Jy blaai in die argief vir 2009 Februarie.

Op die haai se spoor

Februarie 13, 2009 in Sonder kategorie

Dit werk so:

Die haai was eers gevang en gemeet. Daarna is 3 soorte merkers aan haar vasgesteek net agter die rugvin. Dit is maar dieselde as ” body piercings”, oorbelle, neusringe ens. Haaie het eintlik beter weefsels as mense as dit kom by ringetjies en pennetjies vassteek.

Een van die merkers is ‘n klank sendertjie, wat ‘n “ping” op ‘n bepaalde frekwensie uitstuur.

Op die bootjie het ons weer ‘n soort water mikrofoon, ‘n hidrofoon, waarmee mens na die pieng  kan luister as jy naby genoeg is. Daar is verder ook ‘n meter wat seinsterkte aandui. By 100 is die haai reg onder die boot. Baie rofweg is die haai omtrent 60 of 70 meter weg as die seinstrekte  in die veertigs lees.

Ons probeer heeltyd ‘n seinsterkte van so 70 kry.

Die haai swem natuurlik heeltyd rond, en het laasnag redelik ver in die rivier opgeswem, ‘n draai gemaak, en toe weer stroom af geswem. Sy stel baie belang in vissersbootjies, haar gunsteling kos is uiteraard vis. Nee, mense is baie beslis nie op die spyskaart nie.

Ek moet ook beslis byvoeg dat verreweg die meeste vissermanne op die rivier baie belangstellend  en vriendelik is. Per slot van sake is dit “hulle” haai, en die gedagte om aan te moedig is dat die haaie ‘n bate vir die omgewing is.

Die situasie is miskien vergelykbaar met luiperds in die berge. Soms word vee gevang, en sommige boere stel voor die voet slagysters. Aan die anderkant is vrylopende luiperds ‘n bedreigde spesie en mens wil nie graag sien dat hulle uitsterf nie.

Die see is ook nie die land nie, en Zambezi haaie ding nie mee met vissermanne wat werklik ‘n lewe uit die see moet maak nie.

Zambesi in die Breede rivier

Februarie 12, 2009 in Sonder kategorie

Vannag van 2 uur tot 6 uur more oggend is dit my beurt om die Nyami-Nyami, die Zambesi godin, te agtervolg.

Dit word gedoen met spesiale klanktoerusting.

Vissermanne in die Witsand/Infanta omgewing het al jare lank vertel van die haaie in die rivier, en ‘n paar weke gelede is sy met ‘n akoestiese merker “getag”.

Sy is die grootste Zambesi haai wat nog ooit gevang is(waarvan ons weet)… 4 meter lank, verder ook die mees suidelike ligging waarvan ons weet waar Zambesi haaie voorkom. Daar is groot opgewondenheid in marine biologiese sirkels, en daar is redelike internasionale belangstelling.

Daar was nog nooit ‘n haaiaanval op die Breederivier nie, maar natuurlik is hier ‘n paar sotte op Witsand wat haar nou met alle geweld wil vrekmaak. Wat is dit met ons mense ?

Die volg projek strek oor die volgende 2 weke, ek vertel later meer.

Brand

Februarie 6, 2009 in Sonder kategorie

Om ‘n bobbejaan met ‘n “flare” te probeer skiet in die middel van die fynbos is onosel. Dit is onduidelik wie op die plaas so onosel was, maar dit is wat laas Saterdag gebeur het tussen Stanford en Hermanus.
Die berg het gebrand. Gelukkig was daar Saterdag nie eintlik wind nie, maar in die loop van die week het alles verander.

Die suidoos het met mening begin waai. Nog steeds. Dit gaan net aan en aan. Die veld is droog, orals brand dit.

Gister het ons ou dorpie ook deurgeloop. Al hierdie brande begin ook nie net vanself nie. Daar is altyd een of ander bobbejaan wat alles veroorsaak.

Cowboy movies – die classics

Februarie 4, 2009 in Sonder kategorie

Sergio Leone se spaghetti westerns , die deuntjie en die ster.

Graniet

Volstruise

Februarie 2, 2009 in Sonder kategorie

Die volstruise storm almal nader vir ‘n foto.