Jy blaai in die argief vir 2012 Oktober.

2dinge……nee3

Oktober 31, 2012 in algemeen

Die eerste ene is dat Tina in die hospitaal is, ek wonder hoe dit met haar gaan en MIS haar regtig hier op die blog.

Dan die tweede ding : ek wens die flippen blog het my die keuse gegee om my kommentaar op ander blog te kan redigeer.  Dit maak my moedeloos as ek daardie LEWER KOMMENTAAR opsie so druk en ek sien hoe gaan ‘n gruwelike spelfout in die ruimte in.  Ek weet dreig word nie met ‘n y gespel nie en tog het ek dit gedoen en gesien net toe dit wegvlieg!

Laastens, ek dink die nuwe blogforum het ons almal se stoutse verwagtinge oortref.  Ja, daar is goed wat krap en pla, maar ons is nog hier en aan die gang.

PS:  Ons het ‘n heerlike sonnige dag gehad en ek het herfs foto’s gaan neem.  Sal môre oplaai want weervoorspeller het alweer nat koue weer van vannag af vir ons voorspel.

 

 

Leuven – die stad waar ek my die afgelope jaar bevind.

Oktober 30, 2012 in leuven

Leuven is basies ‘n studentedorp met ‘n universiteit wat al in 1425 gestig is. Elke universiteit het so van tyd tot tyd ‘n student wat in latere lewe uitstyg en uitblink op sy gebied.

Gerardus Mercator is ‘n oudstudent van KULeuven was so vir homself naam gemaak het.  Hy het in die 1500’s hier studeer en was  hier werksaam as ‘n kartografeerder en het ook wiskundige instrumente  gemaak.

Later het hy ook begin aardbolle vervaardig en dit blyk dat daar na byna 500 jaar nog ‘n klompie van hulle behoue gebly het.  Die woord ATLAS is die eerste maal deur hom gebruik as verwysing na ‘n groep karate bymekaar.

Soos wat ek verstaan het hy ‘n beginsel ontwerp genaamd map to grid  .  ‘n Definisie wat ek iewers opgespoor het:   A map grid is a set of lines running horizontal and vertical forming small square on a map. These square form points of contact that give a location for a specific area.

Die Mercator projeksies is steeds in gebruik.

standbeeld van Gerardus Mercator

Mechelsestraat

Vir iemand wat dalk belangstel hier is verdere verwysings na hom en uitvloeisels van sy werk

http://en.wikipedia.org/wiki/Gerardus_Mercator

http://en.wikipedia.org/wiki/Universal_Transverse_Mercator_coordinate_system

The WGS 84 oriented GPS data have been converted for the Transverse Mercator oriented GIS database.  http://trid.trb.org/view.aspx?id=498832

toetslopie

Oktober 30, 2012 in foto's

Hierdie blog doen ek bloot net om te kyk na die kwaliteit van my foto’s.  ‘n Vorige ene wat ek geplaas het, het vir my maar power gelyk en daarom neem ek foto’s wat ek weet ek destyds op die ou blog gehad het (Dink ek).

Amsterdam

eendag op ‘n reëndag

 

 

Bully Beef – Boeliebief

Oktober 26, 2012 in kos

Met die lees van die kommentare op my vore blog oor die geblikte vleis het ek weer van ‘n langvergete gebruik onthou.

Omdat ek net ‘n klomp seuns grootgemaak het, het ek gewoonlik met hulle verjaarsdagpartytjies meer as net koek en lekkers aangebied.  Frikkadelletjies, klein vleisrolletjies en ander soutighede het ek gemerk hou die seuns net so baie van. ‘n Slag of wat het ek ook  Boeliebief wiele vir hulle voorgesit wat gladnie te onaardig is nie en groot aftrek geniet het.

Ds basies ‘n variasie van tuna wiele wat sekerlik bekend is in menige huishoudings

  • uitgerolde pak blaardeeg (van die gekoopte soort)
  • smeer boeliebief egalig oor deeg,
  • strooi gaar uie, gerasperde kaas en bietjie fyngekapte pietersielie oor.
  • toegerol en in skywe gesny.
  • bak platgepak op bakplaat by 180° tot deeg gaar is.  wat is nou makliker as dit

die vulsel het soms selfs ook bietjie mayonaise bygekry.

 

die omgekeerde van steel

Oktober 25, 2012 in Uncategorized

Vir ‘n week het ek in Londen gaan kuier by onse oudste.  Daardie is  ‘n plek waar ek, lief vir sonskyn, moeilik sal aard

Big Ben in die Elizabeth toring vanaf Trafalgar plein

Met die weervoorspelling het ek gehoor dat daar die oggend “mist” gaan wees en dan in die namiddag “fog”. Wat op hierdie liewe aarde is die verskil!

Iedergeval waaroor ek eintlik wil praat is die twee blikkies bully bief wat ek in ons kas kry toe ek weer by die woonstel aanland. Die man des huises wat alweer alleen was vir ‘n week en nie te lus was vir kosmaak nie het bullie bief gekoop – DRIE blikkies.  Toe ek laatmiddag met my terugkeer voorstel dat ek sommer een van hulle sal oopmaak gooi hy dadelik wal.  Nee o gonna, vertel hy my, dis net vet en senings. Hardop wonder ek hoekom dan nou so baie op een slag koop en wat gaan ek nou daarmee doen.  Hierop was sy reaksie dat hy weet mens mag nie goed wederregtelik van die rakke verwyder sonder om daarvoor te betaal nie (diefstal) maar wonder of hy die blikke weer skelm mag gaan terugplaas.

misreën in Londen

 

 

 

wat lees ek?

Oktober 23, 2012 in leesstof

Ons verblyf in België word vir my draaglik gemaak deur ‘n paar dinge. Dis nie asof dit ‘n slegte ervaring is om hier te wees nie, maar mens is ver van huis en haard en die eensaamheid kan jou maklik beetkry.

Buiten die gulde geleentheid om nuwe plekke te besoek, hou internet my darem soortvan ook goed aan die gang.  Maar lees is een van die dinge wat ek die afgelope jaar baie druk doen.  Hoewel ek na maande ‘n winkel ontdek het wat groot verskeidenheid Engelse boeke het, het ek ‘n handjie volle plekkies raakgeloop wat 2e handse boeke verkoop en waar ek so van tyd tot tyd iets uitsnuffel.  Nou die dag was ek by die een in, die Engelse rak was besonder leeg en ek gryp toe die eerste die beste boek wat ek kon kry.

En ek is gehook!!!  Heeltoevallig is dit die eerste van ‘n reeks en ek weet nog nie of hulle noodwendig op mekaar volg nie.

Nou egter vir die tameletjie.  Ek het ‘n hele handvol van haar boeke in e-boek formaat, maar besit nie ‘n kindle nie.  🙁  Lees dit nou maar op die laptop, maar dis nie so maklik soos om bv. boek in jou handsak te stop en op die trein te sit en lees nie.

Sal ek nou maar ‘n wensbriefie oppos Noordpool toe en hoop ek is nog nie te oud om ‘n geskenk van Kersvader af te ontvang nie!

 

 

die nuwe lewe!

Oktober 21, 2012 in Uncategorized

A change is as good as a holiday.

dit lyk sowaar asof hierdie uitdrukking van toepassing is op die groot skuif.

‘n Hele paar mense is al lekker aan die voorttik.

Ek kom soortvan reg maar kan sien dat ek nog lekker gaan watertrap maar hopelik sal kan swem voordat ek verdrink.

‘n Paar goed interesseer my baie naamlik die gemengde gebruik van terminologie aan die linkerkant en die “spell checker” wat verskeie tale in Afrikaans aanbied maar daar is nie ‘n opsie vir Afrikaans self nie.

Onderaan sien ek ‘n woordteller wat selfs na al hierdie steeds 0 wys!

Laastens, hierdie is eintlik maar net ‘n inskrywing om te sien of ek enigsins iets uitgerig kry.  ☺

 

 

die tonnel

Oktober 17, 2012 in Sonder kategorie

Ek ken ‘n hele paar mense wat nog nooit gevlieg het nie omdat hulle te bang is om in ‘n vliegtuig te klim.

Selfs ander wat al dikwels gevlieg het en steeds senuweeagtig voel daaroor.

Ek sien baie uit na môre want ek gaan vir onse oudste in Londen kuier

MAAR

Ek gaan met die Eurostar wat onder deur die Engelse kanaal ry

EN

dit maak my senuweeagtig.

Jongste laat weet my dat hulle oor die naweek op ‘n boottrip was vanuit Houtbaai hawe.

Die aand hoor hy een van die toeriste bote het daardie middag omgeslaan

Baie jare gelede het ek vir wie weet hoe lank agter ‘n vragmotor vasgesit op die ou Pretoria-Johannesburg pad. Omdat die pad so smal en vol draaie is het ek lank gesukkel om by hom te kon verbykom.

Dit was so rooi trok en agterop was geverf: DINAMIET IN TRANSITO.

Teen die spoed wat hy gery het, moes hy behoorlik gelaai gewees het.

Die volgende oggend het ek in die koerant gelees dat hy ontplof het!

As daar weer ‘n brand in die tonnel uitbreek, hoop ek dat ek ook weer agterna daarvan in die nuus sal hoor.

skugter diertjies

Oktober 14, 2012 in Sonder kategorie

Hier in die bosse naby ons is die allerpragtigste eekhorinkies.

Hulle is egter vrek menssku en skarrel sommer vinnig weg as hulle mens gewaar.

Ek het nou al behoorlik gesukkel om ‘n fototjie van een van hulle te kry.

Dis gewoonlik net so bolletjie in die boom se mik wat net ek weet wat daar sit of anders net ‘n blur op die foto.

Daar kry ek toe tog eindelik ‘n ma wat my gewaar eers nadat ek die foto blitssnel geneem gekry het

en haar kind wat onderstebo aan die tak hang en iets daar eet.

straat musikant

Oktober 9, 2012 in Sonder kategorie

Wat sal mens so instrument noem?

Beslis ‘n tuisgemaakte kruising van twee bestaande instrumente.

Of nie?