BOVRIL EN VONKELWYN

Verjaardag-omelet.

Wie kan haarfyn sy of haar ontbyt van 54 jaar gelede onthou? Wel, ek onthou myne van 3 Januarie 1962. Was my mondigwording.

Ek het as vakansiewerker in ons Goudveldse kantoor in Welkom afgelos. Het by ‘n jong egpaar Horak geloseer. Die oggend verras die oulike mev. Horak my met ‘n omelet. Sy het met Bovril ‘n groot 21 daarop geskryf.

Op 4 Januarie 2016 het die oulike mev. Van Deventer my met ‘n replika verras. Die syfer is helaas nie meer 21 nie. Vinnig gegroei tot 75.

Johan, Mariza en Migael van George klink saam met my en Tokkie ‘n vonkelwyntjie.

Laat my nie in Facebookstyl te veel uitwei oor die verjaardag dag se spyskaarte nie. Mag ek wel maar meld die besonderse vonkelwyn die middag by die piekniekplek?

Fyntjies gegarneer met hibiskusblommetjies wat spesiaal deur skoondogter Mariza uit die Suid-Kaap vir die doel saamgebring is.

Het die ou man sommer dubbel spesiaal laat voel so met die bereiking van die driekwarteeu saam.

#bovril #hennievandeventer #Sabiepark #vonkelwyn