Pronknografie

Uiteindelik het ek dit nou reg gekry om ‘n painting so af te neem dat mens die embosseerwerk onderaan kan waarneem. Dis heluit lekker om dit te doen. Ek speel myself simpel in vriend Hardass se etsateljee.

Ek sny die diertjies uit koperplaat. Ek kan hulle ook seker uit aliminiumplaat sny, maar ek verkies koper, want hulle word later jewellery of ek sit hulle aan handsakke vas, of maak belde of iets. (Ek het al so ruk gelede die kopertier wat ek hier gebruik het, opgesit. Ek is nou besig om weer ‘n hele klomp nuwe diertjies uit te saag.

Dan druk ek ‘n klomp “blanks” op etspapier. En dan gaan paint ek hulle by die huis….

Ek moet gou weer iets post! Nou nou vergeet julle van my.

Orraait, dit is die eetkamer. My pa het my stelletjie gemaak. Uit jacarandahout. Hy koop graag indringer houtsoorte en verwerk dit. Ek is mal oor jacarandahout. Dit is ‘n lewendige hout met ‘n lieflike grein en as jy dit polleer dan kry dit so pienk skynsel. Pienk hout geval my baie.

Dis ‘n hekpoottafel. Ek is mal oor hekpoottafels. Dit vou op en het allerhande moontlikhede. Dit voel my hulle kan vlieg ook…soos ‘n persiese tapyt…so ‘n tafel met vlerke.

O, ek het vergeet om by te voeg dat my eetkamerlig ook baie spesiaal is. Dis ‘n ou olielamp wat my pa op my oupa se solder gekry het en toe met groot liefde en geduld gerestoureer het. Dis ‘n pragtige ding en ek verbeel my altyd dit lyk soos ‘n kroon…

Die mure hang natuurlik vol van my kakkies tot hulle baas kry, dan beweeg hulle aan en dan maak ek maar gou weer iets.

Bont, bont, bont! Dis my bank waarop ek lees. Hy staan neffens my groot poskantoor boekrak. Vormpies, jy sal sien dat selfs my koppies bont is.

Die tafeltjie is deur my pa gemaak en is een van my kleinnode.

Ek lief die suzani lap. Ek dink nie ek sal ooit genoeg kry van daai pienk nie! Ek was eenkeer laasjaar by die vrou wat hulle invoer se uitstalling. …platsak. Het rerig nie geld vir sulke luukses nie. Toe raak ons twee aan die gesels. Ons kliek toe te heerlik. So na ‘n uur wil sy toe weet wat my naam nou eintlik is. Ek se toe vir haar. Ai! Se sy, “weet jy ek wil vreeslik graag een van jou paintings he. Gaan jy nou deur al my lappe en kies vir jou ene en daan maak jy vir my ‘n painting teen dieselfde prys!!!!” Sy kom nou in Mei haar painting haal.

Kan mens nou so gelukkig wees? Wel, die wilde disco suzani daar bo-op my rusbank het absoluut my hart gesteel.

Ek glo in Lewe. Wat dit is, presies, en hoekom dit bestaan, kon nog nie wetenskaplik verklaar word nie. Alhoewel wetenskaplikes ons verseker dat dit net ‘n kwessie van tyd is…

Maar wat ek daarvan glo, is dat dit die enigste konstante ding in die heelal is en dat alles die hele tyd daarna toe wil terugkeer of dit wil bevestig.

Ek glo dat dinge somtyds progressief in vorm en struktuur sal verander juis om weer Lewe te bevestig, of om Lewe meer duidelik en suksesvol uit te druk (wetenskaplikes noem dit onder andere evolusie)

en ek glo dat goed ook somtyds magiese, onverklaarbare spronge sal maak om dieselfde redes as hierbo genoem (dit noem ons God of Gees of Energie).

Ek glo dat albei ewe geldig is vir die handhawing van Lewe

Ek is ‘n Biosentris. In die middel van alles is Lewe.

Lyk my my reenweerprentjie het die reen aangebring!

Wat ‘n heerlike paasnaweek. Ek het gister saam met die kinders “how to train your dragon” gaan kyk. Dis delightful!