Pronknografie

Omdat daar so baie skurkagtige aktiwiteite saans in my tuin is, het ek ook nou ‘n roepradiotjie gekry wat gekoppel is aan ons plaaslike gemeenskapspolisieringsforum. Dis seker ‘n totale illusie, maar die idee dat ek net op die radio kan spring as daar probleme is, laat my bietjie veiliger voel

 

Toe le ek nou gisteraand knus in my bed met my boek en luister oor die radiotjie hoe die buurtwag ‘n kroek hier agter my teen die berg probeer vastrek.

 

Dis net “Charlie Alpha” voor en “Roger Foxtrot” agter en die eter is sommer so dik en krakerig van al die testosteroon. Ag en al die radioterme is tog so sexy, dink julle nie? … en as so ‘n groep manne so uitasem met mekaar kommunikeer dan raak ek skoon opgewonde! Dis enige tyd beter as enige iets wat die esybiesie kan opdis, dit verseker ek julle!

 

Toe iemand egter se: “Tango Alpha, ons is nou besig om van agter te penetreer”, toe val ek uit die bed uit!

‘n Vriendin van my wat tans in Oaxaca in Mexico bly, is besig met ‘n interessante projek. Sy wil weer begin om cochineal-rooi van goggas te vervaardig vir die kleur van materiaal.

Cochineal is ‘n parasiet-plantluis wat leef op kaktusse in Suid Amerika. Van julle sal dalk onthou dat Suid Afrika die goggas ook op ‘n stadium ingevoer het om indringerkaktusspesies hier by ons te kom beheer.

Hier kan julle meer lees oor die interessante goggas en hulle gebruik in voedselkleursel en ander kleurstowwe.

“n Ander skakering van rooi wat my oog gevang het, is Caput mortuum – rooi. Dit beteken letterlik “Dooie kop”  en het ‘n vreeslike interessante geskiedenis wat julle hier kan lees.

Caput mortuum word natuurlik vandag sinteties vervaardig en val onder die violet spektrum. Dis nie ‘n vreeslike opwindende kleur nie – so ‘n maroenerige rooi – en dit dooi die oomblik as mens dit op papier aanwend, maar die feit dat dit oorspronklik van opgemaalde egiptiese mummies vervaardig is, spreek tot my fyn ontwikkelde sin vir die makabere.

Gelukkig het kunstenaars in die 19e eeu al opgehou om dit te gebruik toe hulle besef het waarvan dit gemaak word…wat mens wys dat kunstenaars darem ook ‘n gewete het, ne?

Fok, ons klomp Gautengers is vervelig met ons nuwe speelding, ne? Maar mens kan nou nie gaan ry en nie ietsie daaroor skryf nie.

Halftien gister glip ek by Hatfieldstasie se Parkade in. Die ruimtes is ontsettend goed ontwerp, voel dit my. als vloei, als beweeg…dis asof ek in Europa is. Ek loop deur die voetganger deurgang en kom te lande in die voorportaal van die stasie waar ek ‘n gold card koop. Vir R140 kan ek nou lekker gaan rondrits.

Nou af met die trappe en op die perron. Daar staan hy, glimmend en sexy. Die deur spin soos ‘n kietsie en gly oop. Eks diep onder die indruk van die oomblik en voel effe lighoofdig. Dan whoosh ons by die stasie uit, in die sonlig in.

Die spoorlyn strek met ‘n swiepende boog deur Arcadia. Bome met skugter nuwe blaredosse skitter in die sonlig. Die Uniegeboue le knus teen sy koppie en Pretoria se onverwagse skoonheid slaan skielik my asem weg en gee my so ‘n bewerige Sue-Ellen onderlippie.

By Centurion-stasie klim ek af om vir Anha te ontmoet. Ek kyk rond op die perron en daar sien ek haar aankom. Sy wuif vir my. Sy lyk elegant, van kop tot tone in skakerings van swart.

Ons klim in die volgende trein en ry gesels-gesels deur na Rosebank. Daar klim ons af. Die stasie front uit op die Zone in Rosebank met al sy chi-chi klein boetiekies en winkels vol verleidelike ware.

Ons 2tjies verlustig ons in als wat mooi is en doen allerhande girly stuff soos om peperduur skoene aan te pas en te gesels oor ons ervarings op dating sites. Anha koop uiteindelik ‘n paar gladiator sandals. Haar voete lyk pikant daarin. Ek settle vir  nog ‘n string helder pienk krale en ‘n oulike armbandjie. Toe is ons moeg en honger en gaan eet broodjies en smoothies by Kauai.

Daarna snuffel ons nog bietjie rond en vat toe weer die treintjie terug na pretoria (die Briels se song maal in my kop). By Centurion groet ek Anha en pak pak die res van die terugtog alleen aan, tevrede en vol welbehae.

Ons het besluit dat ons dit nou gereeld gaan doen. So, as enige bloggers ons op shopping expeditions Jhb toe wil join, laat weet gerus. Dis ‘n heerlike oggend se kuier.

…dan dink ek ekke moet Ghaap se sexblog oorneem!

Orraait!

Blog julle Boobies!!!!!

🙂

Dis ‘n paar pragkerels die hoor!!! Dis Jeanne wat bok Friday ondersteun hier

Loooove die magenta! (kyk die pikante ou strikketjie!)

netnou besluit ek toe om hierdie dating site se chatfassiliteit uit te probeer. ek maak dit oop en sien daar is net een mens beskikbaar. Gmffg, is sy profiel naam.

“Waarvoor staan Gmffr?” wil ek dapper weet. Nee, hy is effe huiwerig om my te se, hy sal later, dalk. Nietemin inisieer hy toe baie vriendelik ‘n geselsie net om presies 3 minute in die gesprek vir my te vra: “So hoe is jou sexlewe?”

Vandaar af is dit toe nou net afdraande, want toe ek nou bietjie vasskop en se, nee whoa, toe beskuldig hy my daarvan dat ek nou maar soos afrikanervroue in die algemeen, preuts en terughoudend is – maar onthou nou, dis nou ‘n man wat nie sy volledige naam eers aan my wil openbaar nie en wat nou onmiddelik ‘n sexgesprek wil inisieer en wil weet of ek masturbasie geniet!!!!

Nou krap die ding al vir ‘n hele ruk aan my gat en ek kan nie mooi uitpluis hoekom nie. miskien kan julle help.

Kyk, ek weet mans is geneties geprogrammeer om so vinnig as moontlik te wil naai. En ons volg nou al vir ‘n paar jaar Neander se blog waarin hy vir ons die hele paleopsigologiese dynamic tussen mans en vroue oopgeskryf het, maar jirdir!!! Gee my bietjie spasie hier, sjoe!

En dan, as mens vasskop kom hulle met die argument van: Ja, julle vroue is almal preuts en terughoudend en wil nie fun he nie, al is julle grootbek oor hoe open minded julle is oor sex.

En toe gaan staan en cover ek my gat, want niemand wil tog daarvan beskuldig word dat hulle preuts is nie, maar toe voel ek kak daaroor ook, Toe voel dit vir my ek het iets in myself verraai.

So, nou wil ek by julle weet

1) Wat presies is casual sex?

2) Wat presies beteken dit om open minded te wees oor sex?

3) kan sex te vroeg geinisieer word?

4) wanneer is te vroeg te vroeg?

5) Is daar iewers fout met my boundaries?

Wat ek weet van Gmffr, is dat my Doosdetector sopas aangegaan het….

(ek wil nou net se hierdie is nie ‘n male-bashing post nie, hoor. ek sal graag van die mans ook wil hoor in die verband)

Sien? Geen rubber in sig.

Die dekontekstualisering van die issue….