Petrus Pap se Oefenkamp

Alberto en ek is nou goeie maats.

Hy het my alles vertel van hulle ondersese monument in Cancun.

Volkswagen borg die volgende werk, ‘n kewer in sement gegiet wat hulle ook daar gaan plant.

Hy reken al die sement beelde en goed is eintlik nie so swak idee nie, want daar is mal donners wat oor dit wil rond snorkel.

Dan as dit by die eintlike koraalriwwe kom is die mense al klaar koud en die stupid beelde bewaar inderwaarheid die riwwe, wat die 2de grootste koraal stelsel is na die Great Barrier van Oz. Die mense is meer op die beelde as die rif.. en dis goed vir die rif.

Ek wou ‘n foto neem van Alberto se vrou. Sy is 54. Ek het nie. Hel, sy het ‘n stel bene aan haar.

Goeie gene, maar ek het ook besef dat ons liewe boere tannies geheel en al GEEN verskoning het nie… want sy het na 3 kinders nie in ‘n seekoei verander nie, maar is steeds pure gazelle.. en sy is ook die hoof van ‘n taal departement en praat 6 tale vlot !!!

Hoe koud is die windjie en al daai.

Selfs in Maun, wat ver in die Noorde is, laasjaar was net so verdomp koud op die Okavango. Gisteroggend was die windjie nogal snerpend koud daar.

Toe jaag ek maar terug. Vanoggend net na 6 was dit minus 1 so paar km aan die Potgietersrus kant van die Limpopo. Ek wonder of Kobus weet die kafee by Kwanokeng het ‘n moerse Wiesenhof koffie tentoonstelling, fles , “branding” en alles, maar as jy kwart voor ses daar koffie soek terwyl jy vir die grenshek wag, dan is daar net Ricoffy. Hel !

Ten minste het Menlyn se Newscafe vinnige internet en okay koffie.

Maar die son bak darem nie te sleg nie.