Silwer Bikini's Pienk Pantoffels en ander dinge

Kyk, ek hou van ‘n lekker teetjie op sy tyd en ek drink hom sommer vanuit die beker sonder om die pinkie te lig of ‘n oog te knip.  Maar in my hart is en bly ek maar ‘n koffie mens.  En sommer Ricoffy.  Ja, ek weet iemand het eendag vir my gesê dis commin, maar dis my eie commin en ek like hom.

Ek is ook maar ‘n geleentheidstee sku mens.  Julle weet daardie kombuistee, ooievaarstee, high tea, low tea, noon tea en sommer enige tee wat gepaardgaan met ‘n woord wat vooraan gelas word.

Die rede?

Ek het nooit ‘n ooievaartee vir my oudste gehad nie.  En toe vir my jongste het ‘n vriendin vir my een gereël.  Man dit was lekker tot iemand effe smalend opgemerk het dat mens eintlik net ‘n ooievaarstee reël vir iemand se eerste kind.  Van toe af het ek die aller aakligste gly gevang in hierdie tee gedoentes.

Maar toe ontvang ek nou ‘n uitnodiging vir ‘n kombuistee vir Lifiki se dogter.  Julle weet nou hoekom ek nie wil gaan nie en ‘n tweede faktor is natuurlik Lifiki se eks wat ook daar sal wees.  En ek sien nie werklik kans daarvoor nie.

Hoe sê mens nou op ‘n mooi manier “dankie, maar nee dankie”.

Vanoggend sit ek en wonder of was ek ge’wow’ of was ek nie ge’wow’ nie …

Die ou tannies wat getap het, was okayerig, maar eerlikwaar glo ek nie dat hulle so goed was om deur te gaan na die volgende ronde nie.

Die man wat sy groot instrument so lekker geblaas het, ek dink hulle noem hom ‘n tjinkeritjie – of so iets, ook nie werklik ‘wow’ materiaal nie.

Wat my wel beindruk het was die magic/sokker/komedie kombinasie.  Baie oulik gedoen.

Die ander outjie wat gejuggle het, was ook baie goed en wat Shado beindruk het, was dat hy sulke ‘small smiling moments met sy balls’ gehad het. 

Die ou in die wit pak en die shades, ja, hy’s deur maar ek weet nie werklik waarvoor nie.

Ag dan moet ek nie vergeet om die 82jarige man te noem wat ‘n area gesing het en ‘n staande ovasie ontvang het nie!  Super, super.

En die 54 jarige man wat Randle actually saamgesing het, op sy eie stil, lipbewegende, manier.

Maar die beste nommer gisteraand was beslis die Acapella groep.  Stunning, stunning, stunning!  Om die minste te sê.

Maar as ek gisteraand met die twee vorige weke moet vergelyk, dan moet ek sê gisteraand was nie baie opwindend nie.

het ons “smiling little moments with your balls” volgens Shado.

Ek moes dit net gou deel 🙂

Laai nou al die foto’s op wat jy gaan benodig

Daarna selekteer en insert jy:

Hoop dit help 🙂

Ek dink ons moet ‘n formele versoek rig dat die funksionaliteit ook op die blogs van toepassing gemaak word.

Ek is moeg om trolbollie te skrap en ek is seker julle is ook.

Ek het hom nou reg ingestel vir net vriende.

Probeer weer kommentaar lewer op my pos asseblief.

Ek vermoed ek gaan min kommentaar kry 🙂

Gaan kliek op jou naam

Kliek op settings

Kliek op comments

En dan “only friends”

En voila! 

Jou blog is trolvry!

My voorstel om hierdie trolle hok te slaan:

Slegs ‘vriende’ mag kommentaar lewer.

Ek dink hierdie een sal werklik die probleem oplos.  Die persoon wat kommentaar wil lewer op jou postings moet in jou vriendelys wees.  As hy nie is nie, moet hy vra om op jou vriendelys te kom voor hy kommentaar kan lewer.

Die trol moet dus registreer (wat hulle blykbaar doen) want jy kan nie kommentaar lewer as jy nie ingelog is nie – of ek dink so.  Maar dan los hulle hul vrot opmerkings net waar hulle wil, in so mate dat ek nou ‘n boodskap gekry het van ‘n dame wat haar blog leeggemaak het agv Bebo.

Iederwel, die trol het nou ‘n rekening en kan mal gaan soos hy wil.  Maar as hy nou eers moet aansoek doen om vriendskap, dan sal dit mos ‘n bietjie moeiliker wees?

Wat dink julle?

Hoe de moses gebeur dit dan nou?

Ek doen soveel moeite met my postings, doen ure lank navorsing, knip en pas, hak en plak en dan as ek sê save … dan gebeur dit … Die flippen ding raak weg! 

Of eerder my kantbalkie (trots op die eg afrikaanse woordjie) raak voor op die wa en skuif, sonder om te vra, oor my hele flippen storie.

Ek kan nie eers kommentaar op die kommenteerders nie.

Ek voel verworpe, ingegorrel en uitgespoeg!

Ek dink ek het julle al vertel van my seun wat een aand aangehou was met ‘n bee bee (no pun intended) gun en beroof was van sy selfoon.

Ons het die ‘culprit’ gevang, gekarnuffel en toe oorgegee aan die polisie.  Nou, twee jaar later het daar steeds niks van die saak gekom nie (blykbaar ‘n tekort aan getuies) maar ….

Gisteraand kry Lifiki ‘n sms op sy foon van ‘n nommer met die gesteelde selfoon se EMEI nommer.  Ek skakel toe die nommer en ‘surprise-surprise’ antwoord ‘n voorheen benadeelde.

Ek sê toe vir hom ek soek my foon.

“No, you godda rong numba’

“No, I don’t.  I got a sms from your number on my husbands phone with the EMEI number.”

“How?”  (ek weet nie of dit nou hoe of au was nie?)

“Technology is a wonderful thing.  You bring back my phone.”

“You godda rong numba”

Kloeps, sit hy die foon af.

Nou het ek ‘n idee.

Ek gaan Maandag vir die mannetjie ‘n sms stuur dat hy ‘n moerse prys gewen het en dat hy dit iewers moet gaan afhaal op ‘n sekere tyd.  En dan sal ek en die polisie vir hom inwag.

Wat dink julle?