Petrus Pap se Oefenkamp

Al die stalletjies en goed was baie lekker en alles, maar  die musiek het die foto inspirasie verskaf.

Karin Zoid in die ou hawe. Saterdagaand.

Die lede van die Dire Straits Tribute Band is :

Guy Feldman, voorman en sanger.
Duncan Combe met die Saksofoon, en ook kitaar.
Albert du Toit op baskitaar
Willem Prinsloo speel die dromme
Tim Yarnold op die klawers.

Hier is die akapella ouens : Adamsappel.

Daar is 9 van hulle so moenie name vra nie. Gaan kyk op hulle web werf : www.adamsappel.co.za

Hier is die twee kitaarspelers.

Ben Badenhorst en Johan Rautenbach.

Briljant ! Om die minste te sê.

Oorkant die baai, later die aand.

Wat maak die Seaview lekker ?

En hier kan julle vir Ben en Johan in aksie sien en hoor ..  alweer verfilm met my selfoon.

Na ‘n helse rigmarole het ek dit uiteindelik reggekry om die video van my nokia telefoon op you tube te kry.

Nietemin, hierdie clip het ek Saterdag aand in Hermanus “verfilm”, op my selfoon !

Brothers in Arms deur die Dire Straits Tribute Band. 

So paar weke gelede het ek geskryf oor die gesteelde skoot rekenaartjie.

Die sluipers het nie ingebreek nie, want my deur was natuurlik half oop, nie oop soos in nie gesluit nie, maar oop oop. Ek is half min gepla oor die goed, want hulle kan maar net sowel deur vensters klouter as hulle regtig wil.

Dit is ook wat die sluipers se modus operandi was by ‘n klomp ander plekke waar hulle ingebreek het.
Klouter die die vensters, steel , sluip tot by ‘n deur, sluit oop en waai.

Laas week vang die polisie toe mos 2 van die knape, die plaaslike koerantjie berig daaroor…. en ek sit af na die polisiestasie om te gaan hoor of hulle nie dalk die gesteelde goed gekry het nie.

Die diens by die stasie was nogal goed. Ek sit in die speurder se kantoor terwyl hy die rekenaar reeksnommer nagaan, en maak seker dit is gesirkuleer Kaap toe.

Hulle het goeie leidrade waar die gesteelde goedere “gefence” word.

Hy vertel my toe dat daar blykbaar ‘n paar van die skollies was wat hulle self as “cat burglars” beskou het. “Slick operators” net soos Raffles.

Klim werk was eintlik maar beperk tot deur vensters klouter, en in hulle verkenning het die kroeks blykbaar gekyk waar die ouens redelik braai, kuier en ‘n paar …of sommer heelwat knertse maak.

Wanneer die ligte dan begin afgaan, en dit raak stil, sluip hulle nader, loer hier en daar deur ‘n venster …. kyk of ‘n deur nie dalk oop is nie, sluip stilletjies in en steel.. sommer goed wat langs die slapende lê.  Beursies, selfone, laptops, indien moontlik horlosies. Alles wat klein is en maklik weg gedra kan word.

Binne ‘n dag of twee is die goed dan op pad Kaap toe, waar dit dan uiteindelik by een of ander “fence” uitkom. 

Ek is nou self lus om bietjie in die Kaap te gaan soek na plekke wat “gebruikte” laptops verkoop, miskien loop ek die “laptop” daar raak?  Dan weer, as hulle die hardeskyf geformat het, dan is dit tog half sinneloos, die eintlike verlies is die werk wat op die hardeskyf gelê het.

Tog, dit kan nie skade doen om klein bietjie rond te kyk nie,  die keuse is tussen ‘n kans en niks nie. 

Mens moet jou huiswerk doen om sinvol hieroor te skryf.

Klimatoloë stem glad nie aldag met mekaar saam nie, Jan Rap se mening hang maar af van uit watter hoek hy praat.

Klaarblyklik produseer al die beeste in die wêreld meer gasse as al die karre wat ry.

Miskien het die dinosaurusse vreeslik gepoep en sodoende die atmosfeer verander.. hulle het hulleself miskien dood gepoep 🙂

Ek vind die debat rondom aardverwarming en klimaat wel baie interresant,  spesifiek wind en gevolglik see toestand beinvloed my lewe en werk daagliks direk.

Wikipedia is altyd ‘n nuttige bron , hier is ‘n goeie artikel met ‘n indrukwekkende ( vir so relatief kort artikel) bronnelys.

http://en.wikipedia.org/wiki/Hockey_stick_controversy

Dis getal wat vanaand 6 uur opgedaag het by die briljante kitaar vertoning van Ben Badenhorst en Johan Rautenbach.

Ben is veronderstel om tegnies die vaardigste kitaar speler in die RSA te wees, ek weet nie genoeg van kitaarspel af nie, maar beter het ek nog nooit gehoor nie. Nie hier nie , en ook nie oorsee nie.

Om die twee se samspel te sien, of liewer te sit en luister is iets besonders, in Spanje het ek nog nie beter Flamenco gehoor nie, en in New Orleans nie beter Jazz of Blues nie, en die elektriese kitaarspel met die “micro tones” of watookal is weer iets heeltemal anders.

Dis net toevallig dat ek die vertoning hoegenaamd bygewoon het.. maar wat ‘n louter plesier was dit nie.

Die akapella groep Adamsappel het daarna opgetree. sure ek het maar weer geld gevat en gaan betaal, ook uit die boonste rakke…..

www.adamsappel.co.za

Daar is 2 songs wat jy kan aflaai en luister. Doen dit maar.

Kan net nie verstaan hoekom daar so min mense na sulke briljante aanbiedings gaan kyk/luister nie.

WTF
 

Erfenisdag, braaidag en nie eintlik ‘n werksdag nie.

Daar is baie walvisse in Walkerbaai, en die walvis fees het vandag begin.

In die ou hawe was die “slofish” kompetisie ‘n mislukking, maar ek het wel van die abagold perlemoen plaas se gedroogde -herkonstitieerde perlemoen geproe….. kak resep.

Verder is dit onduidelik wie aan die kompetisie deelgeneem het ……….. maar hulle het by die kroeg daar onder baie rojale glasies Drosdy Hof Claret select getap, en die musikante oorkant op die verhoog het mooi gesing….

Die weer gaan ook net beter raak na die naweek toe.

Hierdie blog se tema was eintlik veronderstel om oefening, verslanking en allerhande sulke gesonde goed te wees. … the road to hell is paved with good intentions.

Aangesien ek nou al vir ‘n geruime tyd afwyk van my eie verklaarde voornemens en beginsels, kan ek seker iets sê oor die huidige “interesting times”.

Spesifiek wie het bedank , en wie het nie. 11 ministers en 3 adjunkte.

Trevor Manuel, dis baie jammer Trevor het bedank, hy was myns insiens knap.

Sal die rand fyn dophou.. sal interresant wees om te sien hoe die valutamark reageer op Manuel se bedanking.

Mbeki se vriende die Pahads… cheerio boys, not sad to see you go.

Alec Irwin.. goeie move, baai baai.

“Terror” Lekota , hy was eintlik nie so sleg nie, maar ook nie eintlik so goed nie. Tog praat hy baie goeie afrikaans as hy wil. 

Kortbroek … nee Kortbroek het nie bedank nie, hoekom sal hy,  het mooi geleer om sy mantel na die wind te draai, en minister is ‘n baie lekker joppie.

Daar sal geen uittog van voormalige NP lede wees nie, die Gaums en Beukmans, en Hennie Smitte en daai eens stoere NP manne, Broeders, en ruiterwagte, weet waar hulle brood gebotter is .

Ons minister van ongesondheid sal ook nie bedank nie, sy kan altyd nog vir Mbeki in sy paleis gaan kuier en ‘n paar knertsies maak.

Oor Mangena, Didiza en Mufamadi weet ek eintlik nie genoeg nie so ek sal maar my bek hou.

‘n Hele klomp mense gaan nou seker begin “panic attacks’ kry en wil emigreer en so aan, maar Petrus Pap is gewoond aan Afrika, laaik dit hier, en wil, nie in ‘n ander land gaan bly nie… as die see water is Namibië nie so blêddie koud was nie, sou ek nogal daar kon bly, en Mosambiek sal eintlik fanstasties wees… maar wie wil nou rêrig op ‘n ander plek loop bly as jy in die Strandveld kan bly.

Hier is nog ander plakkate ook. Kleintjies.

Baardskeerdersbos se naweek kunsroete.  Saterdag en Sondag 26 en 27 September.

Miskien nie ‘n slegte roep nie, heelwaarskynlik sal ‘n paar walvisfeesgangers die Strandveld wil binnevaar.

Sien http://www.freewebs.com/artroute/

Hier is hulle uitleg van Beebos, en wie waar uitstal :

Die plakkate is seker al twee weke lank teen die pale opgeplak, maar ek het eers Saterdag die goed gelees. Die web werf verskyn daarop.

www.whalefestival.co.za

Ek sien die fees begin sommer oormôre al, Woensdag tot Sondag. Ek dink amper die fees is korter as vantevore, maar ek kan ook onthou dat die fees al eintlik te groot geraak het , en van die shows nie regtig sulke geweldige aftrek gekry het nie.

Spesifiek een jaar het ek geweldig uitgesien na ‘n Kerkorrel optrede, wat wel plaasgevind het, maar …… die opkoms was swak, en JK was nie ‘n happy chappy nie.

Hy het deur die performance geworstel.. en die optrede was ‘n regte ou pap wiel optrede… anders as die keer in Grahamstad rondom 88 of daar rond.. wat briljant was!

Op die regte aand op die regte plek kan ‘n show in Hermanus kwaai wees. Ek kan nou nie onthou of dit Beatlemania of Sixtysomething was nie, maar het een jaar ‘n fantastiese weergawe van Bakerstreet geniet. Die vertoning was in die skoolsaal.

Hierdie jaar is daar definitief minder optredes. Hulle het die Bats iewers uitgegrawe….. maar die een item wat my prikkel is die een:

Vrydagmiddag gaan daar seker ‘n redelike traffic  jam oor die berg wees.. so be it.

Terloops, ‘n maand later, 23- 26 Oktober, is dit die Haai fees in Gansbaai.

Vanoggend se By is ‘n baie goeie een.

Lina Spies se artikel oor Angus Buchan is uitstekend.
 
http://www.dieburger.com/Stories/Features/By/18.0.898059327.aspx

Joan Hambidge skryf ook oor Zapiro en satire ” never explain, never apologise”

Barthes word  glad nie aangehaal nie, en vir ‘n verandering kan ek die artikel verstaan met die eerste lees daarvan.

Myns insiens ‘n baie goeie artikel, maar ek kry dit nou op “Die Burger” se werf nie?