rosiemetdorings

…….dalk is dit net my verbeelding.

hierdie is ‘n foto van Isaac wat iewers in Engeland in aanhouding is nadat hy op Heathrow lughawe aangekeer is.

Die rede vir sy aanhouding maak sin en ek weet nie wie die skuldige is nie.

Hy is een van ‘n groep van vier Cheetah’s vanaf Suid-Afrika onderweg na Rusland.  Die mikro-chip wat blykbaar benodig word vir so wettige transaksie kon nie  aan hom gevind word nie.

Op hierdie stadium is daar blykbaar nog nie sekerheid oor die afwesigheid daarvan nie.  Is dit ‘n glips of het die uitvoerders probeer om hom so skelm te laat deurglip.

Vir my lyk dit egter na ‘n baie onseker verwese dier wat daar sit – lyk my nie dit maak saak nie.

So tyd gelede was doring in ‘n groot ongeluk waarin ons kar totaal afgeskryf was.  Die aard van sy beserings was so dat hy nie gou kon bestuur nie, dus was die behoefte om die motor gou te vervang nie baie groot nie.

Alle moontlike opsies word bekyk en ondersoek.  Ons is nie haastig nie, dus kon ons ook besluit dat ons die kleur van ons keuse ook wou hê.

Kom op ‘n advertensie af van kar wat ons geval – Regte model, regte kleur, lae kilo’s, regte jaar model.  Op die die foto’s sien ons egter dat die kar ‘n towbar het wat ons toe laat wonder of die kar nie dalk te hard gewerk het nie en het gewonder of die eienaar sou erken.

Besluit toe op ‘n ander modus operandi.  Noem dat ons sien daar is ‘n towbar en wou weet of hy tevrede was met die voertuig se trekkrag.  Sy reaksie: Hy het ‘n “sturdy old Jurgens” wat hy met gemak sleep.  Ons weet wat weeg daardie “sturdy” goed en het toe maar verder gesoek.

Gestruikel oor of ook toevallig raakgeloop.

Dit is die twee logiese vertalings wat by my opkom as ek StumbleUpon raaklees.

Weet egter dat daar ‘n website bestaan met hierdie naam waar mens allerhande interessanthede kan raaklees. Hulle eie woorde:  We help you explore new and interesting things from every corner of the Web. Hier gaan mens dus doelbewus rondsnuffel, wat vir my die naam effe weerspreek, maar toemaar.

Gisteraand het ek regtig bloot toevallig op iets afgekom wat in my pad geval het sodat ek daaroor moes struikel.  En daar sit ek toe tot kleinvannaggie en lees.

Famous South African Crimes deur Rob Marsh

http://www.africacrime-mystery.co.za/books/fsac/index.htm

Hiermee sommer byvoorbaat my innige meegevoel aan alle ouers met studerende kinders.

Deur die genade is al drie ons kinders klaar met hulle studies – of so na daaraan dat dit nie meer ‘n finasiële las vir ons is nie. Hoewel dit broekskeur gegaan het, het ons dit oorleef en is so stadig maar seker besig om te herstel.  Kry gister egter erg skokkende e-pos van aanstaande skoondogter af.  Sy is in haar voorlaaste mediese studiejaar en haar klasgeld vir hierdie jaar is ‘n skokkende   R61 000.   Was verlede jaar ongeveer R48 000 vir elk van die laaste 2 jare – wat ‘n allamintige sprong

Was al tydjie gelede daar, het nou eers die foto’s gesorteer.  Daar is egter so baie dat ek onmoontlik alles kan oplaai.

Ek weet dat heelwat bloggers ook al daar ‘n draai gegooi het.  Hoop dit bring vir julle goeie herinneringe

Noudat ek eers daar was verstaan ek waar die plek se naam vandaan kom. Hoewel ons so kort begeleide toer geneem het en die ou vertel het hoeveel sulke brûe in die dorp is, moes ek dit eers weer gaan google het. Meer as 50 word gesê en ons het by meer as die helfte van hulle nie eers uitgekom nie.

Daar word ook gepraat van die Venisië van die Noorde.  Net soos Amsterdam

Dit is ‘n uniekpragtige plek en die moeite werd om te besoek.

Ongelukkig ‘n absoluut toeris georiëerde dorp – duur.

Die toerleier, ‘n baie loviale vent, knoop met almal ‘n praatjie aan. Toe hy hoor ons is vanaf Zuid-Afrika, was hy dadelik by met ‘Cape Town’ Lyk my dis al Suid-Afrikaanse plek waarvan hierdie mense weet . Vertel hy dat hy ‘n ruk terug daar vakansie gehou het in die Kalkbaai omgewing maar dat daardie water net te koud was om in te swem. Dit was in die winter en die water sou flippen koud wees.

‘n paar geboue ook afgeneem terwyl ons so op die kanaal verby gevaar het.

ps: die nagfoto het kind geneem :-).  Hulle was heel naweek daar – ons net die een dag

Een van Doring se tydelike kollegas ontferm haar oor ons en nooi ons vir ‘n tipiese Belgiese ete.

pampoensop – nie romerig, maar waterig, dus nie so lekker.

witloof – sigorei  (amper soos maer langwerpige koolkoppe) in bacon toegedaai, met aartappelmash bedek, kaas bo-oor en gebak. Besluit self oor die smaak.

Nagereg – ys met sjokolade sous.  Ys is roomys en die sous gemaak van Callebaut sjokolade, waarvan ek nog nooit vantevore eers gehoor het nie.  sou nog bakke vol kon verorber.

Ons was egter nie baie lank daar nie toe hulle vertel dat hulle in Maart verlede jaar in Suid-Afrika was.  Oor hulle algeneme opinie ivm ons land se veiligheid sal ek later meer uitwy. 

Uit die gesprek blyk dit toe dat hulle nie sommer net  gaan toer het nie.  Iewers naby Bloemfontein is ‘n instelling wat hulle daarop toespits om aan kinders uit die voorheenbenadeelde era musiek te leer.  Soos dit maar gaan was die instrumente nie meer in watwonderse toestand en Wim het gaan help met die herstel daarvan.

Wim is ‘n vioolmaker van beroep.  Dit is egter vandag so duur om viole te maak dat hy hom nou toespits op die herstel van viole.

Natuurlik wou ons sy werkswinkel sien. Hy vertel dat viole op so grootskaal van China af ingevoer word teen ‘n prys waarmee hulle nie kan kompeteer nie.  Gelukkig, sê hy, is die instrumente nie altyd van vreeslike goeie kwaliteit nie, en dus is daar steeds werk vir hom.

Hy en Doring is toe na ander lokaal met blykbaar honderde gitare.  Een daarvan ‘n Gibson.  In hulle het ek nie belang gestel nie.

hierdie is beslis ‘n ongebalanseerde ma

vir verdere lees     

http://www.dailymail.co.uk/femail/article-2081674/Sarah-Burge-Human-Barbie-gets-daughter-Poppy-7-liposuction-voucher-Christmas.html

linker deel van die foto is eintlik die belangrike deel.