Petrus Pap se Oefenkamp

Die suidoos waai nou al vir 2 dae baie sterk, en môre nog meer en sterker. Donderdag nog steeds, maar dan gaan hy bedaar in die wind gaan draai, maar ek is dan op pad Windhoek toe.

Vanmiddag het die wind sommer ‘n see sproei, of wat ons in Engels noem “spume” honderd meter of meer land in gewaai. Jy staan sommer ver van die see af, maar die wind waai hom teen jou vas.

Dis nie so lekker om in die tande van die wind te staan nie, en veral nie op die see te vaar nie.. behalwe natuurlik nou as jy ‘n vliëerplankryer is. Ek het my nou die dag by Blouberg verkyk aan al die vliëers wat in die see rondans daar rondom die steenkoolwrak.

Anyway met die wind wat so waai dink ek toe aan so paar wind liedjies.. daar’s ‘n wind wat waai … hy waai my jas teen ‘n taaibos vas…. maar dan die wind bring verandering en maak die see sommer heeltemal anders, soms omstuimig, soms plat soos ‘n dam, met yskoue water, of bring soms ‘n groot storm. As die suidoos lekker waai hier teen die kus, beteken dit reën vir die bore in die binneland, of so was dit altyd.

Ek hou van ou Demis se liedjie “My friend the wind” , maar my gunsteling bly Koos Doep se “Kinders van die Wind”.

 

Ek wonder wat die regte storie was oor waar op aarde hulle die reggae sanger uitgekrap het ?

As jy genoeg boom rook is jou eie sang seer sekerlik vir jou pragtig, amper net soos die drongatte wat in die bar kareoke.. probleem is net daai rasta en sy dromslaners was nie besig om in die bar te kareoke nie.

Die Franse het beter as die bokke gespeel, geen verskonings nie.

Wat de hel sou die Dept van Sport en Onstspanning noop om vandag in beide die Rapport en Sunday Times advertensies oor Beast se burgerskap te plaas.. ek sou dink dit is iets wat hulle met die sportadministrateurs moes uitsorteer.

In plaas daarvan dat ons regering Mugabe uitsorteer, viktimiseer hulle nou vir Beast.

 

Dit is eintlik verbasend wat moontlik is as mens nie altyd die kortpad vat nie, weg van die N1 en N2 af.

Ek laaik gruispaaie, veral op ‘n baaik.

 

 

Calitzdorp

 

 

 

Anderkant Sandvlakte

 

 

 

Nuwekloof

 

 

 

Rooihoek

 

 

 

Malgas

 

 

 

Swartbergpas

 

 

 

Stilbaai

 

 

 

nog Swartberg

 

 

Suid Afrika is die mooiste land in die wêreld.

Die bos mechanics se job het gehou, en die kar loop nog steeds. Hy het sonder probleme gery van Francistown tot in Kazangula, deur Livingstone toe, Lusaka toe, deur Harare terug SA toe, ‘n draai gegooi in Mosambiek, terug Kaap toe, en nou die dag deur die Klein Karoo Baviaanskloof toe, anderkant uit en weer terug huis toe. Alles werk nog reg en die kar is ok.

Ek het die hoogs bedonnerde manne met die lee kanne in Lusaka belowe ek sal hulle probleem internet blootstelling gee.

Zambia het so paar weke gelede ‘n brandstof krisis ervaar, vulstasies se petrol raak blykbaar van tyd tot tyd op. Dis nogal ‘n gemors, veral as mens ‘n lang pad gekom het, en nog ver moet ry… in Lusaka wil mens glad nie oorbly en wag vir beter dae nie. Nie my gunsteling stad in Afrika nie en donners duur ook.

 

Niks petrol nie

 

 

Die manne met die lee kanne

Nietemin, daar was weer ‘n groot stok in hulle wiele.. petrol was op.

Die gewone ou was die bliksem in om dit ligweg te stel.

Ek ook, met my petrol naald wat op E gestaan het, en die kar wat op dampe moes ry, het ek nogal die ouens daar se gevoel gedeel.

So ry ek toe nou maar terug kampplek toe en wonder waar my volgende petrol vandaan gaan kom.

Toe eensklaps, vier karre staan in ‘n ry by ‘n vulstasie. Baie flink trek ek toe agter hulle in, en gaan vra vir die manne aan diens of daar petrol is. Oor ‘n halfuur kom die tenkwa word ek meegedeel. So wag ek toe nou maar ook.

 

Die tenkwa bring verligting

Binne minute groei die tou karre na omtrent 100 of meer. gelukkig is ek in posisie 5, terwyl almal wag neem ek toe maar so paar fotos, en onvang vele versoeke om die storie op die internet te plaas.. en ook dat hulle &*%$##$ politici onbekwaam is.

 

Ek verseker die manne, die saak is reg, ek sal die fotos op die internet sit. So hier is hulle nou.