Louis de Villiers, gevierde rugbyskrywer  skryf 7 dae gelede :

“Morné op sy kop”

 

“Jy kan jouself amptelik ophou bekommer oor Morné Steyn se spelpeil.

Die Springbok-losskakel was gister hier pure generaal onderweg na sy span se oorwinning”

ensovoorts bla bla bla en bla.

Ek was nie seker of ek en die geagte Louis laasweek dieselfde wedstyd gekyk het nie, en ja, vir ‘n verandering het Morne al sy skoppe laasweek oorgekry, maar dit was nie regtig die kwessie nie.

My probleem was dat hy op Nuweland geensins “pure generaal” was nie, hy was nie eers ‘n manskap nie….. en nog minder in Mendoza.

Wat besiel die Springboklosskakel om 8 minute voor die eindfluitjie, met telling 16 elk, WEEREENS die bal ‘n sinnelose lugskoppie te gee ????? Die bokke kon gaan druk het.

Heyneke Meyer se Bloubul spelpatroon werk nie.

Dis so voorspelbaar dis om van te vrek.

Skrumskakel vertraag die spel, en skop die bal in die lug op…. of gee die bal vir die losskakel wat dit in die lug sal skop.

WTF?

Hey Louis, dis nou jy , wie is ‘n generaal : WTF????  Ek sien die Rapport het maar besluit om heeltemal NIKS oor die Mendoza wedstryd te skryf nie.. Louis de Villiers hoop seker teen volgende Sondag het almal al sy bostaande lofgesange van verlede Sondag vergeet. Ek besef dis moeilik maar rugbyskrywers moet eers hulle artikels klaar skryf voordat die bottel brannas oop is, nevermaaind nadat bottel 2 leeg is.

Daar is nog ‘n skraler kans dat Heyneke Meyer hierdie blogs sal lees, maar net vir in case hy dit lees, of iemand hom kan verwys na hierdie blog:

Heyneke waddehel dink jy doen jy, is jy stapelgek of wat?

1. Morne Steyn is hopeloos, maar as jy ‘n bul MOET kies.. daai Fouche outjie is duisend keer beter as Morne in elke aspek van rugby.

Pat Lambie is beter as Morne, Elton Jantjies is beter as Morne, Goosen is beter, fokkit , Peter Grant is swak, maar beter as Morne, liewe hel.

2. Andries Bekker se rug is duidelik nog seer. Moenie ‘n speler speel wat nie fiks is nie. Bekker was useless.

3. en toe kom Flippie op…. ?????

ek sal dit sê.. die hoogvat is deesdae ‘n kenmerk van bul rugby.. sad but true.

4. Strauss is nie ‘n baie goeie vleuel nie, inteendeel hy is pateties op vleuel .. oeps .. is hy nie veronderstel om haker te wees nie … hoekom speel hy vleuel… kom iemand my dalk reg help?

5. Jean de Villiers .. wtf? nie ‘n senter se gat nie, nie ‘n Springbok se gat nie, en baie beslis geen kaptein van enige soort nie. Pateties.

6. Op Nuweland was ek nie beindruk nie, en die Mendoza wedstryd het Heyneke Meyer se swak oordeel erg aan die kaak gestel.

7. Hougaard .. swak op skrumskakel. Ruan Pienaar is BAIE beter.

8. Die losvoorspeler kombineer geheel en al glad nie.

9. Etsebeth was die beste van die voorspelers.

10. Jannie en Beast was okay, maar net net okay.

Die All Blacks gaan die Bokke slag!

“Apex Predator” is die Engelse woord vir die dier wat heel bo aan die voedselketting is.

Eintlik is dit seker maar die mens, maar onder die see is dit Carcharodon carcharias, die Wit haai.  Die een waarmee Spielberg almal skrik op die lyf mee gejaag het.  Hierdie kalant is anders as enige van die ander en ek is baie lugtig vir hom.

Die afgelope maand help ek my ou maat met ‘n projek, maar met al die slegte weer en storms kon ons tot dusver nie te veel doen nie.

So as jy ‘n mooi dag het, soos vandag nou was, moet jy maar jou kans gryp. Oormôre storm dit al weer.

Die ding is dat sigbaarheid onder die water van meer afhang as sonskyn en ‘n ligte windjie, Seestrome, deining en sulke goed speel ook ‘n rol. So vanoggend mos ons in 12C water inploeter om van daardie klein GoPro kameratjies te ontplooi.

Nou ja, hulle werk ook met batterye, wat pap word, en hulle skyfies raak ook vol, wat beteken mens moet dit later die dag weer uithaal om batterye te laai en die skyfies af te laai. 

Die Gopro kameratjie word versigtig vasgeklamp

 

Mevrou kom kyk wat aangaan

Hier moet mens nou mooi versigtig wees.

 

Oja, hier so uur of wat na middagete moes ons die kameras weer afhaal. Sigbaarheid was swak, en die kamera was weg. Ta het besluit sy .. of hy wil dit byt. Scratch een GoPro… maar dis okay, as die eksperiment gaan werk soos hy moet en tot dusver loop alles mooi, dan is dit ‘n “fair sacrifice”, maar ons het vanmiddag ‘n paar benoude oomblikke gehad. 

 

“Hoe kan rotsboorwerkers slegs **** R4000 ’n maand verdien?

Hulle doen die hardste en gevaarlikste werk in die myn.

Waar was die mynbase in hierdie hele sage?

Woensdag het polisie met die mynwerkers onderhandel. Dit is nie die rol van polisie nie. Lonmin is ’n privaat mynmaatskappy, maar verwag politieke toetrede deur die regering.

Die mynbase skitter in hul afwesigheid.”

Alhoewel ek gewoonlik nie saam met Amanda Gouws stem nie, is haar rubriek altyd prikkelend, en stel sy pertinente vrae.

‘n Halfgeskoolde werker by Kaapstad se munisipaliteit kry al R 4000 ‘n maand, so ek reken ‘n ou wat ondergronds werk behoort heelwat meer te kry, veral as hy harde en gevaarlike werk doen.

(Eintlik wou ‘n vriend gehad het ek moes op hierdie heden oomblik in koue, rowwe, vuil water met een meter sig help soek het na die wrakstukke van die Libra wat tydens laasweek se storm net buite die hawe gesink het, maar te moer daarmee, ek het ander werk en anyway tyd om te mors op blogs ipv harde gevaarlike werk doen vir min geld.)

Terug na die kwessie:

Wat Gouws wel mis kyk, as dat hierdie ‘n onwettige staking was, en onwettige stakings is die werk van die polisie.

Mynbestuur is kontraktueel verbind op met die erkende vakbonde te onderhandel, en om met werkers wat onwettig staak te onderhandel is weer ‘n verbreking van ooreenkomste met die erkende vakbonde wat namens die werkers onderhandel.

Wat die skietery betref:

Uiteindelik was dit al uitweg om die stormloop te stuit. Dit was of skiet of sterf.

Ek het na heelwat Youtube segmente gekyk. Op die Aljazeera snit wys hulle duidelik hoe ‘n staker met ‘n pistool na die polisie skiet.

Maar.. en dis altyd maklik om na die tyd  maar te sê… die finale stormloop was heelwaarskynlik afwendbaar.

Die katalisator was  1. die opsweping van die stakers waarvan rituele , moetie ens deel was.

                                 2. die afrol van die lemmetjiesdraad

Hou verder in gedagte dat die van stakers op hierdie stadium reeds mense op die wreedste wyses denkbaar gemartel en vermoor het.

Weereens ter nabetragting en dit is maklik om nou te sê – ek dink die polisie het die situasie onderskat en nie genoegsaam voorberei met nie dodelike metodes nie.

As jy al ooit aan die ontvangkant van traangas, en rubberkoeëls was sal jy weet wat ek bedoel.

Punt is toe die stormloop eers begin het kon nie dodelike maatreëls dit eenvoudig nie stuit nie.

Ek moes gaan soek vir Lonmin se amptelike reaksie, want nuusmedia wil eintlik nie sulke vervelige goed plaas nie

Lonmin Statement on Marikana Situation

Lonmin Chief Financial Officer, Simon Scott said: “On behalf of the whole Company I would like to express our sincere condolences to the families and friends of all those employees who have lost their lives, not only in the events of Thursday but also in the days leading up to it, and of course to the families and colleagues of the two South African Police Service officers who died trying to protect others.

“I would like to thank all those Lonmin staff, whether they have been able to get to work or not, for their dedication and efforts.
“We are committed to supporting all the families that lost loved ones during this tragic week. We have established a Help Desk at Lonmin’s Andrew Saffy Hospital which will help families with the identification of bodies, assist with all the burial arrangements and offer bereavement counselling.

“In addition to the Help Desk Services, Lonmin commits to provide funding for the education of all the children of employees who lost their lives. This funding will cover education costs from primary school to university.”

“Lonmin has for many years worked tirelessly to achieve effective and open labour relations. We engage with all the unions our employees choose to belong to and whilst, like all companies, we have had disagreements, we have generally operated in partnership with the unions to the benefit of the Company and the employees, which is why the illegal strike we’ve seen is so disappointing and damaging.

“We can also be proud of the work we have done in the communities who live around our mines, where we have invested hundreds of millions in providing housing, health services, education and also training to help local people achieve qualifications to get jobs in mining and other industries. There is much still to be done on and around our property and we are committed to continuing this effort and investment.

“This last week has dealt those efforts a severe blow. We must start to rebuild those relationships, starting today, building back trust and trying to move forwards.

“Finally, a stable mining sector is vital to the economic future of this country. If the industry continues to be damaged by illegal actions it is not just the economy which suffers, but all our employees, their families and dependents. We need our employees to come back to work and we need to get mining again.”

Amanda Gouws se rubriek in vandag se koerant :

http://www.dieburger.com/Rubrieke/AmandaGouws/SA-moet-wakker-skrik-na-Lonmin-20120819

Lonmin se persverklaring :

www.lonmin.com/downloads/media_centre/news/press/2012/Statement_on_Marikana_Situation_-__17_08_12_-_FINAL.pdf

**** Intussen wil dit voorkom asof die loon eintlik veel hoër as R 4000 is, en eintlik naby aan dubbel dit.

Louis de Villiers sing vandag in die koerant lofpsalms aan Morne Steyn. Ja, Morne het gister sy stelskoppe oorgekry. Die skuinskoppie vir Habana se drie was akkuraat en die bal het reggespring.

Dat die bokke nie ‘n bonuspunt kon kry nie is ‘n skreiende skande, en dit is die probleem met Morne Steyn.

Hy is nie regtig ‘n spelskepper nie. Die res van die agterlyn was ook maar so-so. Jean de Villiers het dit ook nie eintlik meer nie.

Die agterlyn het nooit regtig gevaarlik gelyk nie.

Die telling het die bokke gevlei.

Ek het baie lanklaas ‘n toets by Nuweland gekyk, was nog steeds lekker, en ek het sommer my selfoon kamera ook getoets.

‘n Blog is maar net dieselfde as ‘n muur waarop iemand graffiti skryf.

Dis daar vir almal om te sien, en elke ander maat van Jan Rap kan ook sy stukkie twak daar loop skryf.

Heelwaarskynlik maak dit van elke blogger ‘n gek en ‘n dwaas, maar ons hou aan om op die kubermuur te skryf.

Noodwendig gaan hier ‘n groot verskeidenheid skryfsels verskyn.

Nature of the beast.

Wanneer mens iets op jou blog plaas is dit in die openbare domein, op Litnetblogs is daar ook spesiaal terugvoer geleentheid – sterre gradering en ook kommentaar.

Natuurlik gaan mense allerhande kommentaar kry, hoe meer omstrede en hoe belagliker, hoe meer kommentaar.

Die internet is by uitstek die plek waar con artists, malles en aanhangers van allerhande splintergedagtes uithang en skryf, internet gebruikers moet maar hulle bullshitfilters aanskakel. Nie net tov blogs nie, maar veral gevaarliker op epos waar phishing en die Nigeriese “jy het geld gewen” slenters algemeen is. Ditto allerhande kettingbriewe.

Hier by die blogs het ons so bietjie Chinese spam, ek praat nou nie van Francois se anargistiese skrywes nie, maar van Ching Tjong Chai wat gereeld aan ons klere wil verkoop.

Ek beweer ook nou nie dat alle bloggers bedrieërs is nie, veral nie heaven forbid, litnet se bloggers nie, maar helaas daar is altyd uitsonderings né Maryna.

Ek het altyd waardering vir ‘n eerlike interressante blogpos. Al stem ek nie eintlik saam met wat die persoon sê nie.

Natuurlik gaan ek vir mense skryf dat hulle twak praat wanneer hulle dit doen, en mense skryf greeld die grootste twak denkbaar op die blogs, en dit is hier waar sekeres gereeld alle perspektief verloor en die kluts heeltemal kwyt raak.

Dis nog okay, Anha en FW se histeriese geswets kan nog gaan.

Dit is wanneer mense prontuit begin lieg en konkel wat ek my moer strip en geniepsig raak. Verstaan jy tannie Frannie ?

Ek het nie tyd vir ‘n agteraf oneerlike doos nie.

Ek is nie so seker dat mens iemand wat bloot van jou verskil, of as jy allerhande nonsens skryf, dit vir jou uitwys, as ‘n trol behoort te beskou nie. Sommiges se definisie is wel so wyd. Myne nie. As iemand uiters omstrede stellings of totaal onkundige twak op sy blog skryf, dan sal ek die gepaste kommentaar daar skryf  byvoorbeeld:

1. plastiekarmbandjies maak skete gesond.

2. kwarts kristalletjies het toorkrag

3. Ruimtemannetjies het die piramides gebou

4. Vorster het Verwoerd laat vermoor

ensovoorts

O ja en as jy prontuit lieg soos Maryna sal ek dit uitwys.

Al vee sy al my kommentaar voor die voet uit. Sy bly ‘n infame leunaar.

Soos altyd het die VSA span met ‘n groot gros medaljes huistoe gegaan, 104 medaljes met 46 goud. Alles baie mooi, maar hoe goed is dit regtig ?

Hulle bevolking is 314 miljoen, so per kapita is dit een medalje per 3 miljoen mense.

China wat meer as 1000 miljoen mense het, het 88 medaljes gekry. Dit is een medalje per 15 miljoen mense. Nie te waffers nie.

Engeland, oftewel Brittanje, het die derde meeste medaljes gewen, 65, maar hulle bevolking is 62 miljoen, so dit is een medalje per 950 000 mense.

Brittanje het dus eintlik beter gedoen as die VSA en China.

Hoe het Suid Afrika gevaar? 6 medaljes, ons het 50 miljoen mense, so een medalje per 8 miljoen of so. Swakker as die VSA maar darem beter as China.

En wie is die “wenners” ?

Die klein eilandjie Grenada. Bevolking 105 000. Een medalje, goud. Een medalje per 105 000 mense.

Een goue medalje in ‘n wedren waarin RSA ook deelgeneem het.

Kirani James (19)  het die 400 meter naelloop gewen, en frokkies met Oscar Pistorius geruil.

Grenada , los hande die mees sportiewe land op aarde !!!

Die 3 podiumplekke gaan aan :

Goud – Grenada  1 medalje ( goud) per 105 duisend siele.

Silwer – Jamaica  een medalje per 225 duisend    (12 medaljes waarvan 4 goud)

Brons – Nieu Zeeland  – een medalje per 314 duisend mense.      ( 13 medaljes met 6 goud)

Van die Sharks het miskien oorsee gaan pakslae kry, maar die regtes was onder die see op die Suidkus. Toe ons later die oggend aan wal kom, was ek bly ek het liewer onder die water gaan kyk hoe speel die haaie.

‘n Vriendin, Raffa, het die fotos geneem. Dis Swarttiphaaie (Carcharhinus Limbatus), nie eintlik gevaarlik nie. Een donkerhaai het ook opgedaag, maar hy wou nie bly nie.