Petrus Pap se Oefenkamp

Mens kry tog baie fotos van die groot 5, so  hier is nou maar nog ‘n paar.
Dis nie altyd moontlik om een of ander storie daaroor te hê nie.

Ek begin maar met ‘n leeuwyfie, standaard portret.

Olifant. Hierdie kêrel se tande is heeltemal skeef. Hy woon in die Kruger wildtuin.

Oulike olifantjies in die Wes Caprivi, Kwando rivier…  naby Doppies.

Buffels, ook Kwando kant van die Wes Caprivi.

Chobe Buffels.

Hierdie renoster is in die Kruger, naby Krokodilbrug.

Die storie van hierdie koei en kalfie is dat die foto te voet geneem is. By Ithala kan jy redelik in die veld rondloop

‘n Luiperd is beslis die moeilikste een van die groot vyf om raak te sien. Wanneer jy die slag een, totaal onverwags en uit die bloute kry is dit ‘n groot plesier.

Einde November op pad terug Johannesburg toe vanuit Ponta D Ouro (net by Kosibaai) gaan maak ons ‘n draai by Ithala.  Dit is tussen Pongola en Vryheid.

Die Zoeloe veldwagter het my die vorige dag vertel “ja hier is luiperds, maar jou kans om een te sien is maar skraal” , dit weet ek. In enige wildtuin is dit moeilik om ‘n luiperd te sien.

Maar Ithala het luiperds.  Toe ek die een se kop sien uitsteek moes ek eers ‘n “double take” gee.
Soms tref ‘n gelukskoot.

Die pad het reg gekronkel, en ‘n ander hoek was moontlik, maar ta wou nie stilsit nie.

En hier is die ander luiperds van die afgelope jaar of wat.

Kruger wildtuin- die “traffic jam” luiperd.

Etosha vroegoggend – naby Namutoni.

Halali watergat rondom middernag.

Kersfees het gekom en gegaan.

Hierdie is Noordkappers, en hulle is wraggies nog steeds hier.

Wikipedia is more than a website. We share a common cause: “Imagine a
world in which every single person on the planet is given free access
to the sum of all human knowledge. That’s our commitment.”
-Jimmy Wales.. die stigter van Wikipedia

It’s the largest encyclopedia in history, written by volunteers. Like a
national park or a school, we don’t believe advertising should have a
place in Wikipedia. We want to keep it free and strong, but we need the
support of thousands of people like you.

Dit is ook in Afrikaans, maar die Afrikaanse mense is nog bietjie lui om artikels te skryf.

Mens kan nogal redelik kyk hoeveel artikels in verskillende tale geskryf is.

Afrikaanse wikipedia is hier.

Jimmy Wales  se boodskap oor wikipedia in die algemeen.  Lees maar en besluit.

Ons kuslyn is  2600 km lank. Hiervan word 23.4 km “beskerm” deur haainette.

Die ekologiese tol van die nette is geweldig, en daar is ‘n paar goed wat ek glad nie verstaan nie. Hulle ontplooi ook sogenaamde “drumlines”. Hulle is nou die “Sharks Board” met hoofkantoor  by Umhlanga.

Die land ekwivalent is ‘n strik en slagyster.

Dan het ons beskermde en skaars seelewe. Dolfyne geniet amptelike beskerming, en mens mag hulle nie met harpoen, visstok of waarmee ookal jag nie… maar die Haairaad het wel toestemming … “incidental bycatch”. Hulle vang gemiddeld 60 dolfyne per jaar, en die mortaliteit is 100%. Dolfyne moet aan die oppervlak asem haal, en verstrik in ‘n haainet kan hulle nie. Hulle verdrink.

Omtrent 30 seeskilpaaie per jaar vrek in die nette. Seeskilpaaie is ‘n uiters bedreigde spesie.

Tussen 3 en 5 walvisse raak per jaar verstrengel en die nette, die helfte vrek gewoonlik voordat iemand hulle kom los sny.

Die nette vang ook honderde haaie per jaar, waarvan 99% skadeloos is.

Die wit haai is die spesie verantwoordelik vir die meeste aanvalle op mense, en kom meer algemeen voor aan die Kaapse kus.  Die wit haai geniet ook amptelike beskerming. Die haai nette vang amper 30 wit haaie per jaar, waarvan 99% vrek.

Suid van Port Edward, maw die hele Wildekus, Oos , Suid en Wes kaap het nie een haainet nie, en swemmers hier is inderwaarheid meer blootgestel as in Natal.

Op die paaie sterf honderde mense in motor ongelukke, maar almal ry lustig voort in hulle karre, en hoe meer alkohol, hulle lustiger jaag ons rond. Niemand is bang nie.

Per jaar sterf daar miskien een persoon van ‘n haai aanval, maar tientalle verdrink.

Bottom line : die haainette maak hoegenaamd geen sin nie,  gegewe die ekologiese impak daarvan en die onbeduidende bedreiging wat haaie inhou, verstaan ek nie hoekom alle haainette nie verban word nie.

Die ATM bankkoste storie het mos Sondag in die Rapport verskyn, maar ek het die artikel net  “gescan”.
Blykbaar betaal ons R 13.00 vir ‘n transaksie wat regtig 13 sent kos –  gebruik van ‘n ander bank se ATM.

Vanoggend het Die Burger ook ‘n artikel , en daar lees ek toe van  www.wikileaks.org  en ook dat die ongesensorde verslag as ‘n pdf aflaaibaar is.

Wikileaks is sommer ‘n gawe webwerf, allerhande goed wat mens nie veronderstel is om te weet nie…

Die mededingingskomissie het vreeslik gesukkel om inligting uit die banke te kry “like pulling teeth”, en het blykbaar aan die banke die onderneming gegee dat hulle die inligting wat die banke verskaf “streng vertroulik” hanteer sal word…. toe lek iemand die verslag.

Hier is die epos wat mnr Miranshan Ramburuth aan wikileaks gestuur het om die bank verslag te verwyder    sa-banking-commission-to-wikileaks-2008.pdf

en die dik 500 blad ongesensorde verslag is hier

En wie is agter wikileaks?

“Wikileaks was founded by Chinese dissidents, journalists,
mathematicians and startup company technologists, from the US, Taiwan,
Europe, Australia and South Africa.”

Die ouens is besig om regerings van die Kaap tot anderkant Timboektoe die bliksem in te maak.

Ek wonder of ek vir hulle ‘n bottel blits vir kersfees kan stuur.

Tyd vlieg,  en toe vlieg sy eergister Amerika toe. Klaar geswot , en die werk het gesê sy moet dadelik begin. So dit was dit.

Hierdie afgelope winter het ons op ‘n volmaan aand van Windhoek na Opuwo gery. Sy een bakkie, en ek die ander. Tussen Outjo en Kamanjab was daar ongelooflk baie wild, maar ons was die volgende oggend 9 uur op Opuwo soos afgespreek. Tussen 2 en 4 het ons wel gestop om bietjie te slaap. Sy het niks gekla nie, en die job gedoen. Guts.

See you later alligator

Eergister het ek 12 walvisse by De Kelders getel, en vanmiddag het daar ‘n koei en kalf amper teen die rotse gelê.

Dis nie heeltemal vreemd op vroeg Desember ‘n noordkapper in Walkerbaai te sien nie, maar Desember is al in sy derde week, en hier is sommer nog baie noordkappers.

Hulle Engelse naam is “Southern right” , in die dae van walvisjag was hulle die “regte”walvis om te slag.

Die foto is sommer met die selfoon geneem.

Die walvis is so 20 na 30 meter buite die bamboes so op 11 uur van die diepste rotse af

Dis ‘n baie mooi dag hier by die see. Eerstens wil ek graag vir Vormdragtig aanraai om nie in Lenasia enige volksvreemde swemuitrustings  te koop nie, maar liewers iets meer betaamliks en Victoriaans aan te skaf.