Jy blaai in die argief vir Uncategorized.

Eerste en laaste uitnodiging wat ek ooit aan Exionperfexi sal rig

Maart 14, 2013 in Uncategorized

Kom stel bietjie jou oortuigende onweerlegbare heilig geinspireerde standpunte op ons Facebook bladsy.

 

http://www.facebook.com/#!/groups/ateisafrikaans/

Dis so maklik…

Januarie 17, 2013 in Uncategorized

Blikskottel het die oplossing vir AL ons land se probleme;

Verdeel die land en kry klaar. Niks is maklik nie, maar as die keuse is tussen die dood en ‘n moeilike oplossing wat lewe verseker, dan kan jy die dood kies, ek sal nooit.

Natuurlik moet die verdeling billik wees. So die ongeveer 6% van ons bevolking wat wit is moet natuurlik 6% van die land kry. Watter 6% Blikskottel? Is Kaapstad en omtrekke dalk ongeveer 6%? Maar ek bly in George en my besigheid is hier. Gaan moeilik wees om weer van voor af in Kaapstad te begin. Wat van die Kleurling mense wat nou al 10 geslagte in Kaapstad woon? Wat as hulle nie lus het om te waai na die verdeling nie. Gaan die 6% witmense hulle met bakkies wegry? Waarheen? Het hulle n keuse uit die res van die 94% of gaan 8% van die land iewers vir hulle gegee word. Miskien die groter Pretoria. En die swart mense wat nog altyd in die Tswane area gebly het? Moet die Kleurlinge die witmense se bakkies leen om hulle weg te ry?

Durban is seker te groot vir die 3% Indiërs. Kry hulle Umhlanga Rocks? Moet die Oppenheimers nou hulle huis verkoop of kry die Indiërs dit “op die huis”?

Natuurlik nadat die verdeling plaasgevind het sal stappe geneem moet word om infiltrasie te verhoed. n Vyftig meter hoë muur rondom Kaapstad? maar wat as iemand van die ander deel van die land dalk n helikopter het? Of as iemand dalk n tonnel grawe. Die wind kan dalk iemand in n paraglider oorwaai.

Blikskottel sê niks is maklik nie. Ek wonder.

Die Wyse Maagde

Januarie 15, 2013 in Uncategorized

Ons weet nou die wêreld het toe nie vergaan nie. Vir diegene wat steeds bekommerd is oor vloede, rampe en ander aardsbeiendigende gebeutenisse: hier is hulp:

 

Volg jou droom…..of dalk liewer nie…

Januarie 7, 2013 in Uncategorized

Gister het RSG tot almal se vermaak Florence Foster Jenkins se opname van “Die Koninging van die Nag” uit Mozart se Towerfluit gespeel.

Vir die wat nie weet nie, Florence (1868-1944) was n amateur sopraan wat hoegenaamd gladnie kon sing nie. Nadat haar ouers oorlede is en sy skatryk ge-erf het het sy onverpoosd haar sangloopbaan voortgesit in New York en ten spyte van geen sangtalent gewild geraak weens die ooglopende vermaaklikheidswaarde wat haar vertonings verskaf het. Florence self, ongeaffekteer deur gehore wat rol van die lag het haarself positief vergelyk met die grootste soprane van die dag. Haar motto was: “People may say I can’t sing, but no one can ever say I didn’t sing.”

Op ouderdom 76 het publieke verwagting tot gevolg gehad dat haar laaste vertoning in Carnegie Hall weke vooruit uitverkoop was. Verskeie toneelstukke   is al oor Florence gemaak. Judy Kaye wat Florence op Broadway gespeel het het die volgende opgemerk: “It’s hard work to sing badly well. You can sing badly for a while, but you’ll hurt yourself doing it for long.”

Florence Foster Jenkins: Geen talent maar n legende in haar eie leeftyd en daarna!

Luister gerus op youtube na Florence se Koninging van die Nag. Dis n goeie giggel werd.

2012…n jaar wat is wat dit was

Desember 21, 2012 in Uncategorized

Was 2012 “The year of living  dangerously”?

Miskien.

Was 2012 “My year of meat”?

Nee.

Was 2012 n baie besondere jaar?

Verseker.

Dit was ook die jaar waar ek weer my gunsteling skildery ontdek het.

 

Daar is min

Oktober 23, 2012 in Uncategorized

Min van ons maak regtig n verskil. Vandag was ek by die gedenkdiens van een van die min. Jack Rubin se memorial service by Beyond the Moon in Hoekwil.

 

Jack was n melkboer, kaasmaker, filantroop, humanis en vrydenker. Meeste van alles was Jack geheel en al sonder enige vooroordeel. Die honderde en honderde mense vandag het een ding in gemeen. Nee twee, liefde en repek vir Jack.

 

Vandag dink ek ook aan die mense wat so n invloed op my gehad het. My Pa en my Ouma.

 

Ook iemand soos Betty Mansfield. Weird, wild, wonderful Betty. n Kommunis saam met Jack en Joe Slovo in die veertiger jare, n humanis hulle lewe lank.

 

Hierdie boeremeisie is gelukkig om twee Joodse vriende soos Jack en Betty te geken het.

 

Baie gelukkig.