Jy blaai in die argief vir 2011 Junie.

Road kill

Junie 26, 2011 in Sonder kategorie

Donkermiddag in die wind en reen ry Jaagduiwel en ek deur die tonnel noorde toe.

 

By Touwsrivier maak ons die fout om te stop vir koffie. Die koffie was reg, die fout was die koue, die wind en die reen. Die arme pompjoggies was soos eskimos toegewoel.

 

Eers verby Laingsburg het ons die laaste reendruppels agtergelaat, maar nie die snerpende koue nie.

 

En dit word net kouer hoe verder ons ry.. By Lanseria skei ons paaie, hy gaan Mosambiek toe, ek Okavango toe.

 

In Potgietersrus loop almal met dik truie rond., net voor die Groblersbrug grenspos stop ek vir koffie. Die vrou daar kla oor die ryp, die honde se waterbak was ‘n soliede blok ys.

 

Francistown was net so koud, almal toegewikkel in komberse en goed. Enige plan wat ek gehad het om te kamp is heeltemal van die baan, ek het my “warm weer” slaapsak vir die Okavango ingepak, nie my Drakensberg een nie.

 

Hier in Maun ? Teen die Okavango? Of om meer presies te wees , die Thalakamane rivier, wat uit die delta uit loop, dieper die Kalahari in.

 

Die rivier is vol, baie voller as ‘n maand of wat gelede, en dis koud ook, mussies, truie en jasse is in die mode.

 

Vanoggend het die aasvoels langs die pad gisteraand se roadkill gevier.

 

road kill

 

 

Aasvoelfees

 

party

 

 

roadkill

 

 

 

 

 

 

 

Rugbygroete

Junie 18, 2011 in Sonder kategorie

Spesiaal vir Ouboet , maar ook vir al die Bloemfonteiners en ook alle floubul ondersteuners. 

Mens moet altyd baie versigtig wees met jou rugby voorspellings, wat was dit nou weer van onsigbare sambokke en generale wat goed sê en wat wat wat ?

Ek hoop julle geniet die heerlike naweek so baie soos ek.

O ja, so terloops … sal dit oukei wees as ons terugverwys na ‘n paar van ons voorspellings vir die naweek ?

skerp

BAIE SKERP !!! 🙂

bloues

Heerlike naweek julle

Fokofpolisiekar ensovoorts

Junie 15, 2011 in Sonder kategorie

 

Ek lees toe Fred de Vries se “review” van Annie Klopper se boek :

Eers was daar Fokofpolisiekar, toe is dit Van Coke Kartel , aKing en Heuwels Fantasties.

 

Maar elke nou en dan dan is alles weer deurmekaar, dan speel FPK weer, en so gaan die deurmekaarspul net aan.

 

Vat nou maar ander SA bands.

 

In Engels is akkedis ‘n lizard, so ek verstaan dit as Piet Botha en Akkedis saamspeel, is hulle die Lizard Kings. Die eintlike Lizard King is natuurlik mr Mojo, Jim Morrison van die Doors. Piet sê ook dit is Morrison se gedig wat hom die naam gegee het, wat cool is.

 

Nietemin, Jack Hammer is Jack Hammer, Akkedis is Akkedis en Black Cat Bone is Black Cat Bone, en as jy nou regtig ‘n deurmekaarspul wou sien dan moes jy die jaar by STRAB in Mosambiek gedraai het om te sien hoe Black Cat Bones clown suits aangetrek het, en elke ander band se kitaarspeler laat saamspeel het. Fokop gewees. Myns insiens anyway.

 

aKing was die “main draw card”, volgens gerugte is hulle omtrent 3 keer meer as enige ander band betaal om daar te speel, en hulle musiek was ook 3 keer harder as enige ander band se musiek … en oja, Snakes was nie daar nie, WTF?, want hy was besig om in London te speel saam met FPK .. o ja, mens moet seker sê FPK EN van coke kartel .. of so iets.

 

clapham

 

Ja, dieselfde naweek as STRAB in Mosambiek !

 

Maar ek is liewers in Ponta as in London.

 

 

Sien hoe gaan dit,  dit raak net heeltemal te deurmekaar met al die afgesplete bands .. amper soos liewe heksie se legio blogpersoonlikhede.

 

De Vries vergelyk FPK met die Stones en hulle “we’ll pis where we want”, maar die Stones het nie 6 ander bands gevorm nie, sure Brain Jones se kop het heeltemal uitgehaak van al die dwelms, en ‘n paar lede het oor 50 jaar … ja dis reg … ( 49.2 jaar) gekom en gegaan, maar Jagger en Richards rock nog steeds.

 

Okay, vir ‘n paar gospelsangers wat ‘n zol rook is Fokofpolisiekar ‘n radical naam, snaaks ook.

 

Dan is daar ook die hele fok god skrywery … wat vergelyk word met Sex Pistols se skokkende goed… maar Sex pistols is fake .. Johhny Rotten kan miskien op ‘n verhoog kots, maar as ‘n boer sy kalamarie proe dan bekak hy sy panties en storm uit saam met sy lyfwag.. sal anderdag die beans oor daai een spil.

 

Fred se “review” van die boek is amper meer ‘n review van FPK. Hy kom darem by die bottomline uit en ek stem saam met hom.

 

It makes for a great story. And despite the few shortcomings, Klopper has done an excellent job: showing us that long, strange and exciting journey that these five young men from Bellville have made to live out the rock ’n roll dream, the Afrikaner way, with all its temptations and pitfalls.

 

Ons moet die vriendelike borge ook “plug” :

“Annie Klopper (Die Rockjagter) woon in Kaapstad. Sy is redakteur by Protea boekhuis en is Litnet se musiekkorrespondent.”

 

“As musiekjoernalis wat gereeld saam met en agter bands aan toer “

 

groupies plural of group·ie (Noun)

1. A person, esp. a young woman, who regularly follows a pop music group or other celebrity in the hope of meeting or getting to know them.

2. An enthusiastic or uncritical follower.

The Free Dictionary

 

 

Annie sê sy is nie ‘n groupie nie.

 

Al het Snakes die kaggel op haar omgeskop.

Op een mooi Stellenbosch somersmiddag het Petrus ook in ‘n tent sit en luister na  al die stories.

Die Agony Aunt is beter.

Junie 14, 2011 in Sonder kategorie

Nee dis nie wat julle dink nie.

Ek weet dat daar soms ‘n dominee of iemand in Afrikaanse tydskrifte die mense moet berading gee, maar oor die algemeen is dit nie so goeie plan om ‘n man te kry om dit te doen nie. Kry liewer ‘n agony aunt.

Veral  in Australië.

.agony uncle

Blogs in die wye wêreld.

Junie 10, 2011 in Sonder kategorie

Eintlik is alles op die internet in die wye wêreld, maar elke hoenderhaan kraai mos koning op sy eie mishopie.

Ek wou eers sien watter blogplatforms in die hele blogsfeer gebruik word, en kry toe onder andere ‘n “pie chart” wat wys waar in die wêreld bloggers bly. Google is mos ‘n wonderlike ding, en Technocrati.com gee allerhande inligting oor die  “blogoshere”.

APAC staan vir Asia-Pacific.  Okay die sirkel diagram is tipies Amerikaans, wat Mexico en Kanada sommer saamgooi. Ek sou liewer VSA en Kanada saamgooi en dan vir Mexico by Suid en sentraal Amerika las vanweë die “Spanish connection”.

Afrika het minder as ‘n half persent van die blogsfeer, so die donker kontinent is sommer afgeswitch op die diagram.

wereld

So ons kan nou mooi uitwerk waar ons Litnetblogs in die prentjie inpas…. nêrens nie !

Okay moet nou nie depro raak nie, ons blog mos omdat dit vir ons lekker is om te blog.

So watter blogplatform is die gewildste onder die top 100 blogs (volgens tecnocrati) ?

platform

 

 

Hierdie grafiek sluit in die gratis klaargaar dienste soos WordPress.com , blogger en natuurlik ons eie Lettercrash, en dan ook die blogs van mense wat op hulle eie voete wil staan in die wye wêreld. Laasgenoemde is as jy jou eie webwerf registreer, en jou blog dan bedryf met een of ander program soos Joomla, Drupal, WordPress of Moveable type.

 

WordPress.com is nie dieselfde as WordPress nie.  Eersgenoemde is ‘n diens soos Lettercrash. en laasgenoemde is ‘n rekenaar program vir mense wat hulle eie blogwerf wil maak.

 

Nou vir al die beswaardes hier wat nie kan verstaan van gratis blogs nie. As mens doodernstig is oor jou blog kan jy teen omtrent dieselfde of minder geld as ‘n enkele bottel redelike rooiwyn vir jou ‘n eie webwerf maak waaroor jy TOTALE BEHEER het !

 

Eintlik wil ek die klaargaar dienste vergelyk want almal van ons hier gebruik lettercrash.

 

Die trend uit bogenoemde top 100 blogs in die wêreld is :

 

Typepad is tops met 16

 

Blogsmith 2de met 14

 

WordPress.com is derde met 5

 

Blogger is laaste met 4

 

Nee, daar is nie ‘n lettercrash blog onder die eerste miljoen blogs in die wêreld nie. Dis nie ‘n feit nie dis wat ek dink.

 

 

Die laaste stukkie statistiek gaan oor WIE BLOG ?

 

 

 

segmente

 

 

Verreweg die meeste blogs word bedryf deur mense soos ons, as ‘n stokperdjie.  Mens kan dit seker na gelang van elkeen se belangstelling of sal ek sê na gelang van elkeen se “issues en tissues”.

 

Self empoyed is mense wat sy blog as deel van sy eie besigheid bedryf.

 

Part time is ook mense wat hulle blog as ‘n besigheid bedryf , maar darem ‘n ander werk het.

 

Corporate is groot besigheid wat ‘n blog bedryf.

 

Vandag in Die Burger was daar nogal ‘n stuk oor koerante se werwe waar mense nogal redelik erg kan baklei en mekaar oor en weer slegsê. Dit is nie net op Litnetblogs waar daar soms klein ou meningsverskilletjies is nie.

 

WordPress ( eintlik bedoel ons WordPress.com) word gereeld genoem onder mense wat kwaad is vir Lettercrash en Litnetblogs.

 

Tegnies is WordPress.com ‘n beter plek om te blog, maar die gemaksone hier is moontlik gemakliker. Hier is nou wel ‘n kleiner aantal lesers, maar die kompetisie is baie minder. 

 

Om hier te baklei moet jy eerder WIL baklei as jou eie blog modereer deur goeie gebruik van die uitvee funksie.

 

Die vreedsame tegniek is as volg :

 

1. Skryf jou storie soos jy wil en zap kommentaar waarvan jy nie hou nie.

2. Ignoreer kaksoekers as hulle ‘n inskrywing op hulle blog maak om met JOU skoor te soek.

 

En wat is my bottomline?

 

Moet net nie jou sin vir humor saam met jou speelgoed uit die kot gooi nie.

 

Koeksister en wat kyk jy?

Junie 9, 2011 in Sonder kategorie

Ek sien ons hoofborg hier op Litnet se lettercrash, is nogal die gasheer en/of borg vir die SA Blog Awards. Afrigator is ook betrokke.

Ek wou bietjie gaan kyk na Suid Afrika se “beste” blogs, miskien ‘n paar tips vang oor blogontwerp en so aan. Die kompetisie is hoofsaakliklik ‘n stemmery.

Eers nomineer mense ‘n blog. Dit kan die blogger of enige leser wees, maar dit moet in ‘n bepaalde kategorie wees, soos sportblogs, of kos en wyn, fotografieblog, persoonlike blog, beste blog van ‘n Suid Afrikaner in die buiteland, en nog ‘n hele klomp ander kategorieë.

Die top tien blogs in elke kategorie, dring deur na die tweede rondte, en dan is daar weer ‘n stemmery. Jan Publiek stem weer.

Dan kom die beoordelaars, kenners van hulle onderskeie kategorieë, Bakkies kan miskien ‘n beoordelaar van sportblogs wees, so as jy heeltyd op jou blog geskryf het hoe vreeslik die Bulle vuilspeel sal jou blog miskien nie deurdring nie… toemaar Bakkies is nie ‘n judge nie.

Anyway, die judges se stem tel 30% in die finale fase, en die “uitvoerende paneel” besluit dan watter blog die algehele wenner is.

Laasjaar was Wat kyk jy  “die heel beste Afrikaanse blog en website in die heelal” nogal die algehele wenner van die SA blog awards, en vanselfsprekend ook die wenner van die beste inheemse taal blog. Jy sal sien dat jy omtrent die 6 miljoenste “waterkoppie” wees wat hulle werf besoek.

Terloops, runners up in 2009 het ingesluit : Gladdebande, Kerneelsie, Liewelettie en maninblack. In 2010 het niemand hier op litnetblogs hond haaraf gemaak nie.

Al die finaliste in die inheemse taal kategorie was wel Afrikaanse blogs !

Ek het ook nogal gehou van die 2009 beste kos-en-wyn blog , wat ook die beste blog van ‘n Suid-Afrikaner in die buiteland gewen het  cooksister.

Eintlik is daar baie blogs wat goed is, ek hou nie van die te erg kommersiële blogs nie, maar nouja smaak verskil.

Op die SA Blog awards werf was/is daar ook ‘n opname oor die gewildste blogplatform. WordPress is loshande die wenner. Blogger is ‘n hele ent agter met Lettersmash sleg derde. Tumblr is vierde met enkele gebruikers, “other” vyfde, Posterous sesde en Typepad het klaarblyklik ‘n ronde nul.

SA Blog Awards

Die Tragiese verhaal van speursersant Alois Mabhunu.

Junie 6, 2011 in Sonder kategorie

Sersant Alois Mabhunu is diep in die  kak

Dit is ‘n nare besigheid as mens die presidensiële fasiliteite sonder toestemming gebruik, maak nie saak watse noodtoestand heers nie.

Die Gevaarlike Selfone.

Junie 5, 2011 in Sonder kategorie

Almal weet mos al teen hierdie tyd dat selfone breinkanker veroorsaak.Wel nie heeltemal almal nie. Veral nie in Suid Afrika nie, en daarom is hierdie bloginskrywing van uiterste belang.

Vanoggend is daar in die Sondagkoerant weer so storie. Om meer spesifiek te wees, my gunsteling rubriekskrywer fokus weer ons aandag op hierdie belangrike saak.

Die Wêreld Gesondheidsorganinsasie  (WHO) het blykbaar ‘n amptelike waarskuwing uitgereik.

Ben Trovato wil keer dat ons van ons mees belowende jong leiers aan breinkanker verloor, daarom versoek hy almal om asseblief vir Julius Malema op sy selfoon te bel en te waarsku teen hierdie gevaar.

Bel asseblief van jou landlyn af , en maak seker jy praat lank en duidelik. Dit is belangrik dat jy seker maak dat die boodskap goed ingesink het

Sien die hele storie asook die  volledige geheime wikileaks transkripsie van ons geagte President  se gesprek met Die Leeu van die Noorde, kameraad kolonel Gaddafi op bl 6 van die “review” bylaag van die Sunday Times.

Super 15

Junie 4, 2011 in Sonder kategorie

Vandag het nou twee verassende uitslae opgelewer.

Gisteraand nog sê ek vir ou Jannie dat die Stormers tweede op die ranglys is, maar dat die Blues en die Reds altwee nog teen “maklike” spanne moes speel. So ek verwag dat die Stormers se nommer 2 plek op die ranglys maar ‘n een dag storie sou wees.

Daar gaan die Chiefs toe en wen die Blues ….

en die Brumbies wen die Reds !!!!

Die puntestand nou:

1. Reds 58

2. Stormers 57

3. Blues  55

4. Crusaders 53

5. Bulle 49

6. Waratahs 47

7. Sharks 47

8. Highlanders 45

Die Reds moet nog speel teen Western Force (maklik) en Chiefs ( wat vandag met die Blues afgereken het)

Blues moet speel teen Crusaders ( oeefff) en Highlanders (anything is possible)

Vir die Stormers is dit Die Bulle op Nuweland … en die Cheetahs in Bloemfontein.

Eensklaps is die resies wawyd oop!!!

Toeter op die waterskoeter

Junie 1, 2011 in Sonder kategorie

Eintlik hou ek glad en geheel en al niks van waterskoeters nie, sien vanoggend in die nuus dat ene Sean Kingston (21), beroemde rapper,  hom half des moers teen ‘n brug gejaag het met een. Nie verbasend nie. Gelukkig het sy passasier darem nie te seer gekry nie. Okay ek het voor vanoggend nie geweet van ou Sean se bestaan nie, want ek is nie ‘n luisteraar van rap en hip hop nie. Volgens die nuus is hy darem nou mooi stabiel in die hospitaal na die ongelukkie met die skoetertjie.

Soos met alles is daar uitsonderings, selfs met die waterponie.  Aangesien ek nou moet verduidelik dat ek die afgelope naweek ook op een was. En ook so week of twee gelede.

Die uitsonderings dus:

Dit is ‘n strand/seereddingsvaartuig sonder gelyke.

Tweedens kan mens hulle gebruik vir visvang, maar eintlik is ‘n boot baie beter vir visvang.

Dan het mens “tow surfing”. Dit is waarvoor hulle eintlik bedoel is.

Die gebruik van die jetski om ‘n branderplankryer in ‘n groot of moeilike brander in te sleep, dit verg “split second timing” en baie vaardigheid van die operateur sowel as die van die branderplankryer. Dit is vrek moeilik.

Nou eers ‘n ander ding.

Ek het al daarvan vergeet, dit was so lank gelede, maar dit is snaaks hoe mens onthou as jy moet.

Veral as sommiges jou as ‘n toppie beskou, en die girls wat jy traai opchat vir jou oom sê, en dan kom meer senior vrouens, nevermaaind ouer en dierbare vriendinne, maar jou eie wyse gryse moeder, en vertel jou dit moet seker artiritis wees, wat beteken dat jy soortvan oor die muur is.

Nee hel. Die ding het weer 11 maande gelede begin, op die N1 iewers op die Vrystaatse vlaktes, miskien tussen Senekal en Winburg, of so iets. Die trui het op die agterste sitplek gelê, so mens moet nogal strek en rek om die ding raak te vat sonder om te veel spoed te verloor. Aangesien jy mos nou eintlik besig is om te bestuur, en so verrek jy jou arm.

Daardie nag word jy wakker met ‘n seer skouer, en jy wag maar so week of so dat dit kan beter word.

Verder is jy besig met allerhande soort werk op ver paaie, en is daar in elk geval nie tyd om jou te veel te steur aan seer skouers nie. Na omtrent 5 maande sou mens dink jy moet weer reg wees, so nou begin jy wonder, en begin jy dit noem aan die vroumense, wat jou summier as ‘n artiritisgeval diagnoseer, en dokter toe wil stuur.

Ek ken dokters, veral snydokters, so ek hou eers verby en gaan maar fisioterapeut toe, want dis toe dat ek onthou dat so 25 jaar gelede by een was en hy toe my arm in alle rigtings gedraai het.

Hierdie keer is dit ‘n sy, en sy probeer ook my arm in alle rigtings draai, maar dit werk toe nie heeltemal nie. Was te seer.

Diagnose :skouerkraag besering. Sy verduidelik, maar dis moeilik om presies te verstaan, en dit is waar die internet en google van baie waarde was. Ek het orals soektogte uitgevoer : Youtube, google images, gewone google, wikipedia, alles moontlik uitgevind. Oefeninge, behandeling, operasies, alles.

Die fisiotepeut het twee soorte masjiene bebruik om golwe en goed deur my skouer te jaag, en noem dit sommer haar vibrators, sy het my self aan die knoppies laat draai, op “fullspeed” het jou skouer sommer die ritteltits. Verder skryf sy ‘n klomp oefeninge voor en hou toesig dat jy reg oefen. Die sirkulasie moet verbeter. Jou skouerkraagligamente en spiere is nie op die “mainline” nie, so jy moet bloedvloei aanhelp. Dis waarvoor die vibrators was, en verder die seermaak oefeninge. En, word ek gewaarsku, as jy nie soet is nie, dan gaan die dokter met sy mes aan jou kom karring.

Die fisio het gehelp, maar hulle is ook slim, so hulle wil mens sommer baie behandel. Die eerste drie keer of so, sou ek sê ja okay. Die noodsaaklike diagnose by ‘n deskundige, die golwe en vibrasies en goed, en om van die oefeninge te verduidelik . Uitstekende waarde vir geld en noodsaaklik, MAAR.. ek kan op my eie oefeninge doen en strek baie dankie. Die behandeling het baie gehelp, maar my pyntoleransie is baie laag, en so het ek miskien nou nie so pligsgetrou die voorskrifte uitgevoer nie.

So nou is dit 11 maande wat my skouer seer is. Gelukkig nie meer naastenbyso seer as aan die begin nie.

Gesond genoeg om die branders in the foeter.

jetski

Eers op die rivier geoefen, en toe see in.

jetski2

Oefen op die rivier, skouer het gehou. Petrus is die ou wat aan die tou vasklou.

Walter die Wonderman bestuur.

 

 

high rocks

See in, skouer hou nog steeds.

 

blommekind skurf

 

Blommekind het dit ook probeer.

Walter die Wonderman bestuur nog steeds.

 

 

Petrus is baie bly sy skouer is nou bietjie beter, maar veral baie bly dat Blommekind saamgegaan het.