Petrus Pap se Oefenkamp

Maande lank al begin hierdie blokkies op allerhande plekke opduik.

Jy verstaan nie eintlik wat die doel daarvan is, of hoe dit werk nie.

Hulle publiseer dit sommer in die koerant,  ouens gee jou dit op ‘n besigheidskaart. Dit staan agterop pamflette, en allerhande ander plekke.

Ons is darem slim genoeg om te weet dit is een of ander nuwerwetse soort “barcode”.

Maar hoe werk dit verder.

Nou begin jy rondvra.

Die probleem is, jy weet nie wat die ding se naam is nie.

Uiteindelik sit ek by my ou maat wat ordentlike regte cappucinos en espresso in sy kafee verkoop.

Behalwe dat hy die skuim in sy cappucinos eintlik reg kan maak, sien hy homself ook as ‘n baie rekenaarvaardige ou.  Ek sal toegee dat hy kan koffie maak, maar ek het altyd my bedenkinge as iemand homself as enige soort van IT kenner beskou.

Eerstens outjies onder 20, maar hulle kan jy verskoon, want outjies onder 20 dink altyd hulle weet alles, terwyl ons weet dit wat ten minste nog twee dekades voor jy alles weet.

Die volgende katergorie is IT. Die ouens wat gewoonlik hier iets weet is tussen 20 en 30.

My maat is 40, so ek vermoed van IT weet hy nie so baie as wat hy dink nie. Die argitek Janneman is ook daar. Hy weet net so fokken baie.

Anyway, ek wys hulle die blokkie en beide van hule gaan aan die waffle, praat baie en sê niks nie.

Of altans dat dit ‘n nuwe soort “barcode” is, en dat mens ook een van hierdie nuwerwetse selfone nodig het om dit te gebruik.

Ja, maar hoe werk dit, en wat gaan nou eintlik aan. Sodra jy die eintlike storie wil agterkom, dan weet hulle ook maar niks nie.

Ek vra van die local laaities, maar hulle is te vaak om eers te verstaan waarvan ek praat.

Toe kom ek agter, almal weet nou so min of meer wat dit is, maar hulle kan nie regtig vertel nie, en weet nie presies hoe dit werk nie.

So, google is my vriend.

Hier is ‘n verdere probleem.

Die IT kenners wat die artikels skryf raak so tegnies dit help my heeltemal niks nie.

Na ‘n helse lang gesukkel, kom agteros toe ook uiteindelik in die kraal, en daarom was my vorige blogsinskrywing die  eureka oomblik vasgevang in die blokkiekode.

Diegene vir wie die besigheid ou nuus is, kan nou maar ophou lees, want ek maak hierdie inskrywing om die ander baie tyd en moeite te spaar.

Raait, so wat is die besigheid ?

1. Dit is maar net ‘n nuwe soort barcode.

   Die blokkievorm kan meer inligting wat as net die ou strepie barcodes.

   Dis omdat die ding 2 dimensioneel is, nie net so ou eenrigting strepie soos die gewones op die boksie by Pick en Pay nie.

2. Die blokkie se regte naam is “QR code”.  Quick Response code.

  Meneer Toyota se nefie Denzo het die besigheid in Japan ontwerp sodat sy oom se kar fabriek beter kan werk.

3. Wat se inligting is in die blokkie kode vasgevang ?

    ‘n website adres

   of sommer jou naam, adres en telefoon nommer en e mail.

   of sommer iets anders , jy kan ‘n bloginskrywing maak, en die inslrywing in so blokkiekode omsit. Dit is wat ek gedoen het.

4. So wat moet jy doen met die QR blokkies ?

  Jy neem dit af met jou selfoon, en dan sal jou selfoon die blokkie ontsyfer.

  Dit beteken jou selfoon moet ‘n kamera en internet hê.

5. Party selfone kom deesdae uit met die regte program vooraf gelaai sodat jy die QR blokkies kan ontsyfer.

Die ander mense, soos ek, moet eers na ‘n website gaan, en die program wat alles laat werk op jou selfoon aflaai.

So jy tik in om jou selfoon “browser” hierdie e mail adres : http://www.mobile-barcodes.com/qr-code-software/

Volg die stappe , en laai die ding op jou selfoon.

6. Dan laat jy maar die program loop wanneer jy so QR blokkie sien, neem dit af met jou selfoon kamera, en binne oomblikke is die inligting op jou selfoon.

Jou selfoon sal die QR blokkie dan ontsyfer.

Jy kan ook na ‘n blokkie opwekker gaan op die web, en jou eie QR blokkies maak.. soos mynie hierbo iewers.

By hierdie bladsy : http://qrcode.kaywa.com/

7. Al wat dit beteken is dat jy nie vir pen en papier hoef rond te skarrel om al die inligting te skryf nie….. en dan later die papiertjie of besigheidskaart te verloor nie , want jy was by ‘n paartie, en die drank het gevloei, en jy kan nou nie meer so mooi onthou wat jy met daai stukkie papiertjie gemaak het nie…. dit is nou op jou selfoon.

Ons hoop net jy het nie jou selfoon verloor tydens die paartie nie !

Die Burger se rugbyman skryf “Bokke slaag cum laude.”

Wat besiel Die Burger om iemand wat sulke twak skryf aan te stel as hulle rugbyman.Stephen Nell. Miskien is hy onskuldig en het een of intellektuele reus daar by hulle kantoor die opskrif uitgedink.

Die hele Namibië het net omtrent 2 miljoen mense, waarvan 80% Wambos is, en die meeste van hulle bly daar iewers rondom Ondangwa en Oskakati. Nou die dag daar verby gery. Elke winkelsentrum daar het omtrent 10 China shops ook in, en al die Chinashops verkoop die selfde gemors.

Miskien is daar 30 Wambos wat rugby speel, maar nie een van hulle het die Namibië span gehaal nie. Dit lyk ook nie vir my asof daar een Kavango of Capriviaan in die span is nie.

My laaste rugby wedstryd wat ek ooit gespeel het was in 1978 in Katima. Weermag het ‘n senter nodig gehad vir die Saterdagmiddag se wedstyd teen die Polisiespan. Toe was ek nog Petrus Styf, en is opgekommandeer om diens te doen vir die weermagspan. Senter. Ek was nie heeltemal Frans Steyn se size nie, maar ek dink ons hare was darem die selfde lengte. Soos sy hare nou lyk, nie sy Simson haarstyl van so maand gelede nie.

Ons het daai middag op Katima gewen, en ook ‘n klomp bier gedrink. Daai veld is nou moer toe, ek het laasjaar gaan kyk. Niemand speel meer daar rugby nie.

Nadat ons nou omtrent almal Noord van Tsumeb, en Oos van Grootfontein, en ook die meeste inwoners van die digsbevolkte deel van Windhoek, buite rekening laat, los ons dit met seker omtrent 5% van Namibië se bevolking.

Dit is ‘n bevolking van 100 000 mense.

Waarvan omtrent die helfte vrouens is. Dit is 50 000 mans. Van hulle is omtrent 20% moontlik tussen die ouderdom van 21 en 32. So dit is 10 000 wat oud genoeg is om rugby te speel.

Waarvan omtrent 5% rugby speel.  Ek sou dink omtrent 5 uit ‘n 100 ouens speel nadat hulle klaar is met skool nog rugby.

Miskien? Ek weet nie.

Dit beteken die HELE Namibië se spelerspoel bestaan uit omtrent 500 spelers van die regte ouderdom.

Dit is ‘n wonderwerk dat Namibië hoegenaamd deur die kwalifikasie rondtes gedring het.

Nou skryf Stephen Nell dat die Springbokke Cum Laude geslaag het deur Namibië kaf te draf.

Die Bokke het gister nie eintlik goed gespeel nie. Smit wat veronderstel is om ‘n akkurate ingooier te wees , het die bal skeef ingegooi, en Hougaard se drie , wat goed was, was daai keer nie ‘n drie nie.  Mens kan aanvoer dat hulle konsentrasie en motivering nie daar was nie. Daar was heeltemal te veel swak hantering en verkeerde opsies.

Spies verkrummel altyd as hy weerstand kry, en Habana hardloop by sy senters verby, wat die bal dan vorentoe aangee.

Die enigste pluspunt in daardie wedstryd was dat die skoppers akkuraat was.

Die res van die wedstryd het ons niks gewys nie.

Hoekom skryf koerantmanne sulke twak.

Laas week het ons nog so R 7.10 per US$ betaal.

Gisteroggend was die prys R 7.50.

Terwyl ek nou hier skryf het ek ‘n grafiek oop op ‘n tweede venstertjie op die web. Dieselfde soort een wat die banke gebruik, gee elke 10 sekondes die pryse. Die prys is nou R 8.20

Ons sien byvoorbeeld net na middernag het die rand teen R 7.60 verhandel, maar toe die Suid-Afrikaanse geld handelaars vanoggend begin wheel en deal, toe wil al wat leef en beef en goed invoer sommer nou dadelik dollars koop.

Dollar verkopers vra nou R 8.22 en verkopers bied aan R 8.21

Dat dit presies nou moes gebeur … verdomp !

Net die week toe ek ‘n hele klomp dollars moet koop. EINA EINA !

Amper oornag moet ek 17% meer betaal.

Die ergste van alles is dat die VSA en Europese markte in ‘n verknorsing is.

Die skuldverhouding in die VSA is baie swakker as tydens die Groot Depressie.

Kyk net op hierdie grafiek hoe die skuld in die hoogte ingeskiet het.

Hulle druk al op strepe net papiergeld in die VSA, nog nie so erg soos oupa Robert net oor die grens nie, maar tog.

Amerika is in groot moeilikheid, eiendomspryse moet nog verder val.

Hulle het ‘n kerf geval op hulle “credit rating”.

Hulle totale skuld is die hoogste ooit.

Groot werkloosheid

en hulle druk een voudig nog papiergeld al het dit nie “backup” nie.  Dit is soos om rubber tjeks te skryf.

En nou ?

Teenstrydig met alles, is die US$ op en helse sterk lopie, ook teenoor sekere ander geldeenhede. Maar nie almal nie !

Die Botswana Pula staan sy man !

Standard &  Poor is ‘n maatskappy wat lande en baie groot maatskappye se kredietwaardigheid gradeer.

Die kleure is as volg.

AAA – groen – die beste

AA – turkoois – tweede beste

A – lig blou – nog heel redelik

BBB – donker blou – kan nog net net gaan

BB – pers – dink twee keer

B – rooi –  gaan maar sukkel sukkel

Grys, nee wat hou net verby.

En al hierdie ontledings help my en jou net mooi niks nie, want die Wet van Transvaal reigns supreme. Kyk maar as jy volgende week petrol in jou kar probeer gooi.

Laasweek skryf 4 bydraers toe in opdrag van Litnet elkeen sy stukkie in die Litnet “Seminaarkamer.”

Pligsgetrou het ek toe alles gaan lees.

Sampie Terreblanche, Christi van der Westhuizen, Hans Pienaar en Cornelius Jansen Van Rensburg.

Sampie ken ons. Afgetrede Stellenbosch ekonomie professor Broeder in die ou dae, maar het homself iewers langs die pad bekeer, en is veral beswaard met die baie groot maatskappye, die sogenaamde TNK’s, wat staan vir Trans Nasionale Korporasies.

Christi is ‘n vlymskerp en omstrede joernalis/skrywer. Haar M Phil het sy by UPE gekry met

“Women’s experience of neoliberal globalisation during the democratic transition in South Africa.”

Sy is ‘n Vrye Weekblad veteraan, al het Max haar net/hoofsaaklik musiekresensies laat skryf.

Kerkorrel het destyds al aangevoel dat sy issues met wit Afrikaanse mans het.

Toe kry Kerkorrel ‘n vreeslike nagmerrie !!!

 Vir die wat klein rekenaar skermpies en swak brille het :

die woorde REUSAGTIGE VAGINA is hierbo geplak en in rooi onderstreep.

en dis “besete met die vewoestende gees van Christi van der Westhuizen”

ek dink nie Kerkorrel en Christi was maatjies nie.

Hierdie is grepe uit Max se boek Oranje Blanje Blues

Hans Pienaar is ‘n koerantman en digter. Goeie digter. Ook ‘n Vrye Weekblad veteraan en het ‘n blog by Business Day geskryf, wat ek nie kan kry nie, net ‘n berig dat die Protestantse kerke kapitalisme as ‘n euwel verklaar het by een of ander konferensie in Afrika natuurlik.

Iemand moet dit tog vir die Rema kerk en Teflon Dollar of wat daai predikant op die TV se naam ookal is, gaan verduidelik.

“The Accra Confession acknowledges that the huge poverty gap between rich and poor countries is due to the evil machinations of the capitalist empire.”

Geld is mos die wortel van alle kwaad.  

Ons ou vriend Alan ( gerehabiliteerde weergawe) het ook glo heftig teen kapitalisme gepreek, ek wonder of hy nog ‘n BMW ry? Miskien net ‘n ou fucked up ene soos dit ‘n sosialis betaam.

Of is gebrek aan geld die wortel van die kwaad?

Julle behoort seker al agter te kom dat Sampie, Christi en Hans dieselfde taal praat.

Hulle hou daarvan om die woord “neoliberalisme” of “neoliberale” te gebruik.

Ou Cornelius moet kolf teen hierdie drie spin boulers.

Cornelius Jansen Van Rensburg. was die nasionale jeugleier van die VF+ wat in die moeilikheid was oor sy kritiek op Pieter Mulder, destyds toe Pieter ‘n adjunk minister geword het in Zuma se kabinet.

Deesdae werk hy by Afriforum, en ons vetrou hy het sy studies intussen voltooi … maar ons weet nie eintlik nie, kon dit nie agterkom nie.

Nou kom ons by die Petrus Pap se maklike ontleding van dit alles. Omdat die hooggeleerdes kapitalisme definieer net soos hulle wil om hulleself te pas, gee ek sommer ‘n eenvoudige weergawe.

Kapitalisme is waar goeters aan jou behoort, en jyself besluit hoe jy wil werk. Dis jou plaas, jou trekker, jy boer soos jy wil en dryf handel met wie jy wil.

Aan die ander kant het ons kommunisme, waar alles aan die staat behoort, hulle plaas, hulle trekker, hulle sê jou hoe om te boer, en hulle besluit hoe die produkte versprei/verdeel moet word. Bevelsekonomie. Big brother het mos perfekte kennis en sal jou vertel wat is wat. (en jou goed opdonner as jy nie wil hoor nie)

So watter een is dood ? Is dit nou moeilik of nie?

Gaan kyk maar op Wikipedia of my verstaan van kapitalisme reg is of nie. http://en.wikipedia.org/wiki/Capitalism

Oor wat die definisie van kapitalisme nou eintlik is, is daar eenstemmigheid dat daar nie eenstemmigheid daaroor is nie. Dit is hoekom ek so eenvoudige weergawe gebruik. Dan verstaan ek dit ten minste.

Al wat nou bykom is hoeveel die staat met alles moet kom inmeng. Praat van Pandora se kissie. Te dikwels het jy ‘n mal diktator aan bewind soos Oupa Robert annerkant die Limpopo. Natuurlik het die staat ‘n rol te speel in die ekonomie, maar die staat jaag dikwels nog meer aan as die TNK’s .

Die wêreld finansiële krisis is nog baie baie eenvoudiger.

Te veel geld is geleen aan mense wat dit nie kan terugbetaal nie. Rocket science ? Baie eenvoudig as jy my vra.

En my ontleding van die kenners se artikels ?

Die eienaardige ding, alhoewel ek en Cornelius baie beslis nie langs dieselfde politieke vuur sit nie, meen ek dat hy ‘n goeie artikel geskryf het.

Sampie weer, het eintlik net sy geliefkoosde voorgeskrewe boek (deur homself) opgesom in ‘n opstel. Jare gelede moes ek dit ook lees, dis hoe ek daarvan weet. Christi hou van Keynes, maar ek wonder bietjie of “deficit spending” so fantastiese idee is. Vra enige ou met ‘n kredietkaart. Sy en Sampie het albei ook die woord “neoliberaal” of verbuiging daarvan in hulle artikels geskryf.

Hans hou ook van Keynes, en verduidelik beter as Christi.

Julle onthou die filosofie opstel opwekker waarvandaan ek twee diep filosofiese artikels gecopy en paste het? Iemand moet nou net een maak wat ekonomiese filosofie ook vanself kan “generate”. Raai watter woord sal prominent feature?

en die bottom line ?

Petrus Pap verklaar plegtig dat die Wet van Transvaal nog steeds geld, en al manier is om uit die verknorsing te kom.

Noodwendig bevat hierdie inskrywing verwysings na drank wat alkohol bevat. Veral agv gister se rugby. Eers die puik oorwinning in Wellington en later die tragiese nederlaag op Loftus. Nouja, so is die lewe maar.

Suurstof is noodsaaklik vir lewe. Ons kan nie daarsonder bestaan nie.

Suurstof is sleg vir jou. Te veel daarvan kan jou doodmaak. Gou ook. Regtig.

Toemaar in jou suurstoftent gaan jou longemfiseem jou opfok lank voor die chroniese suurstofvergiftiging jou gaan kry. Ek verwys nou na situasies waar die gedeeltelike druk van suurstof meer as een atmosfeer is. Ja, tegnies, nevermaaind. Die punt is te veel daarvan gaan jou opfok.

Te min suurstof gaan jou beslis ook die emmer laat skop.

Nadat ons deur die boffins van Bordeaux in kennis gestel is van die geweldige voordele van sekere brandewyn, te wete armanjak, het bier en wyn drinkers ook van hulle laat hoor.

Weereens verskaf dit vir my geweldige plesier om die blye boodskap aan julle te bring.

Bier is ook gesond vir jou, nie alle soorte bier nie, net soos nie alle soorte brandewyn gesond is nie , maar donker bier.

Guiness is rêrig goed vir jou.  Al het die advertensie waghonde oorsee vir hulle gesê om op te hou met hulle “verkeerde” advertensies, daar is immers alkohol in, en ons almal weet hoe sleg dit vir ‘n mens is.

Tough shit, dit kom in ‘n bruin bottel en nie ‘n groen enetjie nie. Moenie traai om ‘n snob te wees net omdat jy dink Heineken is lanie nie.

Rooi wyn is natuurlik ook gesond vir ‘n mens.

Die beroemde Mayo kliniek het ook ‘n een en ‘n ander hieroor te sê gehad.

Verder het ek onlangs self berig oor hoe goed sekere brandewyn vir ‘n mens is.

Armanjak is gesonder as konjak.

‘n Klomp soorte medisyne, sê maar Panado kan jou ook doodmaak. heelwaarskynlik is daar ‘n paar panados wat iewers in jou huis rondlê. Ek verneem 7 pilletjies sal die trick doen, meer, en jy sal naar word en dit uitkots. Minder is nie sterk genoeg nie.

Jy kan nog ander baie gesonde goed gaan eet en kyk wat gebeur as jy te veel daarvan inkry.

Wat my nou by die eintlike punt bring.

Hierdie patetiese getjommel oor Dettol seep advertensies.

Ek het in my lewe nog nooit ‘n Dettol advertensie gesien nie. Of miskien het ek al. Kan dit glad nie onthou nie.

Ek onthou dat ek seep advertensies gesien het van mooi vroumense in die bad. Wil jy nou rêrig nou hê ek moet onthou wat die naam van die seep was? As jy dit kan onthou het jy mos nie reg aandag aan die advertensie gegee nie. Behalwe miskien dat die advertensie nie genoeg besonderhede gewys het nie, of altans die besonderhede waarin ek belang gestel het nie.

Nietemin, ek moet ook soms seep gaan koop. Ek weet mens kan met koeksoda ook was, werk blykbaar baie goed, maar ek verkies gewone seep. Dis meer kompak en minder morsig. Ruik ook lekkerder.  Ek koop gewoonlik die goedkoopste , veral watter een ookal op “special” is. Cheapskate. So is dit maar.

Een uitsondering is tydens rondlopery by ver plekke. Dan soek ek gewoonlik ‘n seep met bietjie antiseptiese eienskappe in. As daar ‘n koekie Dettol en ‘n koekie Protex langs mekaar is, dan kyk ek na die prys. Al twee bemark mos op grond van die kiemdodende eienskappe daarvan, dit staan op hulle verpakkings geskryf.

Wie gee regtig om of die seep nou 99.9% of 81.236589% of 20% of hoeveel ookal van alle kieme doodmaak. Heelwaarskynlik maak ‘n seep met ‘n ontsmettingsmiddel meer kieme dood as ander seep, veral as die rivierwater wat jy gebruik verdag is, en hallo, die meeste riviere in Afrika se water is min of meer verdag. Dit gaan oor die drol in die drinkwater, dink net wat alles verder stroomop aangaan.

Die meeste kinders in Afrika se probleem is dat hulle aan te veel kieme blootgestel word omdat hulle nie lopende water het nie, en hulle nie hande kan was nadat hulle iewers gehurk het nie.

Politieke korrektheid is die hoogste vorm van paternalisme. Ek stem toevallig saam dat die massas of weier om vir hulleself te dink, of te dom is, of pleinweg te fokken bygelowig is om net bietjie te kan dink. Ek dink net nie dat iemand anders vir my moet besluit wat ek moet sien of lees nie.

My oplossing is dat die mense se immuniteit teen onoselheid sal verbeter as hulle meer blootgestel word aan die kieme van realiteit. Ironies. Dink net.

Laat hulle hulle hande dan 200 keer per dag was.

Laat hulle die “powerbands” koop.

Laat hulle verslankingskure alles bestel.

Laat hulle hulleself vrek rook. Evolusie in aksie.

Natuurlik is Guinness good for you. Tien pinte ‘n dag. Minimum.

Speel vamidaag op Loftus.

Na die Bokke se vertoning teen Fiji , en die baie aangename verassing met die Ierland Australië wedstyd sal dit perfek wees as WP die Bulle vandag op Loftus ook afstof.

Hier in die Strandveld is ons so ver aan die verkeerde kant van die spore dat die trein meestal verbygaan, en ons weet nie eers daarvan nie.

So was dit dat eers Saterdag in die koerant gelees het van die Toffie “koskonferensie.”

Ek dink amper iemand het hier op die blogs ook gesê dat daar iets van toffies gaan wees,  want ons het ‘n toffiemaker hier op die blogs.

Ek het natuurlik die hele geleentheid misgeloop, ook maar goed want toegang was sommer vêr oor die R 1000., amper R 2000… ja okay okay R 1710, in elk geval meer as wat ek kan of wil bestee op ‘n kosfees.

So lees ons toe Saterdag in Die Burger van die Gees van die Fees, nogal geskryf deur een van ons voormalige Litnet bloggers, die nimlike me Sonia Cabano.

‘n Goeie artikel moet natuurlik sy stukkie sensasie by hê:

“’n Stille spektakel het wel die alternatiewe klimaks tot die fees geskep toe ’n berugte Kaapse kosblogger soos ’n stout kind aangedring het op spesiale behandeling, en die organiseerders en sekuriteitswagte korte mette met haar gesanik gemaak het deur haar die deur te wys.”

Aha, ‘n berugte kos blogger !!!  Wie sou dit wees?  Nie BBJ nie, hy is ‘n man, en nice, en nie berug nie. Ook nie Pienk Polka Dot nie, ook nice en nie berug nie.

Heeeel toevallig soek ek op google na ‘n restaurant, en beland op ‘n redelik interessante blog wat vertel “No toffees, über-design, über-promise, under delivery”

The plot thickens… of sal ek liewer sê die toffie raak taaier :

“POSTSCRIPT 5/9: Sonia Cabano has written in support of our observation about the lack of value for money of the event, as follows:  “Yes, so ToffieFood was expensive and underdelivered. We all know that, and we are all discussing it”.

POSTSCRIPT 6/9: We copied the above sentence by Sonia Cabano from a comment she wrote to this blogpost.  As the rest of the comment was untruthful, disparaging and defamatory, we deleted it, and posted one sentence from it in the blogpost.  She Tweeted a number of times that she felt that the cost of the Toffie Food Festival was too high, but appears to have subsequently deleted these Tweets.

POSTSCRIPT 7/9: Sonia Cobana has Tweeted her Comment that she sent to this blogpost, which we have not allowed.  She is blatantly dishonest in claiming that she was with me when I talked to the organisers Hannerie Visser and Peet Pienaar.   She walked past us while I spoke to Peet Pienaar, gave him her new recipe book ‘Relish’ launched earlier that day, and walked off.  She was not party to any of the discussions I had with the organisers.  I left the event with a staff member of The President (organisers of the Toffie Food Festival), and not a security person, so that he could collect the delegate badge from me, walking me to my car in an area that is not particularly safe.   It appears that she is Tweeting this disparagement in retaliation to our blogposts about Cape Town Tourism, having hounded me on Friday evening, calling seven times to beg me to not write about Ms Grove anymore, being her friend.  I explained that nothing is written about Ms Grove or Mrs Helmbold in their personal capacity, but in that of their work for Cape Town Tourism.

OSTSCRIPT 11/9:  In her (libelous) report on the Toffie Food Festival, which she did not attend in full, given that the launch of her new book ‘Relish’ co-incided with Saturday morning of the Festival, for the BY supplement to Beeld, Die Burger, and other News24 titles, Sonia Cabano confirmed the complaints about the expense of attendance.  She gets the Festival cost wrong at R1800 (it was R1710), and writes about the near give-away of tickets on Groupon to fill the Festival.  She also mentions that no speakers of colour were included in the Festival programme, and the disappointing food market, which offered nothing new, most of the stallholders selling their wares at weekly markets too.  She also writes about the complaints about the poor Sunday lunch braai, and that Julie Powell, the keynote speaker, was a disappointment, being ‘babelaas’ from the Secret Dinner the night before (’…dat haar aanbieding die dag daarna belemmer is deur haar selferkende hewige babelaas’) !  Her report confirms that I made the right decision to leave the Toffie Food Festival on Saturday afternoon, after the Secret Dinner booking mismanagement, which was admitted to by the organisers, and therefore they refunded my fee.”

en julle het gedink die mense in die Kaap slaap !

Daai song van Peter Sarstedt was nogal ‘n redelike hit .

Anyway, die rede hoekom ek nou aan dit dink is die plek Juan les Pins.

daai plek waar die girl gaan vir die vakansie in haar topless swem pakkie.

Die strand daar is nie te waffers nie, en my swembroek is ook topless, maar nie designer nie, en sogenaamde vriende vertel my dit sou beter wees as ek nie my gespierde borskas in die openbaar vertoon nie… of so iets.

Daar was ook nie enige topless meisies op die strand nie.

Ek het nie soontoe gegaan om te swem nie.

Les Pins, die denne is wel daar. In ‘n parkie, net langs die konferensie sentrum.

Ja man, dit was soort van werks verwant, en koud en renerig want dit was al in November. ‘n Paar ou ballies het albaster gespeel in die park met sulke groot blink ghoens.

Maar hierdie inskrywing gaan eintlik oor brandewyn, en ek wil spesifiek ‘n wondermiddel teen pyn bespreek.

Armanjak.

En dit was daai keer  in Juan les Pins toe ek skuiling teen die koue gaan soek het in die kafee waar ek daarmee kennis gemaak het.

En nou is hierdie wonderlike nuus bekend : Dit keer hartaanvalle.

Armagnac brandy that is often derided as the poor cousin of Cognac has been found to possess amazing health enhancing qualities.

Research has shown that the famous drink from the south west of France helps prevent heart disease and battles obesity.

Boffins at Bordeaux University showed that a moderate daily dose of Armagnac – France’s oldest eau-de-vie – could lengthen life.

Die Swart Ridder daag Koning Arthur uit om aan te hou veg.

Die lafhartige Koning Arthur weier.

Resultaat : ‘n Klinkende oorwinning vir die Swart Ridder  !!!!!