Jy blaai in die argief vir 2008 Junie.

Planke toe.

Junie 14, 2008 in Sonder kategorie

Ek wou al vroeër vandag iets hier geskryf het.

Dit was nie moontlik nie, want ek is so ietwat moer toe….. Om dit ligweg te stel.

Ja, gisteraand het ek laataand iets geskryf en blogs gelees …. en die aantal glasies wyn het toegeneem tot die bottel leeg was.

Vanoggend met dagbreek was ek dus salig in droomland.

Teen 9 uur het ek wakker geword, en wat ‘n oggend ! Geen luggie wat roer nie.

My plan om Baardskeerdersbos toe te ry teen dagbreek, kon nie meer presies so uitgevoer word nie. Dagbreek het gekom en gegaan., maar omdat die dag so mooi was, en omdat ek gisteraand hier in blog land gesê het dis wat ek sal doen, het ek dit toe gedoen.

Teen 12.45 het die trippie begin. Perfekte weer.

Ek was van mening dat so 2 en ‘n kwart uur behoort genoeg te wees … sonder dat ek regtig geweet het PRESIES hoe ver Baardskeerdersbos eintlik is.

After all, met die kar is dit net om die draai.

Die Springbokke sou mos eers teen so 3 nm teen Wallis speel.

Alles goed en wel, en die trippie begin baie goed. Ek vat een laaaang opdraande en trap dit uit geen probleme nie.

Die Strandveld is mooi. Die uitsigte en alles.

Teen 2.15 kom ek aan in Baardskeerdersbos, en is nogal trots op myself dat ek slegs ‘n glasie water drink by die B-Bos Waenhuis.

Die versoeking was baie sterk om ‘n Carlingkie te knak, daarvan kan ek julle verseker.

Maar ek het nie.

‘n Paar minute later begin die terug tog…. maar wat nou … is dit wind wat waai ? Ja, darem nie te sterk nie. Bewolk ook geraak. Dan vat mens so nou en dan ‘n blaaskansie en neem ‘n paar pics.

Nog nooit vantevore volstruise langs die pad hier gesien nie.

Die selfoon kameratjie het sy beperkings.

Plate Proteas tussen die fynbos, en sommer teen die pad ook. Letterlik teen die pad.

Dieselfde bos teen ‘n ander hoek.

Teen 3 uur , en nog baie ver om te gaan, en redelik planke toe, dring die besef deur dat ek nie die begin van die wedstryd gaan maak nie.

Ek begin ook redelik strain vat, en raak redelik dors. Ek stoot die fiets uit teen ‘n opdraande van ten minste een km, toe is dit anderkant af. Dankie tog !!!! En daar voor in die pad , by Uilkraal is ‘n drinkplek .. ek hoor die wedstryd binne. Kry water en kyk 5 min. Wallis druk ‘n drie, en loop voor. Ek drink 2 glase water, ( I kid you not) en vat die pad. Draai in by Franskraal, die wind is van voor. ‘n Vars windjie, baie vars, eintlik fokken sterk. Seelangs ry ek tot by die huis. Maar eks planke toe. Teen 4 uur op die kop haal ek die huis. Drink water , kyk die wedstryd klaar, en kap om.

Ek is nou eers besig om min of meer tot verhaal te kom.

O ja, die afstand Baardskeerdersbos toe is 26 km , heen en weer 52 km.

Ek weet dis niks vir fietsryers nie, maar die laaste fietsry event waaraan ek deelgeneem het was deel van die skoolkermis in die laerskool.

Vrydagaand

Junie 13, 2008 in Sonder kategorie

By die huis. Eie vrye keuse. Daar was ‘n paartie aan. Ek kan nog gaan , maar sal nie.

Een ding van ‘n kleinerige dorpie …. jy ry gou van punt A na B.

Streng gesroke moet mens jouself beperk tot so 5 glase wyn per week max as jy wil verslank.

Hierdie week is dat seker al so 20 glase. Ek’s op my 3 e glas vanaand. Not good.

Ten minste is dit rooi.

Die dag het heel goed begin, maar ek dink ek het teen vanmiddag my toegelate hoeveelheid kilojoules oorskry.

Dit is eintlik simpel dat mens jouself so moet opcheck die hele tyd.. maar die tyd is nou.

Vroeër of later moet mens betaal vir jou lewenswyse.

Tot dusver voel ek nog hunky dory, maar so paar maande gelede het ek met ‘n ou gepraat wat suikersiekte ontwikkel het …. net eenvoudig van verkeerd lewe.

Een keer het ‘n ou voor my oë omgekap aan ‘n hartaanval. Hy was nog nie 50 nie. 

Hulle sê suiker is ‘n euwel. Dit klink reg.

Kunsmatige versoeters is blykbaar nog erger. Gif.

Vanmiddag het ek ‘n koppie koffie gedrink sonder enige suiker of versoeter.

Dit was in ‘n restaurant, en ek kon proe die koffie was maar so so. Ricoffy of Koffiehuis, die ene sigorei.

Die suiker voorneme vir die res van hierdie maand :

Eintlik geen suiker hoegenaamd nie.

As dit dan moet, bietjie heuning.

Gewone geraffineerde suiker, hou verby.

Kunsmatige versoeters ? Gif , VERBODE !!!

My fiets is reg, met eerstelig more oggend ry ek Baardskeerdersbos toe en terug.

 

12 x 12

Junie 13, 2008 in Sonder kategorie

Hello_Kietie se uitdaging. Die 12 fotos op die 12de.( gister ) mmmm  dan is dit vandag die 13 e, Vrydag die 13e.

Ons begin maar by die oefeninge want dit is mos eintlik waaroor hierdie blog gaan.

Dis ook eksklusiewe fotos wat nog nooit tevore gesien was nie.

Hansie besig om sy triceps the oefen .. AKSIE !!!

Hierdie is nogal ‘n moeilike oefening, en dit  maak jou arms lekker styf.

‘n Tweede baie belangrike deel van Petrus Pap se oefenkamp is gesonde kos.

‘n Stewige gesonde ontbyt, ten minste een uur nadat jy geoefen het.

Vir ontbyt eet mens pap, en slegs Jungle Hawermout is goed genoeg.
Die blog besigheid kan ‘n gemors afgee as jy vergeet dat jy pap op die stoof het.

Kom eet julle verbrande pap !!!!

Seemeeue eet amper alles, insluitende verbrande oats pap.

Later die middag waai die Noordwes nogal kwaai aan die ander kant. Nie een van die vistreilers gaan in die gure weer see toe nie.

Eintlik is ek op pad om ‘n lekker stel trappies te soek, waar mens ‘n paar keer kan op en af.
Die trappies is nie baie fotogenies nie.

Die aalwyne voor met die rowwe see agter is myns insiens ‘n beter onderwerp om af te neem.

Die wind waai , maar wat spat so daar agter tussen die branders ?

‘n Noordkapper wat spring !

Bonus !!!!

Vanaand kom iemand kuier, so net gou gaan kyk wat ons gaan drink.

Hier is die diens altyd vriendelik ! Gawe mense. Ek het hulle belowe ek sal die foto op die internet plaas!

Sundowners.

En nog bietjie later …

Heelwat later gaan ons gou kyk wat gaan aan in die dorp.

Die Seaview is altyd vol verassings !

Ek het geen besware daarteen as die dametjies op die kroeg toonbank wil dans nie.
Veral nie as ek toevallig daar naby is nie !

Baisiekel sonder ‘n klokkie

Junie 13, 2008 in Sonder kategorie

Hierdie een het nie eers wiele nie.

Maar hy het ‘n computer op. Probleem is net , die computer werk nie.

Dit is Hansie s’n.

As mens op hierdie fiets ry noem jy dit spinning.

Ek weet baie mense hou van spinning. Jy kan TV kyk terwyl jy spin.
Die wind en reën affekteer jou nie.
Ok , as jy nie jou eie spinfietsie het nie, moet jy in die gym gaan spin.

Maar spinning is nie my ding nie.

Gister het ek my fiets uit die stoorkamertjie gaan haal.

Hierdie baisiekel het ook nie ‘n klokkie nie, maar ten minste het hy 2 wiele.

En geweldig baie ratte.

Hy het bietjie aandag nodig, die ketting het bietjie roes op. Die wiele is effe pap ( amper soos ek)
en ek weet nou nie waar die pomp is nie. Maar teen later vandag sal alles reg wees.

Ek ry nie op fietse wat nêrens heen gaan nie.

Ek hardloop nie on ‘n trapmeul nie, en as ek iets moet roei dan beter dit een of ander soort boot wees.

Al waai die wind.
 
Ek het die foto nou net geneem. Daar trek wel ‘n luggie. ‘n Ligte Noord oos.

Daar is geen keuse tussen spin en fietsry nie.

Selfs al het dit vanoggend gereën.

Hansie se "home gym"

Junie 12, 2008 in Sonder kategorie

Vanoggend vroeg gaan ek toe na Hansie se gym toe.

Na buite lyk hierdie net na ‘n gewone Wendy huis.
Hulle lyk maar so van buite af.

Maar binne is dit nie net ‘n garden variety Wendy huis nie, o nee !

‘n Klein tegniese puntjie om hier te onthou is dat ons onself in die Overberg bevind.

Hierdie is die WP hartland.

Soos julle duidelik kan sien het Hansie nogal ‘n sin vir binnenshuise versiering.

Die pynbank.

Maar wag.

Die kleur binne is BLOU.

Ligblou. Daar is ook ‘n banier teen die muur.

Hansie het ook ‘n besondere apparaat ontwerp.

Dit is nou die een op die foto, met omtrent 50 kg se gewigte aan.

Ok , ons het vanoggend allerhande wrede oefeninge gedoen.

Hansie is baie sterker as ek, en kan met baie swaarder gewigte as ek speel.

Sien vir Hansie in aksie waar hy ‘n massiewe swaar gewig “bench”

Dis fokken swaar gewigte wat hy hier optel.

Let ook op na die pragtige versameling Bulle hempies in die agtergrond, en die hoe die blou kleurskema die vertrek versier.

Hier is Sterkhans weer besig om sy tuisgemaakte apparaat te gebruik.

‘n Belangrike punt om in gedagte te hou , is dat ek al die oefeninge ook gedoen het.
Nie altyd met presies so baie gewigte as ou Hansie nie. Vanoggend was my eesrste oggend ok.

En ek voel die after effects.

Ek moes vanaand bietjie medisyne drink om my te help herstel van die strawwe oefeninge van vanoggend.

Mnr Rudolf Jelenik se voortreflike pruimblits.

Dire regte egte wonderkuur teen spierpyne 🙂

 

Yster pomp 2

Junie 12, 2008 in Sonder kategorie

Met al die wind, reën en koue moes ek gisteraand die koue bietjie gaan verdryf.

Noodwendig was dit by ‘n plaaslike watergat.

Hier het ek vir Hansie raakgeloop. Hansman was al ‘n rukkie daar, en het gepraat dat die spoeg so spat. Ok , ek ken ou Hansie al ‘n hele paar jaar, en moes ‘n paar jaar tevore by hom hoor dat sy bodybuilding program glad nie werk nie, ten spyte daarvan dat hy oefen dat die rook draai, en verder nog ek weet nie hoeveel eier witte per dag eet nie.

Hy was destyds erg die hel in dat sy spiere nie ontwikkel nie.
 
Ek het vir hom genoem dat hy dit dalk verkeerd aanpak en by iemand wat regtig weet wat aangaan uitvind wat om te doen.

Twee dinge het gebeur. Hansie se spiere het begin ontwikkel en hy het deksels sterk geword.

Hy het ook intussen ophou oefen en dik geraak.

Gisteraand , na ek ook ‘n dop of twee gedrink het, ( Bells en water, niks gaskoeldrank vir enige mix soos brannas en coke of so nie), het ek onderneem om vanoggend vroeg by Hansie op te daag gereed vir oefen in sy home gym.

Ja, en hiermee wens ek te rapporteer dat ek vanoggend vroeg daar opgedaag het ……

word vervolg …

Yster pomp

Junie 12, 2008 in Sonder kategorie

Die optel van swaar gewigte is blykbaar goed vir ‘n mens.

Klaarblyklik was die trend eers dat slegs kardiovaskulêre oefenige die ding doen. Al die jare was ek self onder die indruk hiervan, en eintlik beskou ek kardiovaskulêre fiksheid as die enigste vorm van werklike fiksheid. Hang seker maar af van jou maatstawwe .. wat is fiksheid ?

Om ‘n mooi lyf te hê is een ding en om ‘n bv. half marathon te kan hardloop is ‘n ander ding.
Ek het nog nooit ‘n halfmarathon ooit gehardloop nie.. ook nie volles nie , of enige ander soort van marathon nie. Ek het wel jare der jare gelede aan ‘n paar landlope deelgeneem.

Laat my terug dink aan diensplig dae, in my bungalow was daar ‘n bodybuilder en ook ‘n springbok fietsryer ( baan fiets).

Altwee was redelik useless as dit gekom het by drawwery.

Ek sal wel toegee dat die bodybuilder dude nogal sterk was. Ongelukkig moes ek met hom maatjies wees tydens een vroeg oggend PT sessie , en dit het onder andere behels skaapdra, babadra en sulke soort goed. Ek was daai jare veerlig en hy bliksems swaar. So hy het met my op sy skouers rondgehardloop asof ek nie eers daar was nie, maar ek weer kon die dude skaars optel, nevermind met hom rondhardloop.

In elk geval, as dit kom spesifiek by verslanking dan is die idee dat mens se oefenprogram beslis die optel van swaar gewite moet insluit. Maw jy moet gaan yster pomp.

Maak nie saak of jy man of vrou is nie.

Gewigte moet jy gaan optel.

Die teorie is dat dit gaan oor metabolisme en spiermassa.

Mense met meer spiere en beter ontwikkelde spiere, brand meer kilojoules ( kalorieë) as mense wat minder spiermassa het. Deur met gewigte te oefen verhoog jy jou spiermassa, en dan brand jy deurlopend meer kalorieë.

So far so good. Makes sense.

Terwyl jy natuurlik met kardiovaskulêre oefening besig is, brand jy meer energie .. dis nou kalorieë of dan kilo joules , as iemand wat besig is om met gewigte te oefen… terwyl jy met die oefening besig is.

Maar, so word beweer, dit is wanner die oefening klaar is wat tel.

Kardiovaskulêre oefening verhoog jou metabolisme vir hoogstens ‘n paar uur na die oefensessie…. maar …. na ‘n harde oefensessie met gewigte is jou metabolisme geturbo charge vir maklik 2 dae.

Jou sogenaamde rustende metaboliese tempo bly hoër. Die harde oefening wat jy jou spiere gegee het met die gewigoptellery sou jou spiere so gestres het dat herstelwerk in die spier nodig is, jou ligaam word dan opgefire, en begin jou spiere herstel.. en dit is wat jou metabolisme vinniger maak.

Daar is ouens wat beweer dat kardiovaskulêre oefening in werklikheid jou verslankingspoging ietwat belemmer, dat jy beter af sal wees as jy net wat hulle noem HIRT doen.. dis nou High Intensity Resistance Training … soos byvoorbeeld gewigte optel.

Stem ek saam? Ja, maar nie heeltemal nie.

My gut feel is dat mens geblanseerd moet oefen, en ek hou nogal van kardiovaskulêre oefening.
Tans kan ek net liggies draf, my linker knie raak seer as ek ver draf of skeef trap. 108 kg is baie meer as waarvoor my beentjies ontwerp is.

My oefen program sal dus albei soorte oefeninge insluit:  gewigte en kardio oefeninge. Aanvanklik miskien meer fietsry as draf.

Waar kom ek aan aldie goed hierbo…. wel ek het bietjie op die web begin rondsnuffel.. en ja 3.5 miljoen web blaaie is nogal baie, ek het net 4 verskillende web blaaie bekyk tot dusver, redelik randomly selected.

Ok, dis hoe ver ek gekom het. Die oefenprogram is nog ‘n work in progress.

Information Overload

Junie 11, 2008 in Sonder kategorie

Neem byvoorbeeld die  Rapport Tydskrif.

Die advertensies. Casio adverteer ‘n drawwershorlosie, nogal met ‘n GPS in, hoe ver wil hulle hê moet jy draf dat jy verdwaal ?

Maar dis nog niks, daar is omtrent tien verskillende instansies wat .. wel vibrasie masjiene … vibrators? adverteer.

Jy kan ‘n 100 spoed masjien koop vir so R 8000, (gratis Osoon Bad spa ingesluit) skud jouself reg in net 10 minute per dag en verloor 8 kg in 30 dae !

Wat de hel is ‘n Osoon bad spa ? Wat se ding is ‘n “spa” in elk geval?

Nietemin, dan kom ons by die pille, poeiers en kure.
 
Sukkel jy met allergieë, artiritis,asma, cholesterol,depressie, dermatitis, diabetes, griep en verkoue, hardlywigheid, herpes, hoë bloeddruk, jig, kanker , koors, maagsere ?? … wel wel wel hier is ‘n nuwe wonderkuur!

Snakeoil cures all. Hierdie kom in kapsules. Maar dis nie al nie !  Op ‘n ander bladsy kan jy nie nuutste ” wonderkuur” bestel, ja regtig, hulle draai nie eers doekies om nie  WONDERKUUR ! Dis ‘n soort tee. Bestel vanaf Riversdal, seker hulle geheime en unieke versnit van bossies en alwyne.

Aha, hier is die ware Jakob! ” Gatvol vir vet wees? Hier is die oplossing” BHealthi se Insulienweerstandsdruppels en pille. En aan en aan.

Dan maar liewer die internet.

Google gee 3.5 miljoen webwerwe te make met fiksheid en verslanking. Nogal baie, maar ek sal bietjie rondloer.

Een ding is so duidelik soos daglig daar is geen, maar geen manier wat  ek ENIGE van al hierdie wonderkure gaan koop nie.

Petrus Pap se Oefenkamp verwerp alle bymiddels, pille , kapsules, wonderkure ,”shakes”, aanvullings, boosters, poeiers, tee en slang olies.

Hierdie is after all ‘n oefenkamp !  Oefening neem per definisie die sentrale rol hier.

Ek sal nog kom by kos, dieet en sulke goed.

Tot later.

Petrus Pap se bekendstelling

Junie 10, 2008 in Sonder kategorie

Inderdaad skokkend. Vanoggend klim ek die eerste keer in maande op ‘n skaal, die nommers lees 108 kg. Die swaarste wat ek in my lewe ooit geweeg het.. dit vanoggend!

Ek het eers gedink hulle was my klere verkeerd of iets, sodat dit aanhoudend krimp…. maar nou weet ons. Dit was nooit my klere wat gekrimp het nie, dis ek wat so fokken dik geraak het !

Ja, van jare se te veel eet en drink en kliphard partie vir enige denkbare rede. Die spieel het die ergste bevestig… hier is nie sprake van die eertydse masjien wat ek my verbeel het ek was nie … nee, Petrus Pap het uit die spieël terug gegluur.

Fair enough ! I accept the challenge.

Ja , ek hou van lekker kos en so, en ook baie van vloeistof met woema, veral rooi wyn, en gewoonlik rooiwyn, maar ek is nie heeltemal ongeneë om iets anders te probeer nie. As dit moet, selfs die beroemde Mosambiekse mengeldrankie, die R&R aka die Rooi Renoster oftewel rum en rasberry. Andersins wat ookal beskikbaar is.

Ek wil nie eers dink aan al die gesondheidskomplikasies waarvan mens in allerhande tydskrifte, op die web en allerhande plekke gelees het nie. Hoë chlolestrol , hartaanvalle , suikersiekte, beroerte, knië wat seer raak en wie weet wat nog alles.

Laat vanmiddag het ek ligweg gaan oefen, liggies gedraf, bietjie gestrek en 5 kort sprints gedoen. Natuurlik was die sprints nie baie vinning of ver nie, maar ten minste het dit vir my gevoel soos sprints.
Stadig terug gedraf huis toe, en so paar pushups gedoen. Ok, so ek het begin.

Vanselfsprekend kan mens nie meer so kwaai eet en tekere gaan as jy fiks wil raak en verslank nie.So ek sal solank aan ‘n plan dink. Oefen program en moontlik iets doen aan die etery en drinkery en partytjies en so aan.

My stats vandag  49 jaar oud , 181 cm lank, 108 kg en nou nou met ‘n tape measure gemeet om die middel van my pens 121 cm.

Ok, hierdie program is Petrus Pap se Oefen Kamp, en dis die doel van hierdie blog. Om te sien wat is wat. Ek gaan nou eers uitfigure en planne maak om te sien wat is wat, en sal julle more vertel hoe dit vorentoe gaan werk.

Let the games begin !