Seun se Kersfees (Moenie lees as die gebruik van die manlike p-woord jou ontstel nie, maar daarsonder was die storie nie ‘n storie nie)

Desember 29, 2012 in Uncategorized

Seun is een van die engele wat op my voorstoep nesgeskop het.  So met Kersfees om die draai voel ek ‘n Bybelse welwillendheid om iets vir hom en sy gesin te doen wat die dag vir hom spesiaal sal maak. Dit sal nie veel kos nie, want sy lewe is uitsigloos, ‘n daaglikse geraap en geskraap om te oorleef.

“Seun”

“Ja Oubaas?”

“Hoeveel kinders het jy?”

“Twee, Oubaas”

“Seuns of dogters?”

“Seuntjies, Oubaas”

“Hoe oud is hulle?”

“Die een hy loop skool hierie jaar, die ander een next year” Hy beduie met sy hand asof hy water skep soos ‘n loteling van die Gideonsbende wat nie keuring geslaag het nie.

“Ok, Seun, ek sal vir hulle klere koop vir Krismis”

“Oubaas, dankie Oubaas!”

Toe maak ek so. Nogal verbaas oor die oulike kleinseuntjieklere by Pep en die billike pryse. Vroukie help soek, 5 tot 6 jaar en 6 tot 7 jaar. Vir elkeen ‘n bal en ‘n groot pak swiets.

Die Saterdag voor Kersfees is Seun baie ingenome en in sy skik met die uwe se pogings.

“Oubaas, dankie Oubaas! ” totdat ek verleë begin voel.

Dis nou ‘n hele pakkaas goed wat hy moet huis toe karwei en ek besluit om hom met die kar te vat. Terwyl ons deur die township se stowwerige dongas ry bekla Seun sy lot as ek en Vroukie die pad gevat het Hermanus toe. Wie gaan hom help met skoolklere vir die dogtertjie wat next year skool toe gaan?

“Van watter dogtertjie praat jy nou Seun? Jy het dan vir my gesë jy het twee seuntjies?. ”

“Oubaas, ek hoor die witmense sê  “seun en dogter” as hulle twee kinders het, die oudste een is “seun” en die kleintjie is “dogter”

Op hierdie stadium is heeltemal gediskonfokuleer. Ek het so pas ‘n lot geld spandeer op Krismisklere vir seuntjies, nou is daar ‘n dogtertjie watr niks gaan kry nie. Verstaan ek reg?

“So wat is dit nou?”

“Is die seuntjies Oubaas”

Nou verstaan ek glad nie.

“Seun, het hulle die polo of nie?’

“Die polo Oubaas?”

“Ja man, die polo, die piel. Het hulle die piel of nie?”

“Oubaas, die oudste een sy het die piel, die kleintjie hy het nie die piel nie.”

“So die een is ‘n seuntjie en die ander ‘n dogtertjie?”

“Eêêêh, Oubaas, ek sê mos so!”

Eish,

 

6 antwoorde op Seun se Kersfees (Moenie lees as die gebruik van die manlike p-woord jou ontstel nie, maar daarsonder was die storie nie ‘n storie nie)

  1. tina10 het gesê op Desember 29, 2012

    Toemaar daai klere sal net so goed pas.

  2. Wonder nou so in my binneste of Pep klere omruil, en of tyd nog vir 24 uur kan gaan stilstaan. 😉

  3. 😀 Eish, ja!
    Jy’s ‘n goeie mens, Lewies.

  4. murphy het gesê op Desember 30, 2012

    Eish. As die misverstande met die klein goedjies so groot is, wil ek nie weet op watter skaaal die groot goed misverstaan word nie.

  5. Kostelike storie!Jy moet maar vir hom ook nou kleertjies gaan koop,anders gaan hy baie sleg voel.

Los ’n antwoord vir tina10. Kanselleer antwoord

Jou e-posadres sal nie gepubliseer word nie. Vereiste velde word aangedui as *.