Petrus Pap se Oefenkamp

Eerste my “disclaimer”

Hierdie inskrywing het te make met wind en weer vandag, bloot omdat ons vir die volgende 24 uur abnormale toestande gaan hê, wat vir my fassinerend is. Daarby was ek skoon verbaas oor die  weskus tsunami storie.  Ok, nou weet julle.

Laas week Donderdag, 21 Aug, was  daar volgens die weerburo ‘n soort tsunami aan die Weskus.

Hulle het dit vanaf Luderitz tot by Houtbaai agtergekom, en by Lambertsbaai was die visfabriek effe onder water.

Kwart voor nege die oggend  is ‘n plesierboot, Circe, as’t ware by Houtbaai hawe “uitgesuig”

Hier is die skakel

Vir die wat belangstel in grafieke, hier is Port Nolloth se gety hoogtes. Om eerlik te wees, ek word nie veel wys uit hierdie grafiek nie, maar hier is hy in elk geval.

Eintlik het ek net gaan kyk wat die weerburo vanoggend te sê het oor die voorspelde storm.

Die Windfinder  werf gee nie net wind voorspellings en allerhande baie nuttige weerdata nie, maar ook lesings van windmeters  van verskeie plekke op ons kus.

Slangkop is die vuurtoring by Kommetjie.

Vanoggend  7 uur was die wind al hier by die 23 knope .

Môre oggend 11 uur voorspel hulle ‘n deining van 10.1 meter, en vanmiddag 5 uur ‘n windsterkte van 44 knope – so 80 km/u .

Kaappunt rapporteer weer ‘n bestendige 21.5 knope tussen  5 en 8 vm vanoggend.
Hulle voorspel  43 knope teen 14.00 en ‘n deining van 10.3 meter 11 uur môre oggend.

Die weskussers kan rustig wees.

Lambertsbaai gaan vandag piek rondom 23 knope, en die groot see gaan blykbaar eers môre middag teen 2 uur daar aankom, 8 meter deinings teenoor die 10 meter rondom die skiereiland.

Teen 2 uur  vanmiddag voorspel hulle wind van 22 knope op die Vaaldam, wat dan sal afskaal na 15 knope teen 5 uur vanmiddag.

Dit beteken dat daar seker meer wind as gewoonweg op Ellis Park (is dit dieselfde plek as Coke a cola park !?) gaan wees .
Die weerburo voorspel ‘n vars noordwester.

Hierdie laaste stukkie is net volledigheidshalwe, want as die skottel nie van die bar se dak afwaai nie, kyk ons vanmiddag rugby.

Gisteraand terwyl ek geslaap het, het ‘n dief die huis binnegesluip en ‘n laptop van die tafel af gesteel.

Die dom idioot het nie eers die power supply gesteel nie, en alles wat by die rekenaar ingeprop was uitgeprop , en net die laptop gevat. Die laptop het so vingerafdruk skandeerder, so ‘n gebruiker moet eers sy vingerafdruk gee voor die rekenaar volledig aanskakel. Die dief sal dit mettertyd agterkom.

My emosie is nie vrees, woede of ‘n gevoel van intrusie op my persoonlike ruimte nie…. maar frustrasie en teleurstelling ….. die grootste verlies is die verlore data en werk…..

Die rekenaar het behoort aan my gas en besigheidskollega.

Ongelukkig beteken hierdie insident dat ek nou seker snags deure en vensters en sal moet toemaak en sluit… of ‘n klomp booby traps snags rondom die huis stel.. verskriklike slagysters ensovoorts.

Petrus Pap kan hom seker nie meer verder verbeel hy is Rip van Winkel nie.

Ek het net nie gedink ek slaap so vas nie.

‘n Storm waarskuwing

‘n Regte egte storm tref die Kaap Saterdag.

Saterdag aand wil jy nie op die oop see wees nie, nie met “strong gale to storm strength winds nie”

National Warning – Issued on Thursday, 28 August 2008 at 04.00

Advisory :

1. Gale-force westerly winds (35kt or 65km/h) are expected in places over the Western Cape Province during Saturday. Strong-gale to storm strength winds (50kt or 90km/h) are expected along the coast south of Cape Point. These winds will moderate during Sunday.

2. Very rough seas with destructive waves in excess of 7m, coinciding with spring high tides, expected Saturday night to Sunday along the coast of the Western Cape Province.

www.weathersa.co.za

Let veral op na die gety.

Die storm wind, die reuse deining, vind plaas tydens spring gety.

Hou die nuus maar Sondag dop.

Ok, soos julle teen die tyd weet is die see vir my baie belangrik, en ek hou see toestande fyn dop.

Sondag gaan die see baie rof wees aan die Kaap. By uitstek ‘n dag om jou te verwonder aan die krag van die see. Hoogwater op Sondag is rondom 10 uur die oggend. Hawemure gaan interessante foto’s oplewer.

Aan die Kaap gaan die wind verkeerd waai om te gaan surf… As jy opgewasse is vir brekende branders van 10 meter plus.

Hulle voorspel ‘n deining van 7 meter plus. ‘n Deining van 7 meter kan maklik ‘n brekende brander word wat 3 keer groter is. Dit is geweldig.

So paar weke gelede is hierdie foto buitekant Houtbaai geneem.

Hulle reken die brander is 75 vt. hoog. Dis nie by Dungeons nie, maar op ‘n rif 1 km vêrder uit. Op hierdie dag was ‘n storm see en 7 meter branders nie voorspel nie. Vermoedelik ‘n wêreld rekord. Die grootste brander ooit gery. Twiggy Baker.

Die webwerf en bespreking rondom hierdie foto is hier :

http://www.wavescape.co.za/swell-lines/no-33-did-twiggy-snap-the-record.html

Hier is vanoggend se sinoptiese kaart, en ek hou van die manier waarop Die Burger deesdae die weer bespreek.

Ok, waar om Sondag oggend te wees ?

Dis die vraag. Kaapstad ? of moet ek kus af gaan ?

Die branders  gaan te groot wees vir my om te ry , maar Woensdag oggend  by Supers op Jeffries baai is dalk ‘n moontlikheid.

Laat ons dan sien wat die see oor die volgende paar dae gaan bring.

Die help funksie op die blog blaaie werk glad nie.

Hoe werk hierdie merker besigheid ?

Maw. hoe skep mens merkers vir jou blog ?

Ok, en hier volg die antwoord – baie dankie aan Melt wat verduidelik het.

Onder die groot raam waarin jy jou blog skryf, is so klein raampie waar staan “tags comma seperated”

Dit is waar jy jou sleutel woordjies , oftewel merkers of tags  kan intik.

Goeie aarde maar mens kan blind en stupid wees as jy wil!

‘n Regte een.

Ook seker een van die mooiste diere in die see. Die wit haai, onregverdiglik genoem die mensvreter, want dit is hy nie eintlik nie.

Hierdie is nie my foto nie, dis nogal moeilik om jou tydsberekening vir die reg te kry.

Jy weet nie wannner die haai gaan spring nie, en hy doen dit in ‘n breukdeel van ‘n sekonde.

Die swart ding wat een kant vlieg is wat ons noem ‘n “decoy”.

Die groot maatskappye vat die minister hof toe omdat hy tussen 120 en 140 ton van die rooi goud aan bestaansvissers wil toeken.

Die artikel in die Sunday Times is hier :

http://www.thetimes.co.za/Business/BusinessTimes/Article1.aspx?id=828413

Dis ‘n moeilike saak.

Die bestaansvissers het ‘n punt beet, en dit is so dat kontrole tans omtrent onmoontlik is.

By Mariene en Kus (wan) Bestuur is groot probleme – bv. visinspekteure HET NIE radios nie.
Hulle moet met hulle eie selfone bel, maar dan word hulle sellulêre uitgawes deurentyd bevraagteken , en maande later of glad nie deur MKB vergoed nie….. dan wil ons weet hoekom die ouens gedemotiveerd is.

Die maklike oplossing is dan om sommer 50 km kus eenvoudig te sluit vir rekreasionele duik.

Die kreef seisoen is toe, en hierdie fotos is in Januarie geneem.

Naby Dangerpunt … mens mag nou nie meer daar duik nie.

Vanmiddag praat ons hoegenaamd nie rugby nie.

Ons is by die Olimpiese spele, en by die swem.

Vlinderslag.

Hier is ‘n foto :

Phelps en Cavic.

Die finaal. Die photofinish.

Dis vlinderslag, so die arms trek gelyk

Hoe die hel is dit moontlik dat Phelps sy arms in 1 honderdste van ‘n sekonde gou voor Cavic teen die muur gekry het ??????

Omega borg Phelps en is ook die amptelike tydhouers by die Olimpiese spele.

Wie het regtig gewen?

http://www.100thofasecond.com/

The only way to keep your health is to eat what you don’t want, drink what you don’t like, and do what you’d rather not.

Mark Twain

Sea Fever

I must go down to the seas again, to the lonely sea and the sky,
And all I ask is a tall ship and a star to steer her by;
And the wheel’s kick and the wind’s song and the white sail’s shaking,
And a gray mist on the sea’s face, and a gray dawn breaking.

I must go down to the seas again, for the call of the running tide
Is a wild call and a clear call that may not be denied;
And all I ask is a windy day with the white clouds flying,
And the flung spray and the blown spume, and the sea-gulls crying.

I must go down to the seas again, to the vagrant gypsy life,
To the gull’s way and the whale’s way, where the wind’s like
a whetted knife;
And all I ask is a merry yarn from a laughing fellow-rover,
And quiet sleep and a sweet dream when the long trick’s over.

John Masefield

Gisteraand.

Valsbaai, Robeiland, ou Tafelberg… duikers wat vlieg oor die eiland… die see

Net om te wys hoe hulle lyk vir almal wat nou nie so baie by die viswaters uitkom nie.

Die Kraaibek of Pappegaaibek en wat party ouens verkeerdelik dink is ‘n Galjoen.

Die Galjoen word soms as ons Nasionale vis bestempel. Aan die Skedelkus is hulle vetter en lekkerder as in die Kaap. Uitstekende braaivis, maar tog val dit nie in almal se smaak nie.

Hier is ‘n galjoen

Die Kraaibek braai dikwels lekkerder as ‘n galjoen.

Beide die 2 visse is op die rooi lys.

Dit beteken dit mag nie verkoop word nie. Jy mag net vang vir eie gebruik, onderhewig aan sakbeperkings en seisoen.

Hier is die Roman – rooi man

Hier is die 2 top lynvisse in restaurante aan die Kaap.

Kabeljou en Geelbek.

Eers die Kabeljou

Nou die Geelbek

Nee dis nie ek nie.

Hulle braai nie so fantasties nie, stoom beter deur hulle in foelie toe te draai, of bak hulle binne in die oond.

Die Geelstert moenie verwar word met die Yellow fin tuna nie.

Om hierdie vis lekker sappig gaar te maak kan tricky wees, en 95% van restaurant chefs foeter dit op, hulle bak of braai hom te droog.