DIT RUK ‘N MENS

In Januarie 1964, skuins na my 23ste verjaardag, het Alf Ries, politieke beriggewer van die Nasionale Pers, my, ‘n groentjie in die persgalery van die Volksraad, die verhewe plek gaan wys.

Ek het klein gevoel toe ek die eerste keer afkyk op die groen banke waar leiers soos Hendrik Verwoerd, Ben Schoeman, Eben Donges en, aan opposisiekant, sir De Villiers Graafff. Marais Steyn en maj. Langpiet van der Bijl gesit het.

In my wildste drome sou ek nie kon voorsien wat in die toekoms in daardie waardige raadsaal sou gebeur nie. Net twee jaar later is dr. Verwoerd in sy bank met ‘n dolk vermoor. Die skokmoord het my geruk soos min ander dinge in my lewe.

#stakers #hennievandeventer #verwoerd #volksraad #uitmelkbos