Pronknografie

Nou kan jy hierdie prettige poppies in die gerief van jou eie huis skep!

En met handige, huishoudelike items, soos kopspelde, is daar natuurlik heelwat verskillende applikasies. Soos bv, die 2 wat ek hierbo demonstreer…

Ek is mal oor sukkulente en het self ‘n groterige versameling. Sommiges het ek diep in die karoo gaan haal, maar meestal wag ek vir daardie tyd van die jaar as die Witwatersrand se Botaniese tuin (hoe heet hulle nou?) hulle jaarlikse plant sale aanhet.

Die Karoo en dorre weskusstreke het wonderlike, magiese plantjies, met die Lithops heel bo aan my lys, maar onse ou Gauteng spog self met ‘n paar flashy spesies. Soos die ene wat hier in my tuin baljaar – die Stapelia, of aasblom. Hierdie is die stapelia Gigantea, die ouboet van die meer as 40 verskillende soorte stapelias wat hier by ons voorkom.

Dis seker loshande my gunsteling blom. Jy kan hom nou wel nie in ‘n pot sit nie, maar die plant maak trosse knoppe en blom lank, en solank hy blom, geniet ek hom. Dis weird, dis wollerig en dit ruik asof ‘n akkedis daar ingekruip het en stadig en tragies gesterf het…. vieslik! Vandaar die naam “aasblom”, want hy ruik vrot, sien. En omdat hy so ruik, trek hy brommers aan en word hy deur hulle bevrug. Funky!

En ek kan eenvoudig nie ophou om aan hom te ruik nie. Dis die tipe blom wat spreek tot my fyn ontwikkelde sin vir die makabere.

Ek het so ‘n ding oor apies. Ek kry net nooit die ultimate enetjie geteken nie. Maar ek is tevrede met die ene. Blou apies is eintlik my gunsteling.

ons het eenkeer by Zinkwazi aan die natalse kus gaan vakansie hou. In so ‘n ou vissermans huisie…’n shack eintlik. Voor die agterdeur was ‘n reuse ou rubberboom. Die bome daar is eenvoudig verruklik. Selfs die uitheemses. Hulle word almal so deur die elemente gebonzai. Hulle is so karaktervol skeef en krom. En in die boom was ‘n trop blou apies. hulle was nogals wild en gladnie lastig nie. Daar was ook sulke enorme rooi duisendpote in die boom…en onder die boom het wenteltefies hulleself sulke bolletjies gemaak in die seesand. (Wenteltefie is ons woord vir hulle, ek dink normale mense noem hulle millepedes of so iets) Ek het die hele vakansie onder daardie boom spandeer. Op ‘n kombers met my 2 jaar oud dogter en my 6 maande oud seun wat op sy rug gele het en gekyk het hoe die son deur die groot groen blare speel. Dit was ons katerdraal, daardie. Bome is soos katedrale, dink ek.

Die titel is: Death and the maiden. Die enigste ding wat mens kan sien van die ‘maiden” is haar skoene… Ja, ek is nog steeds aan die gang oor die dod. Soos julle weet, is dit, saam met seks die 2 grootste temas in die mensdom se geskiedenis.

Ag, en please note die pienk ufo wat daar agter opstyg!

Ek het Vrydag so ‘n half uitsonderlike belewenis gehad. Vroegoggend, oppad werk toe. Dis elke oggend se ding…ons sit almal vas in Zambezirylaan, daar by die Zambezi Mall en wag om regs te draai, in die Molotto-pad in. Partykeer dam die verkeer tot so ‘n halfkilometer ver op en mens moet maar geduldig wees. Ek geniet daardie tydjie eintlik baie, want dis een van die dele van Pretoria waar voorstedelike uitbreiding en die wildernis mekaar nog met groot simpatie omhels. Links van my is ‘n lusernland, heerlik groen, so met wilde afrika grasse op die sypaadjie. Ek raak altyd heerlik verdiep as die grasse so lui rondwaai in die wind…allerhande verskillende soorte. voorlangs, is daar die met so ‘n klein, blinkswart pluimpie. En agterlangs die hogere soorte wat so met die draai van die seisoen na die lieflikste pienk verkleur. Dan, as ekstra bonus vir die retina, is daar ook die tyd van die jaar die wilde opslag Jacob-regops. Mal-oranje! En saam met hulle die moring glory met sy middernagblou blomme.

So sit ek toe vrydag met hierdie meesleurende herfs display om my, toe ‘n blouvalkie skielik neerswiep en hier reg langs my, op die middelmannetjie vir ‘hom ‘n vet rot vang. Hy tik die aarde net so liggies en toe klap hy weer sy vlerke om hoogte te kry, die rot wriemelend in sy heldergeel kloutjies. Ongelukkig swiep hy voor die aankomende verkeer in en ‘n Jeep kom reg op hom afgepeil! Ek bid hom behoorlik bokant die Jeep uit en die mis hom gelukkig met ‘n haarbreedte. Toe maak hy ‘n swierige draai bo-oor my kar en verdwyn iewers in die lusernland om sy brekfis te gaan nuttig.

Die res van die oggend was als net soveel helderder en mooier, selfs die manier hoe die son van die karwrakke by die scrapyard in silverton af reflekteer, het my hart laat sing.

Dis verblydend ook vir my om te sien hoe wildlewe by ‘n veranderende omgewing  kan aanpas!

Ek sit toe nog lank en peins oor die feit dat hierdie miniskule klein drama, met tragiese gevolge vir die rot, my weer op so ‘n diep vlak met die lewe kan laat connect. En terug by die huis het ek vergeefs probeer om Blouvalk-blou met my verf te meng.  Vir iemand met so ‘n kitsch siel soos ek is dit eenvoudig net te subtiel. julle sal moet settle vir so ‘n “lectric blue disco valk ongedierte…

(of miskien moet ek eerder gaan vir Speursersant se “bonker” blou)

Jissus, dit was nou ‘n woeste 2 weke, hoor! Met my jongste se longontsteking het ek net nie grond gevat nie, en baie min geslaap. Ek verander in ‘n monster as ek nie slaap nie, ‘n totale zombie. so die naweek het pappa toe na die kleintjies gekyk…en ek het al my hare gaan aftjop en super nordic blond gekleur…nou voel ek soos ‘n splinternuwe sikspens!

Daarna het ek superwarm seks gehad met ‘n totale vreemdeling in menlyn mall se parkeerterrein….

Ha!

(en weet julle wat? ‘n kar se ruite wasem rerig toe…ek het gedog dis net in die movies, maar dit gebeur rerig…)

ek het min om te se. Ek herstel nog van ‘n kind met longontsteking…phew!

Ag vrek!

Eks so stjoepit met die goete

Orraait:

1. Hy het luiperdvel sexy gemaak

2. hy hoef nooit traffic jams te negotiate nie

3. Sy troeteldier is enorm en kom aangehol as hy “unk tantor” skree

4. Hy praat vlot Gorrilla

sjoe!

…soos vanaand. My jongste het ‘n maagvirus. Ek het vir 24 uur nie geslaap nie en is nog wawyd wakker.

Wat issit met maagvirusse wat maak dat kinders die tyd van die aand van die mure afbounce? Is dit omdat hy heeldag vasgekluister was aan die bed?…nounou het ons weet ‘n spuitvliegtuig situasie! Ai!

Ek wonder of dit wys is om hom ‘n groot bak groen jellie te gevoer het voor slaaptyd? As hy vannag oepsie gaan dit definitief horriebabelik met die gordyne clash…miskien moes ek hom ten minste ‘n ander flavour gegee het…

Hier is vir julle meisies ‘n uitdaging: Kan jy jou bra uittrek en steeds jou toppie aanhou? Ek blog nou topless…my lewer pyn.

Baai

Daar is min mense wat so lief is vir kitsch soos ek. En ek het al lankal vrede daarmee gemaak. Party mense is doodbang daarvoor, hulle is bang om in die lewe in te tree en dinge te doen want netnou is dit kitsch…of netnou dink mense hulle is common. Wel, ek is albei!

In die eerste plek het als in my huis ‘n plestiek blomkransie om. Soos my blou bokkie hier. Ek het die kransie afgevry van my seun. Hy moes hawaian aantrek vir Kaskardag by sy skool en dit was deel van sy ensemble. Nou lyk my bok spiekeries! Die “alltaar” waarop my bokkie staan is ‘n ding wat ek by ‘n junkshop gekoop het. Dit was so afskuwelik ek moes dit net he. My smaak val presies in daai register…daar waar dinge so lelik is, hulle begin eintlik cool word weer. “n Gedroogde protea in ‘n pot verleen die nodige afronding.

Hier is nog ‘n ding met ‘n blomkransie om. Dis my opgestopte Art Deco (Modderkoekie, let jy op?) Krokodillampie. Ek soek nou nog na ‘n paar feetjievlerkies vir hom, maar kon nog nie ‘n paar kry wat tot my spreek nie. Hy moet gerestoureer word, maar dit behels dat mens sy elektriese draad van sy gorrelgat af deur sy foefenjol moet trek en die gedagte daaraan maak my angstig – so as daar dapper restoureerders daarbuite is, laat asseblief van julle hoor! Ek wil hom vreeslik graag regmaak want dan kan ek vir hom een van daardie gloeilampies insit wat soos ‘n kersvlammetjie flikker. Dit sal net die regte ambience in die voorkamer skep. Op die rooi stoel is ‘n leeukussing wat ek self uitgeborduur het.

Blog jou kitsch, toe!

Ek het gister ‘n “real life” Sufi ontmoet. ‘n Whirling dervish. Die sufis is ‘n Moslem gebasseerde mistieke tradisie. Die mistieke tradisies het my nog altyd geboei. En hier loop ek toe een in lywende lewe raak op Facebook. Sy se sy het my raakgesien oor ek so totaal en al verslaaf is aan Rumi en toe friend request sy my! Die interessantste ding is, sy praat afrikaans!

Rumi is natuurlik die Vader van die whirling dervish.

Hy het die sufi tradisie in die 13e eeu begin. hy het homself in ‘n staat van ekstase in getol en in hierdie toestand het sy wonderlike gedigte dan net uit hom uit geborrel. Vriende en familie wat teenwoordig was het dit dan neergeskryf. Dank die Godin daarvoor, want sy werk is absoluut beeldskoon mooi en vandag nog net so vars en geldend as 700 jaar gelede. Rumi date net eenvoudig nie.

Kyk hoe pragtig is die:

Subtle degrees
of domination and servitude
are what you know as love…
But love …is different
it arrives complete
just there
like the moon in the window.

Jellaludin Rumi