Jy blaai in die argief vir 2010 Oktober.

The Student Prince

Oktober 31, 2010 in Sonder kategorie

Laaaank voor meeste van ons se tyd, ek weet.  Maar in daardie goeie ou dae het die rolprentbedryf teen ‘n baie laer frekwensie geproduseer, ‘n film het langer sy gewildheid behou, soms seker vir baie maande.

As die film baie gewild was, het hy na ‘n ruk ook gou weer ‘n draai kom gooi in die teaters.  Dis met so encore vertoning wat ek die film te siene gekry het, en verliefdheid die eerste maal ervaar het.

Watter naam spring dadelik op as van hierdie film gepraat word? natuurlik Mario Lanza. Groot was my ontnugtering toe ek later jare ‘n foto van die STEM sien. Want die persoon wat die rol van die studente prins vertolk het, was ‘n akteur wat nooit werklik iewers gekom het nie. Wonder hoeveel  het ooit geweet wie dit was.

Die stem leef nog voort, maar die gesig wat in daardie rol was, lank vergete.

‘n Ander manier om na die lewe te kyk

Oktober 29, 2010 in Sonder kategorie

Failure is only postponed success, as long as courage coaches ambition.
The habit of persistence is the habit of victory.
 (Herbert Kaufman)
 

Emosie

Oktober 26, 2010 in Sonder kategorie

Maankind se opdrag

‘n Enkele oomblik

‘n Enkelinge oomblik het ons ons verstout
om wat mens sku verberg te openbaar;
en uit ons oë het die hoop gestaar
dat al wat met die jare in ons koud
en hard geword het — want geeneen kon dring
tot waar dit stol van onbruik nou ontdek,
deur hande aangeraak wat warmte wek,
in teerheid opgelos sou word.
                     
Toe dwing jou blik verby my; en terwyl ek nog
onwillig wonder was dit selfbedrog?
keer jy jou weg.

Maar ek het lank bly staan
en voel hoedat die vreugde van my gaan;
nog lank nadat ek wis ek is oorbodig
saggies bly pleit: kom terug, ek het jou nodig.

 

(Olga Kirsch)

kan dit beter gesê word!

iemand anders se kalf

Oktober 26, 2010 in Sonder kategorie

Lees hierdie en besef net dat dit so waar is maar dat ek dit nog nooit besef het nie!

so bly ek het nie 200 jaar terug geleef nie!

Oktober 25, 2010 in Sonder kategorie

George Cadbury began making chocolate in Birmingham in 1824.

At the time chocolate was considered an aphrodisiac and therefore

NOT suitable for a lady’s diet!

en dis wat ek gister present gekry het!  Thx Eaven

Moeilikheid

Oktober 24, 2010 in Sonder kategorie

Na gister se nuus van Jan Klaas se dogter en haar vriend wat so aangeval is, is ek opnuut weer bewus van die toenemende voorkoms van geweld in ons land.

Hulle is aangeval, hospitaal toe geneem, ouers en polisie gekontak, berader sommer gou daar ens ens…

In die harwar het Blondie se beursie verdwyn. daarmee saam haar ID boekie en splinternuwe bestuurderslisensie.

Dus, die aanval is al oor en verby maar die shlep wat daarmee saamgaan gaan nog geruime tyd met hulle wees.  Om nie eers te praat van die emosionele trauma nie. Verder ook die selfverwyt waarmee hulle sit oor wat hulle anders moes doen om dit te voorkom.

Dan onthou ek wat my ma altyd gesê het :  Mens hoef nie moeilikheid te gaan soek nie, dit kom sommer so vanself.

of my broer wat sê: Jy hoef nie moeilikheid te soek nie, Moeilikheid soek jou.

Is net dankbaar dat  dit nie erger was nie.

Brug II

Oktober 23, 2010 in Sonder kategorie

‘n Brug wat sy doel gedien het!?

Die nuwe pad laap langsaan verby

In die Oos-Kaap

net buite Ugie

My fobie val my toe aan!

Oktober 22, 2010 in Sonder kategorie

3 dae terug het my ergste vrees toe waar geword.  Maar die simpatie wat ek kry!

My huis mense! My vriende !  Eish!!!

Die gat was klaar gereed en plant het gewag om verplant te word.  Die grond hier is pure potklei, daarom wou ek sand bygooi.  Sand op die kruiwa gelaai en aangestoot to by die nuutgemaakte gat.  Gaan haal gou graaf  en kom weer terug. Besluit om nie sand met graaf  oor te skep, maar om kruiwa net te lig en te tip…….

Lig die bleddie ding  op en voel so snaakse prik branderigheid aan my hand.

Maar mense, toe ek my hand wegvat, kom Madam Agtbeen toe sommer so saam.

Agterna was my keel seerder as my vinger!

Al wat my huismense sê: “O, dis ma se spinnekop gil”

Hulle kom uit, kyk en maak die volgende opmerking; “Sy’s nogal huge.  Ka ka ka”

Bel vriendin en vertel haar van my nagmerrie ervaring………

Kommentaar op die agtergrond :  “Gelukkig is die reënspinnekoppe nie giftig nie.”

Nou loop die storie rond dat ek giftig is.  Die spinnekop wat aan my geproe het, het gevrek aan voedselvergiftiging!

Maankind se boom

Oktober 21, 2010 in Sonder kategorie

Met al die kentekens, advertensies,inligting en ander goeters so op die blog, is die agtergronde nie altyd so duidelik sigbaar nie.

Maar toe my rekenaar so dag of 2 terug bevoeterd is, werk ek op seunie sin wat ‘n 23″ hi definition weet nie wat nog alles,  skerm het.

Skielik sien ek toe ook  meer van die blogagtergronde.  Bekyk so Maankind se boom ……………………

Nou wonder ek hoe oud hy al is. 

Hierdie foto’s is in 1976 geneem

Kodak Instamatic kwaliteit

Aanmoediging werp vrugte af

Oktober 20, 2010 in Sonder kategorie

Ek lees van Eaven se kind wat erkenning gaan kry by sy skool se prysuitdeling. Ook Ouboet skryf van sy kind wat na sy laaste skoolprysuitdeling gaan.

Sommige mense is maar net meer kompeterend as ander.  Vir hulle is pryse en toekennings nogal belangrik. 

Een van ons kinders is egter hoegenaamd nie kompeterend van aard nie.  Maar tog.  Met die aanvang van die 3e kwartaal in sy Graad 11 jaar word die boonste groep presteerders van die hele graad afgelees. Na die laaste naam gelees is, het ‘n kind gevra wie is volgende op die lys – wat toe hierdie kind van my was.

Net dit het hom aangespoor.  Die einde van daardie jaar het hy ‘n hele klompie posisies aangeskuif en toe hulle finale matriekuitslae ‘n jaar later uitkom het hy met besonder goeie resultate menige se oë laat rek.