Kleinboet gaan ouma groet

November 28, 2012 in Uncategorized

Vroulief het klaar besluit. Net Kleinboet gaan die speech maak, want hy kan en hy wil graag. Hy bel my vanoggend. Hy soek die URL van seker die mooiste klavierstuk denkbaar: Impromptu in A mol van Schubert. Hy wil dit as agtergrondmusiek speel terwyl hy praat. Beter helfte dink dit is ‘n brilnante idee.

Jammer, ek kan nog nie lekker songs plak nie, maar hier is die URL
https://www.facebook.com/video/video.php?v=10150482903287989

Geagte familie en vriende,
Dit is vir my vandag ‘n groot voorreg om vir Ouma Miemie met ‘n paar spesiale woorde in die kerk te groet. Ouma Miemie was vir haar kinders, kleinkinders, familie en vriende baie kosbaar. Ma het ‘n paar fotos gaan opdiep wat ek graag as meelewende agtergrond op die skerm wil wys terwyl Frans Schubert se meesterlike Impromptu in A mol in die agtergrond speel. Schubert se mooi reëndruppeltjies laat my aan Ouma dink.

Nege minute verder: Ouma se heengaan het vir ons ‘n baie spesiale boodskap, soos verwoord in Ina Rosseau se pragtige gedig, Keerdatum

Hoe kry ek my lewe
betyds klaar geleef
in die klein bestek vir
my beskik,
as die ure nou
tot sekondes slink
en wik-wik-wik-wik
my hart en die wekkers
elke dag elke nag
bietjie
vinniger tik

Ouma se keerdatum was 23 November 2012. Ouma, ons groet jou.
Ek dank U.

Mooi dag verder,
Ouboet.

6 antwoorde op Kleinboet gaan ouma groet

  1. Daardie Impromptu is een van my gunstelinge..baie gepas vir ‘n afskeid aan Ouma.Sterkte daar!

  2. tina10 het gesê op November 28, 2012

    Sterkte in hierdie tyd

  3. vega het gesê op November 28, 2012

    Dis besonders respekvol. Nou die dag by my skoonpa se diens het al die kleinkinders gepraat, hulle het elkeen ‘n hegte verhouding met hom gehad en het staaltjies vertel dat ons eers gelag het en toe gehuil het.
    Hulle het ook die musiek gekies, van Florence and the Machine se Never Let Me Go (Hy was hartstogtelik lief vir die see) tot O Heer my God wat sy favorite hymn was. baie spesiaal.

  4. @vega Baie dankie vir die kuiertjie. Na die uitspreek van die seen, sit ons die doedelsakweergawe van Amazing Grace op. Ek het dit gespeel met my matriekreuniespeech toe ons hulde gebring het aan die 13 wat reeds gesterf het.

Laat 'n Antwoord

Jou e-posadres sal nie gepubliseer word nie. Vereiste velde word aangedui as *.