PLETTERVAT!

Hoe’s daai vir ‘n plettervat? ‘n Troppie rooibokke kry snuf in die neus; sit op loop en loop hulle vas in die luiperd se hinderlaag.

Hierdie manjifieke foto en nog ‘n hele reeks, die een so skitterend soos die ander, verskyn in die someruitgawe van “Wild”. Die fotograaf is Martha van Rensburg. Die plek is iewers in die Kruger, vermoed ek.

Daar’s ook ‘n video op You Tube van hierdie skouspelagtige duikslag. Des te asemrowender.

(Die foto wat ek eintlik wou oorneem – die oomblik van impak – wou om die dood nie oplaai nie.  Slimmer bloggers as die uwe sal seker weet hoekom nie.)

#luiperdsehinderlaag #luiperdvangste #uitmelkbos #vangsteindiewildtuin