My gedagtes

Ons mis jou  omgee en skater lag
ons mis jou etes en blomme prag
ons mis jou gee sonder rede
ons mis jou kuiers in die verlede

Ons mis jou as jy ons kom haal by die deur
ons mis die  geduld as die kinders steur
ons mis hulp wat altyd net daar is
en ons mis die liefde wat altyd waar is

Ons mis die stories van die outyd
en jou lewenservaring en wysheid
ons mis jou soentjies en jou drukkies
en die sakdoekies met die strikkies

Ons mis die uitstappies na die kwekery
Klere koop sommer vir lekkerkry
Die kaaskoek en die tyd verwyl
en Saterdae se carbootsale

Ons mis die high tees en die  mooi tafels
die tafeldoeke met stiksels en rafels
ons mis jou moeite met alles so netjies
al pas,van koppies tot servetjies

En onthou ma nog toe ons gaan vliek
toe proe die popcorn soos plastiek
 ons is toe  alleen in die grote plek
 giggel  so dat ons maagspiere rek

Aag Ma,ek verlang my elke dag dood
die verlies is vir ons so ontsettend groot
Dankie vir die herinneringe so spesiaal
wat elke dag deur ons gedagtes dwaal

En Ma….as jy hierdie briefie lees
Al is dit net hier in my gees
Ek is so verskiklik lief vir jou
Jy was ‘n merkwaardige vrou.