.png)
Op Vrydag 27 Junie het die nimlike Isabella Niehaus ’n lang tafel gedek en gekook uit Niël Stemmet se resepteboeke. Soos dit ’n goeie kok betaam, was daar iets van haarself ook in elke gereg.
Hieronder is span: Marinda Engelbrecht, van Kokkerdoorfaam, het gehelp kook; Pieter du Toit, van Cederberg Kelders, het vir die wyn gesorg; Niël se boeke was die begin van die maaltyd en Isabella was die chef.
Isabella woon langs die see. Haar gaste kon die natuur én haar kunssinnigheid geniet.
Waar boeke en kos meng... Isabella se huis is vol boeke. Niemand kan ontken dat kos én boeke gevier word in hierdie huis nie.
Tuis en Home het geskenkpakkies gegee vir al die gaste.
Niël se boeke, sout+peper en agter+blad is deur LAPA uitgegee. Hulle is ook Engels beskikbaar as salt+pepper en back+page. Talle gaste het kopieë gekoop en laat teken. Niël het oral geselsies aangeknoop.
Nelia Vivier het al oor Niël se erfenis+kos geskryf.
Elize Parker was nog ’n baie bekende woordmens wat saamgeëet het.
Niël het ook voorgelees uit sy boeke.
Dit was ’n plesier om Isabella in aksie te sien.
Sy het verskeie helpers gehad om die las ligter te maak.
Hier is Edeline wat stil-stil orals is.
Die eerste gereg was smoorsnoekpakkies op oondgebakte patat met ’n botterroomsous, kardemom en natuurlike lemoensuiker.
Daarna het ons pere gekry wat in wyn gekook is, bedien saam met wintergroente en ’n neuteslaai.
Tamatieskenkels, heerlike, murgsagte skaapvleis: ons het, met Niël se toestemming, die bene met die hand gevat en elke krieseltjie afgekou.
Die ete is afgesluit met malvapoeding en Isabella se tuisgemaakte mascarpone.
Die wyn was voortreflik, al moes ons soms maar uitgooi in ’n emmertjie, want proe wou ons proe, maar bestuur moes ons bestuur.
Cederberg Kelders is die hoogste wynlandgoed in die Wes-Kaap.
David Nieuwoudt, van Cederberg Kelders, maak ook die wyn van Ghost Corner, ’n landgoed wat ’n entjie laer af geleë is.
Pieter du Toit aan die uitdeel.
’n Vinnige blaaskansie tussen geregte.
コメント