Petrus Pap se Oefenkamp

Eintlik het ek uit blote nuuskierigheid gaan kyk want aangaan en ‘n Facebook profiel geskep en alles.

Die eerste ding wat gebeur het was dit ‘n hele klomp mense saam met wie ek op skool was, kontak gemaak het, en ons het almal maatjies geword.  Insluitende my st 9 kys, wat my destyds gedump het. Ek dink nie die kys was te ernstig nie, want ek kan nie eers onthou dat ons ordentlik gevry het nie. Die eintlike meisie op wie ek verlief was het met ‘n ander outjie uitgegaan … hy is wel een van my facebook maatjies alhoewel ons op skool slegs klasmaats was.

Nie dat ons enigsins vir mekaar boodskappe en goed stuur nie, ek dink almal is maar net soort van goed gemanierd en voel soortvan te kak om die ou skoolmaats te “unfriend” … behalwe die wat simpel raak met spam, en my heeltyd uitnooi na allerhande onosel issues toe en so aan. En dan die dwepers, wat natuurlik glad nie kan verstaan dat hulle ‘n spul dwepers is nie.

Elke nou en dan is ek lus om hulle ook te nuke, ek verdra hulle, maar my vinger is naby die valbyl knoppie.

Verder nou is dit nie net Facebook nie.

Daar is allerhande ander sosiale netwerke soos Plaxo, linked in, daai een van google, hi5 en so aan.

Wat ek nou glad nie kan verstaan nie is dit – as twee van ons alreeds Facebook maatjies is.. hoekom de hel wil ons nou ook Linked in wees, en gehaai5 wees, en geweet nie wat wees nie.

Ons is mos nou Faceboek maatjies, en het mekaar se e mail adres en alles, so wat is die storie met al hierdie ander sosiale netwerke.

Vreemd.

 

Seekoei en kameraman by Mana pools

 

In Rundu het my mik en druk verdwyn. Ek dink ek het dit bo op Engen se petrolpomp gelos. Gelukkig het ek darem ‘n paar fotos oorgelaai voordat ek die kamera weggesmyt het. Die fotos hier is nog steeds met die mik en druk geneem, en nie met lang telefoto lense nie.

 

In Botswana het ‘n olifant die afgelope week ‘n arme man karnuffel. Noodlottig. Daar was nog insidente. Man doodgetrap by Matusadona, Kariba, Spaanse toeris dood by Purros in Namibië- olifant.  Alles my “hangouts”.

 

Mens moet altyd met ‘n olifant rekening hou. Hulle is groot en kan nogal humeurig wees. Veral op plekke waar die mens en dier interaksie kompeterend is.

 

In die Kruger Wildtuin en ook in Etosha is die olifante baie gwoond aan karre, en alhoewel daar baie onosel mense daar rondry, is die interaksie nie kompeterend nie. meestal kyk nie mense net na die olifante uit die motors.

 

Die kampe het drade om, en die olifante probeer nie karavane, tente en voertuie oopbreek om by soet vrugte uit te kom nie, of breek deur heinings om mense se tuine bietjie om te dolwe nie. Okay, miskien wel bietjie by Malelane, maar nie eintlik te veel nie.

 

Verder noord is dit nogal ‘n ander storie. Kariba is maar een voorbeeld, maar daar is baie.

 

Warthog’s is so lekker boskroegie op die buitewyke van Kariba dorp. Dis hier waar ek vanjaar die eerste keer tussen die Mopanies deur gesidestep het, vinniger en ratser as wat Gio Aplon in sy wildste drome dink hy kan doen.

 

Al wat ek wou gaan doen is om so paar fotos van die sonsondergang en die dam en miskien ‘n krokodil te neem. Wat so ent afstap water toe beteken het. Een kant tussen die bome was ‘n olifant of twee, hierdie een was die naaste. Ek het gedink hy sien my, en hy was ontspanne, want hy het rustig aangegaan met eet, en hom nie aan my gesteur nie.

 

 

Dis my benadering. Maak seker die dier sien jou. Hy sal jou gou laat weet hoe hy oor jou teenwoordigheid voel. Dit is belangrik dat die dier die interaksie moet beheer, want dan is almal gemaklik. Maak seker daar is afstand. Ruimte om in te beweeg, vir mens en dier.

 

As die dier vir jou sê om te waai is dit presies wat jy moet doen as hy groter as jy is. Soms as hy kleiner as jy is ook. Ek wil nie met ‘n ratel slaags raak nie, al het ek een tussen die oë gegooi met ‘n aartappel, maar dis ‘n ander storie.

 

Nietemin, met die terugstap kroeg toe, het ta sy moer gestrip en ‘n stormlopie uitgevoer. Vinnigste wat ek nog ooit tussen ‘n spul bome deur .’n kroeg binnegestorm het. Ek het daar net ‘n bier bestel en my “pose” gehou, niks eintlik gesê nie.

 

 

My drinkebroers pose gou vir ‘n fototjie

 

 

Die kampeerterrein by Matusadona kry ‘n besoek

Ons was al mense daar. Ongerep, niks heinings en drade nie.

 

Hierdie Kariba olifante het die beste ivoor wat ek onlangs gesien het.

 

 

Die eerste een is natuurlik dat die ANC dit instel, want dit druis teen alles in waarvoor hulle veronderstel is om te staan.

Die tweede is natuurlik Media 24, (die ou Naspers, Beeld, Die Buiger, Huisgenoot ens) se reaksie.

Nee, hierdie is nie soseer ‘n klagte oor Tim du Plessis se lewenstaak om die Swartgevaar gedagte onuitwisbaar in elke Afrikaanse kop in te prent nie, behalwe nou natuurlik ook om bladdy agente van die duisternis soos Deon Maas met wortel en tak uit te roei nie.

Eintlik gaan dit oor die selfsensuur wat Media 24 toepas.

Eerstens, liewe volk, dat Petrus julle dadelik gerusstel. Die ANC gaan glad nie daarteen kapsie maak dat Media24 berig oor Steve tee oor Esmare se kop uitgegooi het nie, en ook nie oor Amor se nuwe lover nie. Ook nie oor die Lieflinge se nuutste CD nie.

Media 24 het dit tog lank al terug aan julle uitgespel:

“Julle dom dôners kan nie ordentlike joernalistiek verstaan nie.”

Julle wil graag lees van tannie Manda, en hoe sy en die rugby outjie gespyker het.

Daarom stel hulle joernalististe en redakteurs aan wat in voeling is met die volk se gedagtes, en het hulle al die ordentlike joernaliste en bydraers gefire, of so pateties swak betaal dat almal wat hule sout werd is lankal groener weivelde gaan soek het.

Daar is darem nog een ordentlike rugbyskrywer oor. Nee dis nie Bokkie, of daai Bloubul of Nell nie.

Moet my nou nie misverstaan nie, die Muilbandwet is ‘n baie ernstige uitdaging,  die spul met hulle vingers in die jampot wil tog nie hê dit moet op die lappe kom nie, maar die groot ironie is Media 24 se teenkanting.

Hulle idee (en Franswaa s’n ook, gegewe sy JK Rowling blog) van ‘n ondersoekende joernalis is iemand soos Yolanda Barnard van Ponies Galop.  Beide Amor en Jurie wou haar al hof toe sleep.

Solank Amor, Jurie en kie nie hulle doen en late tot geheim kan verklaar nie, kan ek glad nie insien hoekom Tim, Bun, Bokkie en Esmare hulle enigsins ‘n saak sou hê met die Muilbandwet nie.

Die Wilde Hond. Redelik skaars. Ook bekend as African wild dog, African hunting dog, Cape hunting dog, painted dog, painted wolf, painted hunting dog, spotted dog, or ornate wolf.

Lycaon is Grieks vir wolf en pictus is Latyn vir geverfde.

 

Mana Pools is ‘n wildtuin in Zimbabwe, in die onderste deel van die Zambezi vallei en dis regtig wild. Daar is nie heinings en versperrings nie, die diere kom en gaan soos hulle wil.

Die lekker ding daar is dat jy kan stop en uit jou kar uit klim soos jy wil, en dit bring moontlikhede.

Soos om nader te stap aan ‘n trop wildehonde.

Dit lyk eers na niks nie.

 

 

Jy kyk weer, gryp ‘n verkyker en dan sien jy hulle lê. is ver, so jy moet maar naderstap.

 

 

Nie te naby nie, jy wil nie hê hulle moet weghardloop nie.

 

 

Alles met ‘n eenvoudige mik en druk geneem.

Ek het nou meer fotos wat pas by die vorige inskrywing gelaai

Makuti is nog in die hoogland, maar van daar af daal jy af in die Laer-Zambezi vallei.

Die pad kronkel af na die vlakte, dis bloedig warm, 45 plus, en Midnight Oil se liedjie weerklink in jou kop.

Die wrakke is nie Holdens nie, maar  die uitgebrande diesels stoom in 45 grade.

 

 

 

 

 

 

 

Edit : waar ek nou is werk die stelsel beter, so hier is meer fotos.

Ek wou nog meer fotos van al die wrakke geplaas het, maar die selfoontjie  werk al amper dat die rook draai, en soos julle weet, as die rook eers uitgekom het, kan mens dit nie weer terug in kry nie, en dan werk dit nie meer nie.

 

Alle elektroniese goed het rook nodig om te kan werk.

 

As die rook eers uitgekom het dan werk dit nie meer nie.