.png)
Ek wil graag nog ’n paar van my vakansiekiekies deel.
Ons was mal oor Clarens. Ons het nie in die dorp self gebly nie, maar wel in Kiara Lodge, so twaalf kilometer van die dorp af. Besoek gerus www.clarensnews.co.za as julle meer oor die dorp en die akkommodasie wou weet.
(Kliek op elke foto om dit groter te maak.)
Yarn-bombing, Clarens style! (Ek het die foto spesiaal vir my vriendin Karen Adendorf geneem.)
Die skaduwees was vir my mooi.
In die koffiewinkel: Die ouens is gesteld op die regte aanspreekvorm.
Duitse kos by die Roterhahn.
Die Bibliophile is gevaarlik vir jou beursie as jy hou van boeke. Jy is gewaarsku!
The Posthouse, ’n baie gewilde eetplek.
Die NG Kerk is nie net mooi nie, dit het ’n baie trotse tradisie van armmoedeverligting in die naburige township.
Die geliefde soek naarstiglik na die brouery, want haar man is dors.
Ek is lief vir ’n biertjie nou en dan, want die koolhidraatvlakke in ’n goeie bier is boonop Banting-vriendelik. Ek ondersteun soms mikrobrouerye. Van die heel lekkerste bier wat ek nog raakgeloop het, kom van Clarens Brewery. Gaan heen en gaan geniet dit. Die personeel is vriendelik en intelligent. Die bier is heerlik.
My gunsteling was die Clarens Amber, maar vir die huistoeneem het ons besluit op hulle Clarens Blonde. My ma, wat baie in Europa reis, was nou weer baie lief vir hulle Clarens Weiss.
Steeds in die Clarens Brewery. Die geliefde is aan die proe. Hulle siders is ook lekker, maar ek was mal oor die bier.
Oor ’n biertjie het ons hulle worspot geëet. Vier verskillende soorte wors. Lekker.
Werkskepping.
My geliefde het weggeraak in hierdie winkel. Wees gewaarsku.
Daar is ontsettend baie kunsgalerye in Clarens.
Heerlike gebak, maar nie vir Tim Noakes nie!
Nog ’n baie bekende restaurant in Clarens.
Die pizzawinkel in Clarens is lief vir honde.
Umm, het ek al vir julle vertel van Clarens Brewery se uitstekende bier?
Comments