.png)
Die jaarlikse Woordfees in Stellenbosch is weer op ons (4 – 13 Maart). Ek sal probeer om nog veel meer hieroor te skryf, maar vir nou net eers die boeke waarby ek betrokke is.
Boek: Sprakeloos, deur Tom Lanoye
Wie: Tom Lanoye en Daniel Hugo (wat ook die boek vertaal het)
Wanneer: Maandag 7 Maart om 10:00
Waar: Die Boektent
En, dis nie al nie: Tom Lanoye doen ook ’n minidrama rondom hierdie boek. As julle Tom al ooit gesien perform het, sal julle weet dis nie iets wat jy mag mis nie. As jy hom nog nooit in so ’n drama gesien het nie, is dit jou geleentheid!
Wanneer: Maandag 7 Maart om 20:30
Waar: Die Klein Libertas Teater.
Terloops: Luister na RSG op Maandag 7 Maart, tussen 13:00 en 14:00. Iris Bester wil graag met Tom praat gedurende hierdie tyd.
Boek: Soeker, deur Pieter Cilliers
Wie: Pieter Cilliers in gesprek met Yolanda Dreyer
Wanneer: Dinsdag 8 Maart om 15:00
Waar: Die Boektent
Terloops: Luister na RSG op Dinsdag 8 Maart, tussen 07:00 en 08:00. Cobus Bester gaan met Pieter gesels.
Boek: Hanlie Retief gesels met, deur Hanlie Retief
Wie: Hanlie Retief gesels met Andries (Roof) Bezuidenhoudt
Wanneer: Woensdag 9 Maart om 15:00
Waar: Die Boektent.
Terloops: Luister na RSG op Woensdag 9 Maart, tussen 13:00 en 14:00. Iris Bester gaan met Hanlie gesels.
Boek: Biografie van ’n Bende, die Storie van Fokofpolisiekar, deur Annie Klopper
Wie: Annie Klopper , Henry Cloete (’n musiekjoernalis) en Fokofpolisiekar
Wanneer: Donderdag 10 Maart om 15:00
Waar: Die Boektent.
Terloops: Luister na RSG op Donderdag 10 Maart, tussen 13:00 en 14:00. Iris Bester wil met Hunter Kennedy praat rakende sy gevoel oor hierdie boek.
Ek gaan by hierdie geleenthede wees, so kom skud blad, asseblief.
As julle na mý wil luister, om een of ander rede, ek tree op saam met Karin Brynard, Kerneels Breytenbach en Chris Marnewick. Wanneer? Saterdag 12 Maart om 14:00 by die Boektent. Ons stuk se naam is Bloedspoor. Kom gril!
Julle kan ’n volledige Woordfeesprogram hier kry: http://www.woordfees.co.za/program/
Comments