Die Suid-Afrikaanse Boekebeurs Dag 3

Marius Swart, Michiel Heyns en Leon de Kock praat oor die vertaling van literêre werk.

Proteas vir Protea Boekhuis se stalletjie. Ek het die boek Hoekom moet ek dit doen? daar gaan koop, want Izak is ’n karakter daarin – en dit is regtig my naam wat daarin gebruik is. Ek sal later ’n resensie skryf.

Oud en jonk was mal oor Babalela.

Hierdie feetjie het dit amper reg gekry om cuter te wees as Babalela. Hulle was onmiddellik mal oor mekaar.

Sonja Kruse (http://www.theubuntugirl.co.za/) gesels oor haar reis.

Günther Komnick, uitsonderlike fotograaf en grafiese ontwerper in sy stalletjie. Ek het besluit om dié een swart en wit te maak, want Günther se swart-en-wit-werk uit die sestigs is kleinnode.

Waarvan hou jy? Mense het die titels van hulle gunstelingboeke hier kom opplak.

Thando Mgqolozana, die outeur van Hear me alone.

So, a girl walks into a bar...then there is sex... then she walks into a wedding... and there is more sex... en dan moet julle self verder lees. Helen Moffet en Karina Brink het gepraat oor seks, feminisme, die geletterdheid van die lyf, penisringe, lekker kos, kroeë, belasting... Dit was een die mees genotvolle praatjies op die beurs. Die boeke is A girl walks into a bar en A girl walks into a wedding. Helena S. Paige bestaan uit Helen Moffet, Sarah Lotz en Paige Nick. (Het ek gesê daar is oor seks gepraat?)

Erika Lourens is die kookwaterbibliotekaresse by die Laerskool Eikestad. Sy het kom inloer om boeke te soek vir haar biblioteek.

Marie Henning en Erika Lourens

Charlie Human, Lauren Beukes en Diane Awerbuck in gesprek.

Davey du Plessis, die outeur van Choosing to live, lees voor uit sy boek oor sy avonture in die Amazone.

Melissa Siebert, outeur van The Garden of Dreams praat met Jonathan Amid oor kinderhandel.