Neander

Die afgelope week se gebeure sê dit alles.

‘n Pakistani meisie is deur die Taliban in die kop geskiet omdat sy wil skoolgaan en ‘n beter opvoeding wil hê.

Felix Baumgartner het van ‘n lugballon in die stratosfeer gespring en deur die klankgrens gebreek.

 

     

  

  

  

Ek wil graag my nuuste skootkitaar wys voordat Litnetblogs finaal uitmekaar spat.  

Ek het ‘n hele paar fotos geneem van die bouproses soos wat ek aangegaan het, maar wys net ‘n paar wat toepaslik is.

Ek het die prentjie van die ’50s-model op die internet gesien, afgetrek en opgeskaal tot die grootte en veranderde vorm, wat ek wou hê.

Op foto een is die plan uitgeknip en vasgeplak op die Afrika Rooshout plank.

Dan volg die ander trapsgewys.  Die kitaar het ‘n Phi ivoorinlegstuk in die kopstuk. Ek het nog die klein stukkie ivoor wat ek in 1987 by ‘n Bosveldboer gekry het.

Phi is die natuurkonstante van die vorm waarin sonneblomme en sterrestelsels gerangskik is. Ek het dit in die vorm ingebring by die lengte en breedte verhouding.   

 

Die deksel is van Afrika Swarthout met perlemoen volume en toon knoppies. Die kam en bruggie het ek ook gemaak uit vlekvrye staal.

Die fretbord is sommer by ‘n drukplek op skaal gedruk. 

    

Die rooi tassie uit afval laaghout met flennievoering het net R15 gekos. Ek het nog rooi klere kleursel gehad en die tassie daarmee gekleur en toe vernis.

My skildery heelbo, hang regs.

Op die laaste foto is my drie rooi instrumente by my outydse grammofoon wat nog goed werk.  

Die skilderytjie regs is deur my ouma geskilder na ‘n boere-saamtrek by Rustenburg in 1923. 

 

Die orkes seisoen is in volle swang tot die einde van die jaar en ek gaan die rooi frats binnekort uittoets.

Laat waai!

   

 

 

Ek het al rare musiekblogs gedoen, maar hierdie een vat die koek.  Toegewydheid soos min.

 

Dis ‘n gospelgroep van die VSA en die ou plate verkoop nou soos soetkoek vir R1 800, net om die omslag te

 

kry.

 

  

Ek haal aan van iemand wat meer weet:

“

This was the last photo taken before Sandra (left) was arrested for human trafficking, Mavis (centre) turned to

 prostitution to sustain her snuff habit and Geraldine (right) started a punk rock outfit and changed her name to

The Man Slayer. Better times…”

Vandag 85 jaar lede in 1927 is die eerste rolprent met dialoog, The Jazz Singer, bekend gestel.

Die Robinson Crusoe storie was die inspirasie vir die fliek.

Lees gerus meer oor die fliek, ek kan nie alles hier herhaal nie.  

http://en.wikipedia.org/wiki/The_Jazz_Singer

Die video stukkie wys iets daarvan.

 

http://www.youtube.com/watch?v=bkyvstNrkHo

 

 

 

  

 

Baie min mense weet dat die koningin van Engeland ‘n Hofmusikant (master of the Queen’s music) het. Dit is ‘n permanente aanstelling vir 10 jaar, voorheen was dit lewenslank. 

Die voriges het seker gereeld lood geswaai.
Die posisie dra nogal heelwat gewig en die man tans in die pos is Sir Peter Davies. Koning Charles 1 het die pos geskep in die 1600s.

Henry v111 het sommer ‘n groot orkes van 15 lede gehad. 

Die werk van die Hofmusikant behels dat hy gereeld komposisies moet doen vir belangrike aangeleenthede, verjaardae en vierings.

Die belangrikste was natuurlik die onlangse Jubileum viering van die Koningin met die grand finale op die Teems.

Meer as 2 000 bote en ander vaartuie het saam met die Koninklike Bark  op die Teems gevaar terwyl daar lekker makietie gehou is 

Ek plaas hier die Hofmusikant-boot wat die Koninklike Bark met al die hoi poloi vergesel het.

Ek moet erken Prinses Kate wat nou ook weer in die nuus is, lyk darem mooi in haar rooi gewaad en hoedjie. 

http://en.wikipedia.org/wiki/Master_of_the_Queen’s_Music

 

 

Blikskottel het dit die laaste tyd veral nogal teen banke gehad.

Ek het hierdie spotprent raakgeloop, wat nogal iets van sy besware wys.

  

Op ‘n ietwat sydelingse noot (sic),  het meer as 13 000 werkers gister by Amplats en Medupi gestaak en die myne het dadelik alle bedrywighede opgeskort.

Die platinumprys het met 20% gestyg weens die vrees vir voorsiening.

My wenk, koop onverwyld platinum, nie die myne nie, koop die genoteerde SBAPL1.  

Ek beplan weer ‘n blog oor hoe ons DNA ons psige en lewenswyse beïnvloed, asook ‘n musiekstukkie.

Ons weet almal dat die hele wêreld onder groot druk op baie maatskaplike fronte verkeer.

Die voorbeelde in die spotprent is ‘n poging om iets van die kreatiwiteit van die mens uit te beeld.  

O ja, ek is nie een van die vier voorbeelde nie.

Hierdie koek is die oulikste wat ek nog gesien het.

Ek sou te jammer wees om daaraan te eet, dis werklik ‘n realiteitskunswerk.

Die koek is gemaak vir ‘n vroulike dosent wat aan ‘n Britse universiteit afgetree het.

Sy is op die voorgrond nagemaak en die kissie in die agtergrond is ‘n replika van haar eie.

Die boek daarop is die amptelike reels van fosfaatversameling, waaraan sy gewerk het.

“Ongelukkig is die stuk wat uitgesny is, in ‘n plastieksak geplaas, verseel en weggestuur vir argeologiese fosfaatontledings. Dit sal ook ontleed word vir paleoreste.”