Perdebytjie

Wie onthou nog die gediggie?

Vostruisie met jou lange nek

Kan jy hom nog langer rek?

Kan jy hom nog langer maak,

Dat hy aan die dak kan raak?

Volstruise bly maar vir my vreemde goed.Hulle is so oer.Die eienaardige drietoon-pote

lyk soos iets uit die Dinosauriër-tydperk.

Hierdie juffertjie het teen sonlig in,ogies gemaak vir die aandoenlikste mannetjie!

Haar bekkie val skoon oop van verwondering, toe die kalant sy hofmaakriel

voor haar dans!

Wie kan sulke pronkerige passies weerstaan?Kyk daardie lieflike gespierde dye

en die pragtige veredos op sy vlerke en stert!

Die geheimsinnige Strandjut, ook bekend as die Bruinhiëna(Hyaena brunnea),is voorwaar ‘n kalant wat ‘n mens moeilik te siene kry!Vroeër was hierdie skimagtige dier wyd versprei deur Suider-Afrika,maar deesdae word hy net af en toe suid van die Oranjerivier gesien.Hy kom die dikwelste voor in die Kalahari wat strek tot deur Botswana en die Noordelike dele van Namibië.Verder strek sy gebied langs die hele kuslyn van Namibië af,waar sy voedsel meestal dooie robbe en aas is.Hy leef ook van klein werweldiere,insekte en vrugte.Hulle is ook hoofsaaklik naglewend,maar kom wel bedags tevoorskyn. 

Hierdie een se hare het skielik begin rys en hy het met ‘n spoed weggetrek.

Ons het hom toe in die pad gekry waar hy ‘n ander hiëna getakel het.

Die spelery het ‘n hele ruk aangehou en nie na agressie gelyk nie.

Nog steeds aan’t snuif en knibbel.Dalk wou hulle paar.

Knaag,byt en rondwoel..

Besondere diere,wat ‘n mens amper laat dink aan wolwe.

Vanoggend is ek teen my beterwete bank toe..het skoon vergeet dis amper die einde van die maand!Terwyl ek daar sit en wag om ‘n konsultant te sien,ryg die mense in op die verspotte moderne stoele van die “nuwe gerbruikersvriendelike” konsultasie-afdeling in my plaaslike bank.

Party stoele het rugleunings,ander is net sulke poefs wat soos blokkies langs mekaar staan en dan is daar langderm bankies sonder rugleunings.Alles natuurlik in helder kleure,maar o,so onprakties! As jy op ‘n poef sit, sit jy letterlik bo-op die ou langs jou.Op die dermbankies spook die swanger vrou langs my,om asem te kry,want sonder ‘n rugleuning,druk haar magie ongemaklik teen haar kleintongetjie en spook haar platgedrukte longe om vars lug te kry! Een of ander oorywerige ontwerper moet beslis ‘n skop op sy jis kry oor hierdie verspotte sitgoed!

Ek val nou eintlik myself in die rede en wou nie kla oor sulke nietighede nie..net ‘n waarneming gewees!Sommige mense neem mos maar ‘n Kaapse draai met baie vertakkinge voordat hulle by die storie uitkom.

Nietemin, by een van die konsultante sit ‘n vrou seker al ‘n halfuur op die bankfoon met iemand en praat..duidelik besig om haar gestorwe ma se sake te probeer uitsorteer.Ek kon nie die gesprek hoor nie,maar skielik sê sy moedeloos en kliphard:”My mother is dead, can’t you understand?”Sy plak toe sommer ook die foon neer en bars in trane uit.Ek het onmiddelik verstaan,dat dit weer ‘n burokratiese riekmeroul is waardeur die arme dame moes ploeter.Gelukkig was die konsultant baie simpatiek en het self die foon geneem en probeer uitpluis wat aangaan.

Die mooiste van die hele ding was,dat ‘n wildvreemde vrou, vanuit die wagtende skare op die moderne poefbankies,opgestaan het en ‘n handvol tissues in die snikkende vrou se hande geprop en vir haar ‘n drukkie gegee het!

Dankie aan hierdie naamlose samaritaan,jou daad het nie ongesiens verby gegaan nie!

Terwyl ek die middag lekker op ons stoepie sit in Nossobkamp,hoor ek ‘n vreeslike geraas van iets wat skeur.Ek dag eers dis die buurman wat sy vuur al vroegaand aanpak.By nadere ondersoek sien ek die klein kalant wat vir al die lawaai verantwoordelik is.

Hy het buurman se Charcoalsak oopgeskeur en is besig om dit stelselmatig in sy mond te prop.Vir ‘n goeie halfuur hou ek hom dop en sien dat hy elke keer met mondevol papier iewers heen verdwyn. Ek volg hom en sien toe, dis eitlik ‘n haar, want sy verdwyn elke keer in ‘n gat, bly ‘n rukkie weg en kom dan weer uit vir die volgende sarsie papiermaaltyd!Die papier word natuurlik gebruik om die nes uit te voer.Wat ‘n slim dingetjie!

Die gedoente het die hele middag aangehou en buurman se sak kole was naderhand net kole!

Diere is baie aanpasbaar en hierdie grondeekhoring is weereens ‘n bewys daarvan.

Met my onlangse terugkeer van die Kgalagadi,pak ek toe mos my goedjies uit.Ek het so ‘n groterige toiletware tassie en toe ek nou die laaste ding uitlig,sluk ek amper my krone in van skrik.Hierdie kalant het omtrent duisend kilometer saam met my gereis.Ek was vinnig by met die kamera en met ‘n amper pap battery,kon ek darem sy grieselrige lyfie vaslê op my laaste foto.Terwyl ek vinnig batterye omruil,verdwyn ta soos ‘n groot speld!Hy is iewers in my kamer!

Gelukkig is dit nie ‘n gevaarlike spinnekop nie en is spinnekoppe my gunsteling inwoners in ons huis.(Ek vertel dit net nie vir almal nie,anders sal ek nooit kuiergaste kry nie!)Dis ‘n muurkrapspinnekop,ook bekend as ‘n “flattie”,omdat hy so plat teen die mure sit.

Iets meer oor my reisgenoot:

Latynse naam:Anypops,Selenops

Leefwyse:vry bewegend en grondlewend.

Habitat:beboude gebiede,op en onder boombas,op rotse en in skeure.

Grootte:Groot tot baie groot.15 tot 30mm.

Gif:Skadeloos.

Ons mede aardbewoners voer ‘n stryd om bestaan en ek wonder of mense aldag bewus is van ons selfsugtigheid,wat uiteindelik ons mede bewoners en ons eie toekoms gaan vernietig.Gelukkig is daar nog plekke op Moederaarde se uitgemergelde lyf,waar hierdie spesies “ongehinderd” kan voortbestaan.

Dit bly egter ‘n stryd om oorlewing,want elkeen is deel van die voedselketting en moet heeltyd waak teen bekruipende vyande.Hierdie stryd word só opsigtelik,wanneer ‘n mens in die Kgalagadi is en die naaktheid van die natuur met al sy wreedheid,helder kan ervaar!

Merie Meerkat staan al vroegdag op sy miershoop op die uitkyk vir roofdiere en 

ander smulpape.

Gevaar uit die lug is natuurlik ook moontlik en knapie is voltyds paraat!

Grondjie Grondeekhoring,met sy skerp kloutjies,moet ook gedurig wonder oor

nare reptiele en geveerde gevare van bo!

Valie Vaalboskat lek sy lippe af vir ‘n eekhoring- en reptielhappie,maar moet ook

sy agterhoede dek teen die gevaarlike groter katspesies.Sy bestaan word bedreig

deur verbastering met die gewone huiskat en op baie plekke in Suid-Afrika,is

suiwer vaalboskatte iets van die verlede.

Met so ‘n besoek aan die natuur,word mens weer bewus van jou eie nietigheid!

Wanneer ‘n mens kleiner begin kyk rondom jou, is daar ‘n wonderwêreld wat oopgaan.Ongelukkig is ons so ingestel op groot sigbaarhede,dat ons meestal die juweeltjies om ons miskyk.

Ek deel graag hierdie skatjies met julle.

‘n Streepmuisie loer versigtig na water in die bakkie.

Sy dors kry die oorhand en hy druk sy snoetjie in die water.

Twee streepmuisies en hul versamelvoëltjie-drinkebroers.

Dors is ‘n lelike ding,maar in die woestyn is daar vir almal plek,wanneer ‘n ou

afgesnyde bottel ingespan word om die dors te les.Die sterte koek en krul om mekaar!

Muisie,muisie,wat loer uit jou huisie!

Ek is terug,na ‘n wonderlike tyd in die Kgalagadi.Dis ‘n plek waar ‘n mens jou siel weer kan vind!