pgjonker

Besluite, besluite:  Pearly’s of Driftwoods?

Net bokant die restaurante, die huises.

‘n Konfytflessie vol Mojo is net die ding as jy dors is.

Driftwoods se spyskaart bied variasie.  Weskus Sushi is aan die orde.

Sommige doen, ander kyk.

Sug.  Ek is so verveeld.

Wat sê jy daar van ‘n entjie ry?

Joegaai!  Wind in die hare!

Nice view.

Ons hou maar by die hoofpaaie.

And that’s it?  Dit die beste wat jy kon doen?

Die Jerry Springer show fassineer my.

Ek verstaan dat dit bedoel is om vermaak te wees.  Ek meen, after all kyk ek daarna, wat waarskynlik die kort antwoord op die vraag is waarom die program bestaan – mense kyk dit.  Maar die feit dat ek die deelnemers sowel as die gehoor fassinerend vind beteken nie dat dit noodwendig goeie of gesonde vermaak is nie.  Dit verduidelik ook nie wat maak dat mense op die program die dinge doen en sê wat hulle doen nie.

Voorbeeld 1: 

Pietie het met sy meisie se vriendin in die bed gespring.  Nou gaan hy bieg.  Dis fine, dis seker die regte ding om te doen.  Maar hoekom voor ‘n paar miljoen kykers?  Nou vertel Pietie sy storie eers vir die gehoor en nog ‘n paar miljoen kykers.  Olliewhile dink sy meisie hy gaan haar vanaand voor almal vra om te trou.  En dan kry sy nou hierdie tipe nuus.  Ek meen, what were you thinking, dude?

Goed, nou kom die vriendin met wie hy gepolefink het ook van agter af uitgestap.  Die nexte ding dan is daai twee girls aanmekaar.  Gewoonlik kom die haretrek en vuishoue eerste, dan die screaming match, en dan weer die vuisgeveg.  Wat my laat dink, met so ‘n tipe patroon, word dit nie dalk gestage nie?

Voorbeeld 2:

Sannie het met haar vriendin in die bed gespring, maar haar vriendin is in ‘n vaste verhouding met ‘n boyfriend.  Maar Sannie is erg chaffed saam met haarself, want vanaand gaan haar vriendin nou vir haar boyfriend vertel sy hou meer van meisis as van ouens.  Sannie wikkel haar tong soos ‘n verkleurmannetjie van lekkerte.  OK, miskien het dit iets anders voorgestel.

Nou kom haar vriendin in, maar plaas dat sy die game speel vertel sy vir Sannie sorrie, daai was ‘n mistykie gewees, ek hou eintlik meer van mans in die algemeen, en van my boyfriend in die besonder.

Dan volg die hare trek, vuishoue, screaming match en nog ‘n paar vuishoue. 

Hoekom wil jy dit voor ‘n miljoen mense doen? 

Standaard gedrag:

Die dudes sien ek like dit kwaai om hulle hemde uit te trek, ongeag of hulle daarna lyk of nie.  Ek is nie seker of hulle vooraf betaal word om dit te doen nie.  Miskien is dit ‘n tipe kodetaal wat ek net nie verstaan nie.

Die dames (op die verhoog en in die gehoor) like dit ook nogals om hulle borste te wys.  Goed, ons sien dit nie, want dit word mooi diskreet uitgedof saam met die ander expletives.  Maar sal dit die Amerikaanse weergawe wees van om vir iemand middelvinger te wys?

Ek dink ek verstaan net nie die konsep of die kodes nie.

Miskien is daar ‘n amateur sielkundige daarbuite wat my kan help hier. 

Die kinders-optel-na-skool rondte kan nogal ‘n naelbyter wees.

Sommige ouers moet hulle haas van die een skool na die ander om nóg ‘n kind of wat te gaan oplaai. Ander moet terug werk toe. Ander is sommer net sat en haastig huis toe.

Dus is daar min liefde verlore tussen padgebruikers op daardie tyd van die dag. Ek het self nou al agtergekom die manier om uit ‘n parkeerplek terug in die pad te kom is om die motor se neus so effens vorentoe te druk dat die aankomende voertuig dink jy gaan in hom vasry. Saam met die middelvinger stop hulle darem dan in elk geval, en dan het jy die gaping wat jy nodig het om ook weer in die verkeer in te kom.

Hierdie is normaalweg vroulief se rondte om te doen. Eers moet sy ontsnap by die skool waar sy self betrokke is, dan na een skool en vandaar na nog ‘n skool om die rondte te voltooi.  Dus het sy die slegste van 3 wêrelde om te trotseer.  Need I say more.

So kom een van haar kindertjies opgewonde by haar die anderdag: “Juffrou, Juffrou, ons het vir Juffrou gesien!”

“O so. Waar het julle my gesien?”

“In juffrou se kar voor die skool. My ma het juffrou ook gesien.” Die outjie is baie opgewonde dat sy ma óók vir juffrou gesien het. Hoe cool is dít nou.

“O.”

“Juffrou, my ma sê juffrou ry soos ‘n maniak.”

“O.”

“Wat is ‘n maniak, juffrou?”