Die Suid-Afrikaanse Boekebeurs Dag 2

Marthie Maré, die outeur van Legkaart van jou gesig, verduidelik aan iemand wat haar wenkbroue van haar verklap.

Die boekebeurs is vir almal.

Marieta Nel, skolebestuurder by LAPA uitgewers, gesels met ’n kliënt.

There is Wally!

Steve Hofmeyer en Deon Meyer in gesprek. Deon het die opmerking gemaak dat die Afrikaanse letterkunde ’n huis vol leë kamers was aan die einde van apartheid, vandag is al daardie kamers gevul, al die genres van oorsese letterkundes word dus vandag in Suid-Afrika ook aangetref. Steve het toe gesê met musiek is dit dieselfde. Die nuwe Suid-Afrika was die beste ding wat met musiek kon gebeur.

Ook die opvoedkundige uitgewers is druk besoek. Hier is The answer series se stalletjie.

Pan MacMillan se stalletjie. As julle terugblaai na my inskrywing Agter die skerms by die Suid-Afrikaanse Boekebeurs, sal julle sien hoe mense ’n stalletjie swart verf, wel, hier is die finale produk.

Die kinderspeelplek is druk besoek.

Die toekoms van lees... Hierdie kaboutertjies het presies geweet hoe om e-lesers te navigeer en het met aandag gelees.

Een van die interessantste en snaakste praatjies, Elsa Winckler, Jacolet van den Berg en Kristel Loots het die gehoor laat skater met staaltjies oor die skryfproses. Liefdesverhale bly die gewildste leesstof wêreldwyd. Chanette Paul was die gespreksleier.

Franci Vosloo, ’n navorser in vertaalkunde, Ilse Carla Groenwald, die vertaler van die  Afrikamasutra, en Phumzile Simelane Kalumba, die outeur van Jabulani means Rejoice – A Dictionary of Names amd Meanings, in gesprek.

Hierdie kabouter het ons harte gesteel.

Michiel Heyns en Andrew Brown in gesprek. Hulle het gesels oor wat krimiskrywers aan hulle karakters doen. Die gehoor het hulle verkneukel aan die humor.

Ken McGillivray, Maya Fowler en Peter Merrington verduidelik die rol van redakteurs aan outeurs wat hulle eie boeke wil uitgee.

Corné Janse van Rensburg, van die Professional Editors’ Group, het stil-stil ’n baie groot deel van die program by die Suid-Afrikaanse Boekebeurs gereël.

G.J. dut Toit (links), ’n spesialissetter van regsdokumente, se stalletjie is nogal in die kol.