Abel leer die triek van die lektriek

April 2, 2010 in Sonder kategorie

‘n Tydjie gelede kuier Skoonpa vir ‘n paar dae hier by ons om Vroukie se verjaarsdag saam met ons te vier. Ten spyte van die somers agter sy rug, agt en tagtig van hulle, is hy nie iemand vir stilsit nie. Ek gee hom dus ‘n ekstensietol waarvan die konneksies binne in die plug los is en vra hom om dit reg te maak. Dis nou juis Dinsdag, die dag wat Abel die tuinman die tuin kom diens. Abel is egter iemand wat meer weet as wat mens hom sou toereken, of so glo hy, altans. As ek in die garage doenig is, staan Abel nader met raad en daad, meer van eersgenoemde as laasgenoemde. Soms trek hy my nerwe dun, maar ter wille van  ubuntu, simunye,  Vukuzenzele en *ke ?kerre !Ka hou ek my in. Toe Skoonpa nou so vooroorgeboë sit en met eindelose geduld die skroefies een vir een uitdraai en versigtig in die omgekeerde Toyota rubbermatjie se holtes bêre, swiep Abel soos ‘n arend op hom af.

 

 

Hier is die twee doenig. Steelfoto van Vroukie. (Ons het stout binnepret: hulle altwee het net sig in een oog, Abel kry ons so, Skoonpa se gesgisverlies is te wyte aan gloukoom, die een eenoog leer die ander een!)

 

Skoonpa se geduldsdrempel is baie hoog, êrens in die stratosfeer, en hy beduie vir Abel hoe om die plug te bedraad. Die groen draad is soos ‘n groen boom, hy is hoog en gaan by die verste gaatjie. Die rooi draad is die kragdraad, hy is sterk en gaan by die gaatjie van jou sterk hand. Die draad wat oorbly gaan in die gaatjie wat oorbly. Maklik. Abel knik instemmend. Maklik.

 

Toe Abel weer kom werk, vra ek hom uit oor sy saamwerkery aan die regmaakaksie. Die oubaas het hom mooi geleer, sê hy, en vertel my die bedradingspatroon.

 

“Dis nou maklik om te onthou, Abel. Watter een is jou sterk hand?”

 

Abel se oog verfloers. ‘n Peisende frons trek sooie oor sy voorkop. Hy loer na die regterhand, dan na die linkerhand. Dan daag begrip verhelderend oor sy gelaat, soos die sonsopkoms oor die Langeberge. Het daghet overal.

 

 

“Hier is my sterk hand” sê hy vas en seker en hou sy linkerhand uit.

 

O fok.

 

12 antwoorde op Abel leer die triek van die lektriek

  1. vuurklip het gesê op April 2, 2010

    O! Fok.

    Net so.

    Laat my dink aan oorle skoonpa wat ‘n hele oggend gesit het om ‘n nuwe plug aan die hieter te sit.

    ‘n Hele oggend.

    Hulp wil hy nie hê nie.

    Nee.

  2. Lekker een … hehehe

  3. O fok…

  4. pasella het gesê op April 2, 2010

    hardkoppig so in die laat jare!

  5. pasella het gesê op April 2, 2010

    Hallo Ludwig!

  6. pasella het gesê op April 2, 2010

    Net so Bitterbekkie! Vol afwagting!

  7. pasella het gesê op April 2, 2010

    Laas, voor sy “opleiding” slaag hy daarin om ‘n muurplug te laat uitbrand–ou Abel is gevaar op twee bene!

  8. 🙂 !!

  9. pasella het gesê op April 3, 2010

    More Thomas, ‘n lekker dag vir jou en jou mense!

  10. MarianaF het gesê op April 3, 2010

    Ten minste het ek iets geleer…

  11. pasella het gesê op April 3, 2010

    Hallo Mariana, nou moet jy net besluit watter is die sterk hand!

    Is jy nog gasvrou vir die Pukkiebrigade?

  12. MarianaF het gesê op April 4, 2010

    Hi Lewies. Net dogtertjie end 1 maatjie is nou oor. Dankie tog!

Laat 'n Antwoord

Jou e-posadres sal nie gepubliseer word nie. Vereiste velde word aangedui as *.