Nineteen seventy three, it was a very good year

April 20, 2010 in Sonder kategorie

More is ek en Vroukie sewe en dertig jaar in die heilige verbind, eat your heart out Angus Buchan! Ja nee, sewe en dertig jaar gelede lyk ek soos one Greek god, nou lyk ek soos  one goddamn Greek. Ai, maar Vroukie is nog dieselfde chick wat my doerie jare laat swymel het soos ‘n werfhoender in die somerson.  Ek onthou daai herfsdag van April, die straatbome se blare wat lui en loom afdwarrel grond toe, die wasigheid in die lug asof die blou tanend swig voor die kilte wat ongemerk toeneem. Die Vrystaat het daai dag met 26-13 oor Noord-Transvaal geseevier, Joggie Jansen en Pikkie du Toit was…. ok, ja, Vroukie was pragtig in haar reinwit trourok wat haar ma met soveel liefde gemaak het. (Sy het ook die going away outfit gemaak, ‘n broekpak met ‘n baadjie met sulke baie knope, die knoopsgate moedswillig te klein, het ek later gedink toe ek oorweeg om ‘n spanner in te span om daai baadjie oop te knoop!).

 

Toe die dawerende triomfantelike gejubel van Mendelsohn se Troumars losbars en die gaste soos een man uit hul sitplekke ruis ( nie rys nie) het hoendervel van kop tot toon oor my getrek. Ek het net vir haar gesien. Ek het gevoel of ek sweef toe ek haar tegemoet stap. Ek het nie eens die verslae hartseer in haar pa se oe gesien nie, eers later op ‘n troufoto gemerk hoe bekommernis oor sy gelaat huiwer.

 

Van die predikant se boodskap onthou ek vandag niks nie. Was seker maar die welbekende gedeelte uit Efesiers waar Paulus die vrou tot ewige slavin van die man verdoem. Vroukie onthou dit ook nie. Daarna die onthaal, die lekker kuier met ons vriende en familie, baie van wie ons lank gelede gesien het en daarna ook nie weer nie, Ant Koek se Hoenderhaan, pragtige blomme, uithalerkos, Skoonpa wat ‘n kas bier vir die jong manne aandra, die geskenke oopmaak (stainless steel bakke, panne, skottels, potte en bekers was baie gewild daai jare). Die volgende dag Margate toe in ons rooi Fiat vir ‘n week in Oom Wynand en Antie Liz se vakansiehuis, hul trougeskenk aan ons. En wat natuurlik daarop gevolg het!

 

Die hoendervleis gevoel is nie meer daar nie, maar as ek Vroukie so skelm bekyk, is daar so ‘n rustige tevredenheid wat oor my kom, ‘n gevoel van verwondering dat daar in die grote skeppingsplan ‘n roete so fyn uitgewerk is dat ons twee se paadjies moes kruis, dat ons paadjies ‘n snelweg na geluk geword het, sonder afdraaie en ompaaie. Enkele slaggatewel, maar niks wat die rit teegehou het nie.

 

Dankie my lewensmater, my jou aan my sy is daar vreugde langs die steiltes!

 

 

36 antwoorde op Nineteen seventy three, it was a very good year

  1. loudavisi het gesê op April 20, 2010

    Sjoe, Lewies!
    Kry ek ook nou hoener.
    Wens my Hartman kon ook skryf en sukke goeters se.

  2. Ou-Top het gesê op April 20, 2010

    Dit was nou lekker om te lees. ” Something of Value”.

  3. jr_hewing het gesê op April 20, 2010

    dit was nou baie baie mooi.

  4. Veels geluk. Ek is lief vir liefde.

  5. pasella het gesê op April 20, 2010

    Dan bevind ek en Vroukie ons in goeie geselskap.

  6. pasella het gesê op April 20, 2010

    Hi Lou! Mense se maar dieselle ding op ander maniere.

  7. pasella het gesê op April 20, 2010

    Dit was darem nie die rede hoekom ons getrou het nie! Nege maande later was ons nog kroosloos!

  8. pasella het gesê op April 20, 2010

    Dankie Therina!

  9. pasella het gesê op April 20, 2010

    Dankie Modderkoekie, way to go vir die Moddermense ne!

  10. pasella het gesê op April 20, 2010

    dankie Ou Top!

  11. pasella het gesê op April 20, 2010

    Geinspireerde woorde, Verskriklik.

  12. pasella het gesê op April 20, 2010

    hallo Barbara, ‘n goeie filosofie! Welkom hierso!

  13. pasella het gesê op April 20, 2010

    Dankie Maankind. Nou waffer snaar het ek geraak?

  14. Ai, dit is so pragtig! Julle is geseënd!! Baie, baie geluk.

  15. bloukaap het gesê op April 20, 2010

    geluk Lewies!!!………. het geen vokkin idee hoe miesies Lewies uithou nie, maar nou ja, jy het seker die die vrystaat score aan jou kant gehad …hehehehehe

  16. HeavyHenry het gesê op April 21, 2010

    Dis nice! Veels geluk aan julle!

  17. Het julle al saam brieke gebloei?

  18. Lewies jy laat my skoon jaloers ‘n mens kan uit jou skrywe sien dat julle mekaar innig lief het. Baie geluk!

  19. pasella het gesê op April 21, 2010

    dankie Maryke. Geseend, inderdaad.

  20. pasella het gesê op April 21, 2010

    miesies Lewies gee nie vokkin moed op nie, Pruim, dis haar geheim!

  21. pasella het gesê op April 21, 2010

    Thanks Murphy, dis die water van daai rivier se invloed!

  22. pasella het gesê op April 21, 2010

    Dankie Ekke!

  23. pasella het gesê op April 21, 2010

    Dankie Henry!

  24. pasella het gesê op April 21, 2010

    Ek wil nie my luck so ver traai nie Pape!

  25. pasella het gesê op April 21, 2010

    Thanks Tweeling, ja, ons twee dig mekaar nog stukkend na al die jare!

  26. bloukaap het gesê op April 21, 2010

    lewies, moed en geduld, ek is seker sy het baie (ek like so die woord ‘baie’, dis mos in die Afrikaanse mooiheid van ons uit die malay ingebring as ek reg onthou), maar as ek dit nou sou stel soos daa innie Kaap waa ek opgegroei het, djy moetdjou vokkin sterre dank vrind

  27. Berwick het gesê op April 21, 2010

    Baie geluk!

  28. pasella het gesê op April 21, 2010

    Dankie Berwick!

  29. So tong moet heuning kry…Ek lees hierdie en ek kan sien jy is diep gelukkig… En ek kry seer toe jy my met die stukkie rugby sweep bykom … jy moes dit eenvoudig inlas … hoeveel jaar was dit terug ? hehehe … Wanneer jy die lees is jy seker besig om vonkelwyn te geniet … Veels geluk en se vir mevrou ook ek en Erika stuur ons gelukwense …

  30. pasella het gesê op April 23, 2010

    Dankie Ludwig! Lekker naweek!

  31. MarianaF het gesê op April 24, 2010

    Ai Lewies, julle moet dankbaar wees vir die geluk! Dis nie vir almal beskore nie

  32. pasella het gesê op Mei 1, 2010

    Ek is voorwaar dankbaar, Mariana!

  33. pasella het gesê op Mei 1, 2010

    Dankie Annemari! (Vir beide gelukwense en gedagtes!)

  34. pasella het gesê op Mei 1, 2010

    Ai, die lewe le nog voor jou!

  35. shlwanjan het gesê op Mei 2, 2010

    Ag baie, baie,baie geluk. Sewe en Dertig. BAIE indrukwekkend!

  36. pasella het gesê op Mei 2, 2010

    Dankie Clari! Jy is selwers mooi op pad!!

Los ’n antwoord vir bloukaap. Kanselleer antwoord

Jou e-posadres sal nie gepubliseer word nie. Vereiste velde word aangedui as *.