BERGE, BERGE DRUIWE

Net voordat ons ry Slanghoevallei toe vra my vriend Koos Myburgh: “Ry julle oor Bainskloof?” Daar en dan besluit ek: dan maak ons so.

 Dit was vyfster. Beveel die roete sterk aan vir ‘n daguitstappie of langer.  Via die skilderagtige Bainskloofpas (by Wellington) benader jy dan die Slanghoekvallei van Bergsig-kelder se kant.  Jy ry verby Opstal, Breëland, Slanghoek, Jason’s Hill en Badsberg na Rawsonville. Daarna ry jy huis toe via DuToitskloof.

As jy wil oorslaap (Goudini-Spa en die Slangoek-bergoord is maar twee moontlikhede) kan jy ook die Louwshoek-driehoek ry (Goudini, Merwida, Avondrood, Dashbosch en Kirabo), en/of die Breederivier-roete (Olofsberg, Botha – sy Dassies is nog altyd goeie waarde! – Waboomsrivier, Bergsig, Lateganskop, Mountain Ridge.)

Op die R101 is die kelders Lorraine, Du Toitskloof, Du Preez en Groot Eiland.

 Waarlik kelders te kus en te keur. Maar die mooiste is die sielstrelende landskappe: reuse-berge en uitgestrekte wingerde tot teen die pad. En die berge druiwe op pad kelders toe.Moenie uitstel nie.    

 Slanghoekvallei is dalk die Kaap se blinkste onontdekte juweel, terwyl die verkeer voet in die hoek op die naasliggende N1 verbysnel.  

#slanghoek #slanghoekkelders #slanghoekvallei #uitmelkbos