.png)
Verlede week was Nasionale Boekweek en die Vriende van Afrikaans (VVA) het boeke, wat deur LAPA geskenk is, uitgedeel aan ’n aantal leerders in Kayamandi.
Amanda de Stadler en Chareldine van der Merwe het my genooi om ’n paar foto’s te kom neem. Dié twee gee leesklasse aan leerders wat in Kayamandi woon, maar deur hulle ouers na goeie skole buite Kayamandi gestuur word om ’n goeie opleiding te kry.
Hier gesels Chareldine met twee van die knapies wat vrywillig na hierdie ekstra klasse kom.
Die boek is Utshepo Mde / Groot genoeg, deur Mhlobo Jadezweni en Hannah Morris.
Die teks is in Afrikaans en Xhosa. Dit vertel die verhaal van Tshepo wat wil groei, so hy druk sy voete in beesmis en gooi water oor sy kop uit...
Die storie is eers in Afrikaans gelees.
Toe in Xhosa.
Daar is aandagtig geluister.
Hier is Amanda en Chareldine saam met die kabouters wat elkeen ’n boek present gekry het.
Om meer te wete te kom oor die werk van die VVA, besoek gerus hulle webwerf: www.vriendevanafrikaans.co.za.
Die VVA het onlangs ’n volfiliaal van die ATKV geword: www.atkv.org.za.
* * *
Die Legacy Centre is ’n storie op sigself. Dit behoort aan die Stellenbosch gemeente en word bestuur deur die gemeente en die Stellenbosch Universiteit. Hier is meer inligting oor die sentrum: http://legacykayamandi.blogspot.com/p/about.html
Daar is talle klaskamers wat volgens ’n streng rooster aan instansies, soos die VVA, beskikbaar gestel word.
Hierdie twee fisioterapeute help ook daar.
Dit is ’n veilige hawe vir hierdie knape.
Nie dat hierdie twee lyk of hulle dit nodig het nie!
Comments