegwas.

 

Gister……

Desember 1, 2012 in Uncategorized

………nooi iemand my om saam te gaan na Brussels vir die dag.

Die uitstappie het heel ramspoedig begin en ek sit vandag met twee stukkende maermerries en ‘n verstuite duim.

die seer het my egter nie afgesit om verder te gaan nie want dit was ‘n lieflike sonnige oggend,

Ons was egter skaars daar toe vou die mis laag oor die stad toe en dit word verynig koud.

so net voor 12uur geneem.

middel van die dag

die kersfees mark was kleurvol, maar daar gaan nie veel aan nie

straatmark Brussels Kersfees 2012

hierdie gebou het egter sommer die hele straat opgevrolik

pragtig versier

 

Toe ek gisteraand voor slapenstyd ‘n pynpil drink (iets wat ek net doen as dit regtig nodig raak) dink ek so ewe by myself:  Ek het nogal baie velle betaal vir daardie stukkie publieke trap