Mymerend op dese Vrydagagtermiddag

November 8, 2013 in Uncategorized

Ek vind dit die afgelope tyd moeilik om ‘n onderwerp te kry om oor te skryf. As ek teruglees op my inskrywings sien ek dat dit die afgelope jaar veel te doen gehad het met my aftrede en ons verhuising na Hermanus en die nuwe lewe hier. Maar dis nou verby en daar moet seker iets anders wees waaroor ek kan skryf. Maar soek en dink en kopkrap soos ek wil, ek kry niks. Nada, ziggolo, fokkol. Toe dink ek die “fokkol”, is darem maar ‘n lekker woord (dis nou vir my), en nie soseer “fokkol” nie as “fok”.  Dis nou ‘n woord wat my bemoerde gemoed kan ontlaai soos wat ‘n weerligafleier ‘n bliksemskig onskadelik stel. Maar dan moet mens hom mening sê, en bedoel, anders is hy nie meer verbale noodhulp vir moerigheid nie maar net nog ‘n skollie swetswoord. Kyk,as mens hom nou sê, so in slow motion, dan byt jy eers met die voortande op die onderlip as jy die frikatief “f” vorm. Dink nou aan byt, tande en frikatief (friksie, friction) en daar het jy drie kagtige elemente van aggressie. Nou vorm die lippe “o”, en as jy jouselwers sou betrag in die spieël as die lippe so gerond is, lyk dit asof daar na die aanvanklike aggressie nou ‘n oomblik van besinning is, so asof jy nadink of jy die woordbom werklik wil gooi, want as hy gegooi is, is hy gegooi, die koeël is deur die kerk. Dan: triomfantelik en gee nie ‘n duiwel om nie, die klapknal van die slot “k”. Kyk nou net die agressie element wat na vore kom: klap, soos in oorveeg, taai klap, skote wat klap, en knal, weer eens skote wat knal, en slot, die einde, tot hiertoe en nie verder nie. Pure vuur, die klein woordjie, moet hom nie op sy verslete baadjie takseer nie!

 

 

25 antwoorde op Mymerend op dese Vrydagagtermiddag

  1. ag nee @#%! – it man ,Lewies , nou gaan die term in my kop teem soos die tune van ‘n stupid popsong die hele @#%!-en dag . En op dese Vrydag-agtermiddag is ek nie eers kwaad of beswaard nie !

  2. tina10 het gesê op November 8, 2013

    hehehehe… hier gee jy nuwe betekenis aan blog!

  3. vuurklip het gesê op November 8, 2013

    Jy was ‘n fokken lang tyd weg gewees – het jou en vroukie se dinge gemis. Dis lekker by die see, nè?

  4. Dirkie het gesê op November 8, 2013

    knap knapgedaan !

  5. Dankie, nadat ek die woord so stilletjies hier agter die skerm gevorm het soos jy beduie het voel ek sommer minder moerig!

    Hoop jou naweek is lekker!

  6. Lewies jy f die spyker op sy kop!

  7. Elly het gesê op November 9, 2013

    haha!! Puik gestel!

  8. Lekker woord so nou en dan. Gebruik jy hom elke tweede woord, verloor hy sy effektiwiteit! 😉

  9. Kragwoord soos min

    Hallo Lewies

  10. lora2me het gesê op November 11, 2013

    So, ‘n kort, kragdadige woordjie. Dis soms beter as ‘n bokskryt.

  11. Ek hoop jy het fokkol oorgekom met die vloede…..

Laat 'n Antwoord

Jou e-posadres sal nie gepubliseer word nie. Vereiste velde word aangedui as *.