by

n Man is nooit tevrede nie.

Oktober 20, 2011 in Sonder kategorie

Ou Ben Bakgat was n goeie sakeman en weens ouderdom verkoop hy sy besigheid en gaan sit by die huis.

Ek onthou hoe sy vrou soms met hom baklei het as hy laat van die werk af gekom het. Soms by ons kom sit en

kuier tot ou Ben daar aankom. Soms was hy blink gedrink en dan verskoon hy met,”Ag liefie dis besigheid , man, net die ouens vir

n dop gevat.”

Na twee jaar by die huis kom klae hy by my, sy vrou vind deesdae alles fout met hom, dan staan hy te vroeg op en raas

of dan slaap hy te laat. Hy skeer soms nie sy baard, hy neuk haar tuin op, hy mors in die huis, en hy klae as sy haar vriendinne

besoek. Hy wil vir haar n besigheid koop om haar uit die huis te kry, want sy gee hom n harde tyd. Ek stel n tuisnywerheid voor en ons kry n vrou wat een wil verkoop. Ou Ben koop dit vir sy vrou vir haar verjaarsdag.Sy is

vreeslik in haar skik, dis wat sy altyd wou gehad het, maar Ben en die kinders het haar te besig gehou. Nou is

die kinders groot en Ben pla haar by die huis.

Vir die eerste jaar is die paartjie baie gelukkig. Ou Ben is sommer n ander mens, skoon vriendelik en opgewek.

In die tweede jaar kom klae ou Ben by my. Nee, die vrou word nou te blerrie “cheeky” se hy. Sy kom te laat by die huis

en sy gaan te vroeg werk toe. Sy skeep hom af, hy moet ook nou te veel dinge by die huis doen en hy het ook nie meer lekker houvas op haar nie.Sy maak te veel geld

met die tuisnywerheid. Sy vra hom nooit meer geld nie. Om die waarheid te se sy het nou sommer daar op Mosselbaai geboek vir Desemberhet . Hy wou nog iets se, toe antwoord sy dat hy nie bekommerd moet wees nie sy het sommer klaar vooruit betaal, sy “stick” hom n vakansie. Dit maak n man

moerig se ou Ben.

Hy se ek het hom daardie tyd slegte raad gegee om vir haar n besigheid te koop. Die ding werk nie. Hy

voel afgeskeep en dis te stil by die huis.Daar is niemand om te stuur nie en hy moet te veel dinge nou self daar by die huis doen. Dan kla sy nog oor die huis deurmekaar is as sy van die werk af kom. Ons moet n ander plan maak, se

hy.

Ek en my vrou koop altyd melktert en biltong daar by haar, soms dink ek dat die werkery haar wragtig jonger laat word het.

Sy lyk mooi en gesond, pragtig aangetrek en glimlag altyd.

Nee, ek weet nie, n man is maar n bliksem.

6 antwoorde op n Man is nooit tevrede nie.

  1. Lyk mans het maar oor die algemeen dubbel standaarde.

  2. DeViL010 het gesê op Oktober 20, 2011

    Hehehehehe ook nooit as te nimmer tevrede nie….lol.

  3. Sommige mans is bliksems. Ek is n engel.

  4. hy is ‘n ou blixem!

  5. DaddyJ het gesê op Oktober 21, 2011

    Pragtige storie. Mans Ja!

Laat 'n Antwoord

Jou e-posadres sal nie gepubliseer word nie. Vereiste velde word aangedui as *.