Jy blaai in die argief vir 2010 Januarie.

Ek hou nie van shopping nie!

Januarie 28, 2010 in Sonder kategorie

Maar vandag het ek geshop dat my ore drop.  Natuurlik vir ‘n outfit.  Einde ten laaste maar besluit om vir my ‘n uitrustingkie te maak.  Tjoklitbruin en Dusty Pienk.  Kanterig maar funky. 

Wat my bietjie skrikkerig maak is dat ek laaaaaanklaas aan die naaimasjien gevat het en ek hoop maar ek onthou die regte moves.

In elk geval, ek het vandag net weer besef dat diens en kwaliteit maar net ‘n bysaak is.  Veral in die ‘hogere’ winkels.  Ek trek nou nie my SondagKerkToe rokkie aan nie, maar ek trek oordentlik aan, maar daai mense kyk vir jou of ‘n rot jou van iewers ingesleep het!

Toe vaar ek in ‘n China Shoppy in en daar volg die winkelassistent jou mos al kouende en sleepvoet.  En toe ek daar sjloeff, sjloeff, klap, klap van die Chappy  nie meer kon vat nie, toe vra ek haar wat soek sy.  Sy sê toe sy loop net rond.  Ek sê toe vir haar dat as sy my wil oppas moet sy haar kake stilhou en haar pooie van die vloer af lig.

Toe kon ek mos lekker verder rondkrap en snuffel sonder byklanke.

Vanaand is dit ek en die naaimasjien …

Ystermartiens

Januarie 28, 2010 in Sonder kategorie

Julle weet volgende naweek is Lifiki se dogter se troue toe dink ek dit goed om een van daai step-ins of ystermartiens aan te skaf.  Daardie wat Verimark adverteer wat so gemaklik aanglip.

Dit glip nie so maklik aan nie en dit flippen druk mens spatare!  No pain – no gain, sê die kenners … nou wonder ek wat gaan ek gain met al die pain?

Ewenwel, ek wonder of die mense dink dat goedgepleisterde vrouens daardie lelike en onooglike klere wat die winkels beskikbaar het, WIL dra?  Jitte!  Ek dink ek moet my eie funky en nice reeks begin.

Waar is daai flippen wag wat voor ‘n mens se mond moet wees!!!

Januarie 27, 2010 in Sonder kategorie

Ja, julle het reggeraai, natuurlik het ek aan verbale diarree gely toe ek vir Lifiki gehelp het met sy SARS goed.  En nou gaan ons kwaad vir mekaar slaap 🙁

Shit!

My lysie vanaf Anha gehak en geplak …

Januarie 27, 2010 in Sonder kategorie

Opening…

Do you get regular massages?  Only if I pay in kind

Do you have an answering maching? comes with cellphone

What cuss word do you use the most? fnok

Are you overweight or underweight? goed gepleister

Can you see your veins?  ja

Favourite…

Soap?  Lux met daai stukkies goed in

Fruit? mango en waatlemoen

Kind of red meat?  Rump en tenderized steak

Fish?  Hou nie van vis

Candy bar?  Lunch bar

Have you ever…

Eaten a whole bag of chips? Ja

Eaten lobster? Ja

Climbed a mountain?  Tel ‘n koppie?

Been skydiving?  no

Been waterskiing?  tel ‘n gladde badkamervloer?

Do You…

Wish you could change something about your life?  sometimes

Like Salt and Vinegar chips?  No

Eat salsa?  Nee

Own a boat?  Daar’s so snaakse houterige ene opdie sideboard

What is…

A small thing that people let slide but that actually has dire consequences?  manners

Your most macho trait?  nee ek weet nie

The longest relationship you’ve ever had? 13 jaar

Your most embarrassing thoughts?  selfs Ghaap sal skaam kry 🙂

Your most shameful moment?   toe my ‘vriend met voordele’ by my gekuier het en my eks en die predikant daag daar op!

This/That…

Bath/Shower?  stort

Markers/Crayons?  verfkwasse

Pen/Pencils?  pen

Jelly/Cream cheese? Jelly

Bagel/Toast?  Toast

Finish…

My great weakness is…  choccies

I wish I was…  langer, dan sou ek nie gewens het om maerder te wees nie

Three things I wouldnt do for a million dollars are…  moor

The oddest thing I have ever put in my mouth is…   ek het as kind papier geëet

Firsts…

Credit card you had?  Trust

Loan you got was for?  studielening

Paycheck was for how much?  omtrent R275 toe ek ‘n verpleegster was

Time you had stitches?  2008 historektomie

Time you went to hospital for something?  skarlakenkoors as kind

Lasts…

List everything you ate in the last 24 hours?  ryskoekies met maaskaas, rump steakie en so ‘n spinasie konkoksie.

Last thing you used a credit card for?  te lank terug

What was your job previous to this one?  Finansiële adviseur

Last thing you celebrated?  Lifiki se verjaarsdag Saterdag

Last time you were at a sports bar?  Laasjaar

Lifiki het so min ritme …

Januarie 27, 2010 in Sonder kategorie

hy kan nie eens aan ‘n deur klop nie 🙂

En oor twee weke is dit sy doggie se troue – waarvoor ek nog ‘n dusty pienk outfit moet kry – en hy moet met haar dans, uhm die dansbaan open.  Daarom is dit my taak om die man ‘n bietjie touwys – of is dit ritme wys – te kry … jaaaaaaaa

Maar ek weet hy gaan sommer skitter op daardie dansbaan op maat van hierdie song:

EK WOU DIE PLAYER HIE SIT MAAR >> 

natuurlik sal die flipen dig nie werk nie so hier is die link http://www.youtube.com/watch?v=MYgqZYQYzwA

My Dinsdag het goed begin tot …

Januarie 26, 2010 in Sonder kategorie

My Liefste tweede wederhelfte met sy blikbrein en blink gesig vir my te vertelle gehad het dat my profiel korrup is en dat sy blikbrain nie twee en twee bymekaar kon sit om te sien dat ek NIKS verkeerd gedoen het nie.

Die trane het gerol, tale is gespreek tot Lifiki – my eerste wederhelfte – vir my gesê het om te kalmeer en my eie brein in te span vir ‘n oplossing.

Na ‘n hipnose sessie (system restore) vir blikbrein, kan ek nou weer asemhaal en voortgaan met my werk.  Dankie tog!

Maryke sal nou in die vervolg ook onthou om darem een keer per week ‘n “backup” sessie ook deur te werk.

Reën, reën, lieflike reën ….

Januarie 25, 2010 in Sonder kategorie

Ek weet ek mag nie kla nie want daar’s ‘n witbrood onder die arm en ek verveel my vriende en maak my vyande bly!  En kla strook ook nie met my vorige pos nie …

Maar dis nou meer as veertien dae wat dit reën in my geweste en ek lief werklik reën vreeslik baie.  Maar Lifiki, wat homself nie besig kan hou, hou nie van die reën, want dan kan hy nie werk nie!

Ek wens regtig dat die son nou sal begin skyn sodat Lifiki in sy bakkie kan klim en gaan werk … ek sal vir hom ‘n ekstra spesiale kospakkie pak met ‘n “I luv u” switi en yskoue koeldrank … enige iets … ek’s desperaat … vir sonskyn … baie sonskyn!

En die ironie van die saak is, langs my onderhandel ‘n boer net so kliphard vir reën en nogmaals reën!

Sommer net oor sommer …

Januarie 24, 2010 in Sonder kategorie

Vandag in die kerk het ek ‘n wonderlike boodskap gekry.  Dis mos hoekom mens kerk toe gaan.  Om pitkos te kry vir die week wat voorlê!  Met al die onderstrominge en skommelings wat my lewe laasjaar deurgegaan het, is ek seker die briekmerke sit nog so oor my grysstof toe ek opgehou dink het en net begin bestaan het, omdat mens asemhaal of jy nou wil of nie.

Maar so stadig maar seker is die newels besig om te lig en ek begin nou weer planne maak ensovoorts.  Is effe moedeloos omdat ek alles agterweë gelaat het en Gods water oor Gods akker laat vloei het sonder om die water af te keer in die regte rigtings in.  Maar ek weet as ek volhard, sal alles weer regkom.

Pastoor praat toe oor die Sinamietiese (nou nie heeltemal of ek haar herkoms reg het nie) vrou wat vir Elisa ‘n kamer ingerig het waar hy kon oorslaap as hy daar verbygaan.  Met God se hulp (of is dit andersom?) is sy toe uiteindelik geseën met ‘n seun.   Maar die seun het toe op ‘n stadium tot sterfte gekom.  Sy het op ‘n esellin geklim en na Elisa gejaag.  Elisa het haar in die verte sien aankom en vir Gehasi gestuur om met haar te praat.  Duidelike opdrag .. vra haar of alles goed is met haar man en vra haar of alles goed is met haar seun.

Toe Gehasi by haar kom, het sy op altwee die vrae geantwoord dat dit goed gaan met haar man en seun en voortgegaan met haar tog na Elisa.

By hom aangekom, het sy aan sy voet geval en geweën.  Gehasi het probeer keer, maar Elisa het hom liggies oor die vingers getik.  Om ‘n lang storie kort te maak, het Elisa die seun weer lewend gemaak – natuurlik met God se hulp (of is dit andersom?)

Die middelpunt van die storie is dat die vrou ‘n einddoel voor oë gehad het.  En dit was om by Elisa uit te kom.  Sy het geweier om te erken dat haar seun dood is.  Sy wou nie daardie gewraakte woorde oor haar seun spreek nie.  SY WOU OOK NIE VAN KOERS GEBRING WORD NIE!

Hoeveel keer word ons van koers gebring as iemand vra hoe dit gaan?  Wanneer iemand vra is dit asof ons tot stilstand kom en dan kla en mor ons eers oor alles wat verkeerd is in die katel, kombuis, huis, kar, werk, strate, paaie, land, besigheid, gesondheid en parlement.  So spreek ons alles wat negatief is oor ons eie lewens.  Ons word van koers gedwing!

Mag elkeen van ons hierdie week koersvas aanbeweeg na ons einddoel.  Partykeer is dit tog nodig om met oogklappe deur die lewe te gaan!

Murphy , jy kan gaan loer wat ek met die ou speelplate gemaak het.

Januarie 24, 2010 in Sonder kategorie

Dankie vir almal se raad oor die verf van viniel plate.  Maar ek het agtergekom ek was te ongeduldig om te wag dat die sproeiverf behoorlik droogword.

Hier is wat ek gemaak het met die viniel plate op my ‘craft’ blog.

Alweer die ‘seemingly’ onmoontlike …

Januarie 23, 2010 in Sonder kategorie

Ek wil ‘n paar ou plate verf.  Hulle is geskuur en toe probeer ek spray paint —– no ways!  Dit kom net so af.  Enamel verf word so taaierig.  Wat maak ek nou??????