rosiemetdorings

so rukgelede het ek gebrom oor swak diens.

Daarna het iemand my die idee gegee om dit by Hellopeter aan te meld wat ek toe hier bespreek het.

Wel, in Hellopeter maak die maatskappy wat by die saak betrokke is, my totaal tot leuenaar.

Tussendeur kry ek e-pos van Hellopeter dat ek opvolg pos sal kry om kommentaar op die antwoord te lewer, wat nooit gekom het nie.

ek lodge toe maar weer ‘n klag en ontvang die volgende boodskap vanaf Hellopeter:

Hellopeter.com is not designed for updates. Only ONE report per Supplier/issue is permitted on the site. Any add-ons will be deleted. 

The Customer Feedback facility is provided for you to give your feedback – there is no need to write a new report.  

(net jammer customer feedback het nooit gearriveer nie!)

dis toe op daardie stadium wat ek daaroor begin blog en vertel hoe die vieste in ek is (*)

Terwyl ek nog aan my blog tik kry ek verdere e-posse wat beweer dat ek die maatskappy nog glad nie betaal het nie  en as die geld teen more nog nie inbetaal is nie, sal ek met kostes en rente aan hulle prokureurs oorgegee word.

TOE KOOK MY BLOED!

‘n onsmaaklike telefoongesprek volg en daarna stuur ek e-pos aan hulle met bewys van my betalings waarin ek hulle daarop wys dat dit net nog ‘n leuen (hulle gebruik die term incorrect information) is wat hulle heen en weer stuur.

Het toe darem die ordentlikheid om vir my boodskap teruggestuur wat om verskoning vra.

Please accept my humble apology with regards to this. I was given incorrect information. Sorry – once again.

 

Have a great day.

Dit nadat hulle die dag vir my totaal bedonder het!!!

Ek roei eerder in ‘n kano in my eie huis rond voordat ek ooit weer van die mense wat hulself as drein spesialiste uitgee, se dienste gebruik maak.

(*) die blog moes ek verwyder omdat ek my persoonlikheid daarin totaal verloor het.

http://www.facebook.com/TheIDEAlistRevolution

omdat ek lank uithuisig was het ons pos taamlik opgehoop.

Een van die goed wat ook laag op die preoriteits lys was, is ons bankstate.

Ons het dit immers op die internet gekontroleer.

Hierdie naweek is dit weer koudin die Kaap en ek gryp die onoopgemaakte koeverte om te kyk wat kan weggegooi word en wat nie.

Groot was my verbasing om die volgende op ons kredietkaart rekenings te let:

van die een maand na die volgende:

Let op na die verandering in jaarlikse rentekoers. 

hier is geen dokumente waarin ons daarvan verwittig is nie maar ek kan nie gaan kla nie want dit kon in die tyd wat ons weg was dalk verlore gegaan het.

Tina, beantwoord dit jou vraag?

Tina se vodka inskrywing het my weer jare terug gevat.

Terwyl ek ons 2e kind verwag het, het ek erge rugpyn begin kry.

Soveelso dat ek baie moeilik begin slaap het op ons bed – die bed was net te pap vir hierdie rug se pyn.

Boer maak ‘n plan en ek het toe ‘n matras gevat en sommer op die vloer in ons kamer gegooi wat slaap so effe vergemaklik het.

Hier so teen die sewende-agtste maand kry ek tandpyn.

ERGE tandpyn en die tandarts wou nie doodspuit om aan die tand te werk so laat in my swangerskap nie. Dis glo op daardie stadium nadelig vir die baba.

Ek moes toe so loop tot na bevalling.

Te veel pynstillers kon ek ook nie juis drink nie en die uitspoel van my mond met brandewyn het verligting gebring.

Die een aand toe ek weer met so brandewyn asem op die matras neersak, begin Doring lag met min of meer die volgende woorde:

Wat sal mense wat jou nie ken nie dink as hulle jou asem ruik jou lyf bekyk en jou so op die mat sien slaap?

terwyl ek nou so sit en tik wonder ek of daar al ander lokale verdowing in die tussentyd op die mark gekom het wat wel gebruik kan word in so situasie

Die 2 manne in my lewe wat hulle tans in die buiteland bevind, het albei laat weet dat dit gons om hulle.  Ja, ons weet al die onluste en optrede by die myne het die buitelandse nuus gehaal.

Die bietjie internasionale nuus watna ek al gekyk het, het my laat aflei dat ander lande nie twak van misdadigers vat nie.  Nou wonder ek of hulle simpatie nou eerder by die stakers is teenoor wie daar so hardhandig opgetree is. 

In die grepe nuus wat ek gesien het was dit hoofsaaklik swart polisie manne wat geskiet het.

Maar ja, baie van die gesprekke wat ek gehad het met Europeërs, het my laat besef dat heelwat van hulle Afrika sien as ‘n kontinent wat net met geweld kan funsioneer.

Sommer so stukkie uit Doring se e-pos aan my :

Het my gister vir ‘n ou vervies by die bushalte. Ons praat Engels en hy vra my toe of ek ‘n Amerikaner is en ek se toe nee, Suid Afrikaner. Ek weet nie of hy gespot het nie maar hy se toe “nog erger” Het hom nie geantwoord nie. Maar nie sulke ouens wat summier veroordeel, om my nodig nie

Met die dat ek op die oomblik alleen by die huis is, is my tyd en my program my eie.

Moet erken, veral toe ek ook nou net van shlwanjan se dag gelees het, ek geniet dit nogal.

Vanmiddag so net na drie uur hoor ek die garagedeur oopgaan en kyk by die venster uit.

Een van die kinders wat onverwags hier aankom.

Hy stap by die deur in met ‘n yslike pakkasie in sy arms, groet my en wens my ‘n gelukkige moedersdag toe.

Ek kyk hom verbaas aan en hy oorhandig die gepak aan my  – Sy flippen wasgoed.

Vir die res van die middag was daar nie weer sprake van tyd vir myself nie.

Eers gou een bondel wasgoed in die masjien gestop.

Terwyl ons gou gery het vir proviant, onthou ek hou nie kos aan vir so onverwagse groot eter nie, was die wasgoed en toe ons by die huis kom, hang ons dit so saam saam uit.

Hy’t sy versoeke gerig en gevra vir behoorlike kos.

dit sluit so veel as moontlik groente in

Spyskaart was eindelik braaivleis met aartappelslaai en ‘n oondskottel van gemengde groentes.

Ek kla nie, want so was dit weer vir ‘n verandering ook lekker om te kan “bederf”

Gaan tot nou nog gou vir hom brandstof ingooi, want hoewel hy siekerig voel en vroeg geloop het vanmiddag, is daar niemand wat more kan instaan nie, en ek dink nie dis goed dat hy onnodig in die koue moet uit nie

Ever notice,

the people who are late are often much happier than those waiting for them?

Ons was een oggend gruwelik laat vir kerk by die internasionale gemeente waarna ons in België gaan.

Die opmerking van een van die locals was:

“Jullie bent geëxcuseerd omdat we weten dat je komt uit Afrika.”

Ja, hulle beskou dit as ‘n Afrika kwaal

Geredigeer

Hierdie verwys na geen enkele persoon in die besonder.  gaan maar net oor die algemeen oor laatkom.

Nadat ek nou die dag in al my woede die helfte van my frustrasie hier kom aftik het, het ek ook met verskeie ander mense gepraat.

Natuurlik weet ons almal van Hellopeter, en iemand het my aangeraai om hulle daar te rapporteer.

Groot was my verbasing om te sien hoeveel klagtes daar alreeds teen hierdie spesifieke instansie ingedien is.

Ek moet myself dus seker blameer oor ek so lekker ingeloop is.

As ek eers gaan kyk het wat ander kliënte se ervarings van hulle diens was, sou ek baie beslis 2X gedink het voordat ek hoegenaamd met hulle besigheid gedoen het.

Daarom wil ek julle aanraai om by Hellopeter te gaan loer wat ander mense se ervarings met besighede is.  Goed en sleg kan aangemeld word.

Veral nie as hulle hulself dokters op ander terrein as die mediese veld noem nie.

ek het so pas ‘n liederlike stel afgetrap met sulke mense.

elke keer as ek met hulle praat is daar iets wat agterna by die kwotasie moet kom!

Aanvanklik verkeerde kwotasie met syfers wat nie wou klop nie!

Daarna verneem hulle wanneer ek betaal waarop ek meld dat ek betaal sodra hulle werk afgehandel is.

Waarop hulle reageer dat dit dan ‘n verdere koste sal wees, want ek het hulle telefoniese woord aanvaar en nie die nitty gritty van die kwotasie gelees nie MY FOUT.

Seeds klop die rekening nie!

NOU kom hulle en vertel dat hulle vergeet het om die aanvanklike ondersoek se koste te hef!!! net R950 wat op geen stadium aan my gemeld is nie!!!!!

Hulle dryf my na die gruwelikste taal denkbaar.

Dit is weliswaar net ‘n paar ligte wit donsies, maar maak die wêreld vrek koud

Die Pieke buite Stellenbosch