Silwer Bikini's Pienk Pantoffels en ander dinge

Maankind het mos nou al die voorsate se kiekies gewys en toe dink ek ook terug, maar darem nie so vêr nie 🙂 

Maar vandag wil ek vir julle vertel van my Ma.  Kyk, sy was nie jou  Top Chef nie, en sou sekerlik nie by die Vroue Landbou Unie ‘n prys vir ‘presies ingelegde perskes’ of ‘die perfekte skakering van rooi pruimkonfyt’ gekry het nie, maar ek wil jou verseker, haar ingelegde goedjies se smaak hoef vir niks en niemand teruggestaan het nie.  Sy het geweet hoe om perskekonfyt te maak met sulke skyfies perskes en ‘n dik soet stroop en appelkooskonfyt wat net reg afgegaan het met ‘n stuk tuisgebakte brood en opregte regte botter.  Nie die marge wat ons vandag koop wat blykbaar een molekule verwyder is van plastiek nie.  En dan wil ek nie eens praat van daai goed wat sy gemaak het van Waatlemoenskille nie.  Watertandlekker!

Sy kon ook ‘n ‘mean’ Kerrie en rys maak.  Dan moes ek of my sussies altyd ‘n bietjie Roosmaryn gaan pluk om in te gooi.  Kerrie en rys is tot vandag toe nie regte egte Kerrie en rys as daar nie Roosmaryn in is nie.  Daarom het ek ook een in my tuin, en as ek nou erg verlang, daan gaan vryf ek daardie blaartjies tussen my hande.  Ek kan nou nie sê my ma se geur was in Roosmaryn nie, want dit sou nie waar gewees het nie.  Dis net daardie onthou van die pluk van die roosmaryn en haar hande wat dit opgekap en in die pot gegooi het.

Maar daar is ‘n ander ding wat my Ma gemaak het wat ek nog nêrens kon opspoor nie.  Nie by die beste braai, ons familie samekomste, my eie kombuis of restaurant nie.  En dit is haar Aartappelslaai.  My mond water nou hier waar ek sit.  Sy’t ‘n spesiale manier gehad om dit te maak.  Alles in lagies en dan moet dit een dag en ‘n nag in die yskas staan sodat die geure so inmekaar in wriemel en ons – môre –  soos smulpape om die bak kan hang. 

Maar daar is ook ‘n ander klein tradisie gekoppel aan hierdie Aartappelslaai van my Ma.  Een van my broers eet mos nie uie nie.  So, my Ma het altyd die GROOT bak slaai gemaak met uie en langsaan op die tafel, het my broer se bakkie slaai – groot genoeg vir seconds ook – gestaan, sonder die uie.  Ek het altyd skelmpies aan syne geproe net om te proe of dit darem lekker is.  En dit was!!  Net so lekker soos die groot bak slaai.

Ek is tot vandag toe oortuig dat haar geheime bestandeel vir haar Aartappel slaai – opregte moeder liefde was.  Daarom dat altwee bakke slaai ewe lekker was.

Na aanleiding van Murphy se blog …

In my prille jeug toe ek die blog begin het was dit Maryke-Anne Janse van Rensburg.  Maryke – My biologiese ma en Anne – My aanneemma se name.

Janse van Rensburg – my huidige van.  Ek het al vier vanne gehad, maar net twee keer getroud.  Gebore as Van Zijl, aangeneem as Kirsten, trou as Van der Walt, trou weer as Janse van Rensburg.

Maar toe is dit vir my bietjie lank na my sin.  Verkort dit toe na Maryke (soos ek allerdaags geken word) van Rensburg (omdat die Janse net onnodig plek opneem)

My Avatar – Die foto is geneemm op Aardklop toe ek een van my Facebook kennisse ‘n vriendin gemaak het.  Ek het haar mooi gevra om nie die dubbelken af te neem nie, toe neem sy maar die cleavage af.  Die prentjie het ek weer opgesit toe Ghaap gevra het die dames moes bietjie cleavage wys, toe wys ek myne 🙂

Die agtergrond van my blog is deur ‘n uitstekende blogger gedoen – Dankie weereens Samuhr – en as julle mooi oplet sal julle die luscious curves (ek is mos so bietjie aangepleister), silver bikini en pienk pantoffels herken.

En dis die storie van my blog.

Gisteraand was ‘n aand ten aande!  Bietjie gebraai by die huis en ‘n game aand gehou.  Jeeeeeerlik! Thirty seconds sal nooit weer dieselfde wees nie.  Dankie al my wonderlike maaikies wat nie in my rekenaar bly nie!  Toe ons eers begin speel het, was die braai skoon vergete in so ‘n mate dat ons toe eers na 11 geëet het en hulle onder Lifiki se “as die maan deur die wolke vir ons loer” serenade, vroegoggend huistoe is.  En die hoofpyn waarmee ek opgestaan het vanoggend kan net toegeskryf word aan my intense konsentrasie om die vrae te antwoord … maar dit het nie gehelp nie want my span moes twee keer die onderspit delf!  Maar ons het goeie spangees gehad …

En ek is vandag baie opgewonde! Ek het die popcorn, tjips, tjoklits en Tab reg vir ….. IDOLS!!!!!

Wie kyk saam?

Lyk my my bure dink as Saterdag sy kop uitsteek dan moet hulle daai kwaito musiek kliphard speel want elke prozzie, voetganger, voertuiginsittende en algemene Afrikaanse boer wat hier bly, is verskriklik mal daaroor … sug – (soos Tina sal sê)

Nou ja, vandag het ek nou die sigarette neergesit … finaal … en ek het nog nie iemand vermoor nie, maar as daai kwaito nog langer aanhou, sal hulle my nie kan verantwoordelik hou vir my dade nie.

Die sesde Februarie is my kleindogter se doop.  Dink dit gaan lekker wees behalwe … dat die ander deel van die familie daar gaan wees en dit wil vir my voorkom asof almal nie heeltemal oor die hele ding is nie.  So na die Kerk met die verversingsgedeelte gaan dit seker maar bietjie stywerig wees.  Mmmmmm.  Vier en ‘n half jaar is ‘n lang tyd.  Maar ek glo dat mense geheues het soos olifante en ons kan mos lekker selektief vergeet en vergewe.

Het iemand al vir jou gesê ‘Jy herhinner my baie aan sus so-en-so’ en wanneer jy ‘sus so-en-so’ ontmoet, dan begin jy in jouself twyfel.  Jou waardes, jou voorkoms, jou manier van praat … ag sommer alles omdat ‘sus so-en-so’ totaal en al die teenoorgestelde is van wat jy is?  En dan begin jy wonder of daar ‘n verskuilde boodskap was.  Dit hou jou wakker in die aand.  Jy toss-and-turn terwyl die beeld van ‘sus so-en-so’ vir jou kekkellag tot laat in die nag.

Keep it real – moet nooit jou tande by die huis vergeet nie!!!!

Date: 11-31-88 (24:60) Number: 32769

To: ALL Refer#: NONE

From: ROBERT MORRIS III Read: (N/A)

Subj: VIRUS ALERT Status: PUBLIC MESSAGE

Warning: There’s a new virus on the loose that’s worse than anything I’ve seen before! It gets in through the power line, riding on the powerline 60 Hz subcarrier. It works by changing the serial port pinouts, and by reversing the direction one’s disks spin. Over 300,000 systems have been hit by it here in Murphy, West Dakota alone! And that’s just in the last 12 minutes.

It attacks DOS, Unix, TOPS-20, Apple-II, VMS, MVS, Multics, Mac, RSX-11, ITS, TRS-80, and VHS systems.

To prevent the spresd of the worm:

1) Don’t use the powerline.

2) Don’t use batteries either, since there are rumors that this virus has invaded most major battery plants and is infecting the positive poles of the batteries. (You might try hooking up just the negative pole.)

3) Don’t upload or download files.

4) Don’t store files on floppy disks or hard disks.

5) Don’t read messages. Not even this one!

6) Don’t use serial ports, modems, or phone lines.

7) Don’t use keyboards, screens, or printers.

8) Don’t use switches, CPUs, memories, microprocessors, or mainframes.

9) Don’t use electric lights, electric or gas heat or airconditioning, running water, writing, fire, clothing or the wheel.

I’m sure if we are all careful to follow these 9 easy steps, this virus can be eradicated, and the precious electronic fluids of our computers can be kept pure.

Lifiki is besig om uitkykhuisies by ‘n wildsplaas op te sit so 50km anderkant Bothaville.  Ek dink wanneer die plek klaar is, gaan dit werklik ‘n nice plek wees vir jagters.  Daar is baie wild en dis op die rivier geleë.

Vanaand toe hy by die huis kom – roep hy my na die motorhuis.  “Ek het toe al die pad ‘n pasasier wat die hele ent pad nie boe of ba gesê het nie.”

Ek is eers maar onwillig om te kyk want sênou dis ‘n slang of ‘n koggelmander of ‘n ding?

En daar, agter op die bak lê ‘n tarentaal, plat op sy rug, pootjies in die lug, morsdood.

Het hy my te vertelle dat die ding voor die bakkie ingevloog het en dat hy nie kon uitdraai nie.  Maar hy’t nooit besef die voël het op die bak geland nie.

Ek ‘shame’ toe heel betaamlik tot hy sê:  “Wat van jy maak hom vir ons skoon?  Ek is hoeka lus vir ‘n wildspastei!”

Nou, nodeloos om te sê, die wat my ken, sal presies weet wat my reaksie was.  Die wat my nie ken nie … so het dit gelyk …

Of naastenby so-iets

Het julle dit ook al ondervind?  Mense wat in jou lewenssfeer inbeweeg en jou dan emosioneel heeltemal uitput?  Mense wat soos klein jakkalsies aanhou knibbel, knaag en kou.

Sulke mense het gewoonlik nie werk vir hulle hande nie, dan kom mors hulle joune.  Gewoonlik is dit sommer van die werk se PC’s waar hulle ander mense se geld ook mors.  Andersins is hulle verveelde huisvrouens wat die huiswerk uitstel.  Iederwel, dit daar gelos.  Each to its own, soos die Ingelse sê.

Een van die dae is mos weer verjaarsdagtyd en na die Kersfees en nuwejaar is die beursie bietjie knap.  Wat sal mens nou vir ‘n mansmens vir sy verjaarsdag gee wat nie baie kos nie?  En ek kan nou vra, smeek, skimp, hy sê net altyd – ag moenie vir my iets koop nie.  Glad nie hulpvaardig nie.

Wat is julle voorstelle?

Partykeer wens ek dat die lewe net vir ‘n stonde sal stilstaan sodat mens kan asemskep, beplan, gedagtes orden en dan weer verbete aangaan.

Ek wonder baiekeer as ons as babas geweet het wat vir ons wag of ons ooit daai ‘gebore’ ding sou doen.  Nee!  Ek sou net daar gebly het en geweier het om uit te kom.

Maar aan die anderkant, as mens nie die lewe beleef nie, is mens maar net ‘n seepbel.  Buite blink en kleurvol en binne vol wind of iemand se stink asem 🙂

Julle weet, een van my nuwejaarsvoornemes was om ‘nice’ te wees.  Maar wraggies, trap ek gister in die slagyster en baklei lekker saam.  Maar dit daar gelaat, wat in die verlede is, bly daar.  (Vir die koeie om later te gaan skrop, karring en krap).  Wel dis nou een voorneme wat gesneuwel het.

Die ander een is om op te hou rook.  Ek weet nie hoekom ek die perd opgesaal het nie, maar ek het, en ek trek vandag by dag 8 van Zyban en oor 2 dae is ek veronderstel om vir ewig die goedjies te los.  hmmmmmm … ek wonder.  Ek kom wel agter dat ek minder rook.  ‘n Pakkie 20 hou my so twee dae, so dit is al beter.  En dan moet ek seker net die bootreis ingedagte hou, dan sal ek ‘hopelik’ heelhuids anderkant uitkom.

Het julle ook die ‘rumour’ gehoor dat Facebook in Maart gaan sluit?  Ek het amper hartpalpitasies gekry, maar gelukkig gou agtergekom dis net ‘n houx.  Wonder watse kicks mense daaruit kry om sulke stories te begin?  Afterall, daar is mense wat werk daar 🙂

Nou ja, ek hoop julle klou nog vas aan julle voornemens vir 2011.  Volgens ingeligte bronne gaan die wêreld mos nou net bestaan tot 2012 so hierdie jaar se voornemens is dalk die tweedelaaste voornemens wat jy kan maak in jou lewe.  Koester hulle, omarm hulle en maak hulle joune.

Die lewe kronkel ongesiens …

soms deur ons …

soms by ons verby.

Laat sy spore

Soos traktaatjies

Wat klankloos van asem bely.

Ag en dan weet ek nie verder nie.  Hoe sê iemand nou die dag vir my?  Lyk my jy het Heimers … Ek het haar so met ‘n dowwe, veraf uitdrukking aangekyk, want soos gewoonlik het ek nie ‘n cookin clue gehad van wat sy praat nie.

“Want jy’t nog nie Alz vergeet nie.”

Dit was nogals vir my baie snaaks.

Ek weet nie wie van julle met ‘n hulpmiddel gaan slaap nie.  Ek doen wel en die goed wat ek drink is Adco Zolpidem (spelling? te lui om die boksie te gaan haal)  Maar die goed het mos ‘n lelike manier om jou geheue te ‘wipe’. 

Ja, dis die waarheid.  As jy daai goed drink, moet jy onmiddellik in die bed gaan klim anders kan jy lelik jou naam vergat … veral as jy ‘net gou ‘n sms wil stuur’ of ‘net gou daai email antwoord.’   Glo my, as jy die volgende dag daai goed lees, sal jy nie weet waaroor jy geskryf het nie.  Jy sal nie die vaagste benul hê van waar jou gedagtes gedwaal het nie.

Nou wonder ek, as mens nou lank genoeg hierdie goed drink, of dit nie ‘n permanente invloed op mens se geheue sal hê nie?

Vandag wil ek nou net mooi niks doen nie.  Dis asof die brein afgeskakel het en toe in trurat opgestart het. 

Dis nie asof ek nie werk het nie, ek het te veel, maar ek weet nie waar om te begin en waar om te los nie.  Nou wil ek eerder los vir die dag 🙁

Nou sit ek hier en manouver tussen facebook en litnet en praat eintlik ‘n lot nonsens so ver ek gaan.  Ek dink ek moet eerder gaan slaap.

O ja, vandag is my 4de dag van Zyban.  Gelukkig hoef ek eers op dag 10 op te hou 🙂