Ouboet se stoep

Om verskeie redes was ons gesin lanklaas by die “warm” see hier te lande.  Toe besluit ons om na die sluiting van die Universiteit  vir 10 dae by die Natalse suidkus te gaan ontspan. Ek en my beter helfte gaan rus en die seuns gaan die talent op San Lameer se strand verken.   Toe ons laas daar was, was die talent volgens die seuns “beter as briljant.”  

Dit is hoogtyd dat my oudste ‘n trougirl ontmoet en trou sodat Ouboet oupa kan word.

Kleinboet het my ingelig dat Potch se popparadys moeilik geklop kan word,selfs by die see. Ongelukkig is die Ingenieursfakulteit ver van die werklike mooi blomme (Geesteswetenskappe, Bemarking en Onderwys)  af, maar gelukkig hou hy van stap.  

Ek sien uit daarna om saam met beter hellfte en die seuns die kitare te slaan en speletjies te speel. 

Behalwe snoek het ons nog nooit ‘n heel  groot vis gebraai nie.  Toe beloof ek my dierbares ons gaan een aand ‘n heel  kabeljou, Kingklip of iets dergliks braai.  Ek hoop Durban se mark of ‘n viswinkel in die omgewing het iets spesiaals. 

 

Intussen sal  ek maar raad vra  oor die metode, speserye en braaitegniek.

 

Geniet julle tydjies saam met julle geliefdes.

 

Stoepgroete,

 

ouboet

Hoekom verwys mans met styl en insig na hul vrouens as hul beter helftes? Ek dink dit is bloot ‘n kombinsie van fenomenale insig en opregte waardering.

 

So ‘n tyd gelede skryf ek vir ‘n groot vriend ‘n speech vir sy maatskappy se 25ste verjaarsdag.  Sy twee kinders dra die PowerPoint-aanbieding aan die groot skare voor en (my) Kleinboet beheer die rekenaar wat ‘n kwarteeu se foto’s in technicolour op die enorme skerm wys. Voldoende aandag word aan die rol van vriend se beter helfte gegee.  

 

Sy pragtige vrou kom bedank my en Kleinboet na die tyd met trane in haar oë.  “Niemand het nog ooit sulke pragtige woorde aan my toegedig nie” Ek lig haar toe in dat ek bloot haar “swakker” helfte se opdrag uitgevoer het en en sy bedoelings in gepaste metafoor getoonset het.  Toe verdiep haar sielbelaaide  vreugde en die trane versnel. Ek hou toe  die ou Engelse biskop se stukkie wysheid aan haar voor: “Hapiness is no laughing matter.”

 

‘n Helfte is deel van ‘n geheel. Man en vrou vorm ‘n eenheid, ‘n geheel.  Van die twee helftes van die geheel is die vrou ongetwyfeld die beter helfte. Hoekom?

• Sy het deugde wat woorde nie kan beskryf nie.
• Na ‘n paar grimeerstrepe en ‘n druppeltjie parfuum is sy ‘n pronkstuk
• Sy is die beter opvoeder van die 2 helftes. Van borsvoeding tot gelukwensing na prestasies is haar bydrae die grootste
• Sy skep ‘n tuiste waarin kinders kan gedy.
• Sy sien om hoeke en lees leuens op gesigte. Geen man sal ooit daai sesde sintuig bemeester nie

I rest my case.

 

Mooi dag verder

Die Franse het die wedstryd in alle fassette gewen, behalwe op die telbord. OK, kom ons gun die All Blacks die beker want:

• Hulle wag al 24 jaar
• Die beker het versoeningswaarde na die aardbewing

Tegnies was die Franse uitmuntend, en Graham Henry en sy span weet dit.  Geluk aan ons Franse voorgeslagte. Well done.

 

Mooi aand verder.

Ons gesels  nou die aand met ‘ n 50-jarige “behoudende” matriarg. Haar seun is “verlei” deur ‘n meisie op universiteit. Sy trek te velde teen los meisies en terte. Haar arme seun is wederegtelik en vol “lus” deur ‘n tert verlei. Sy gaan ouma word van ‘n onbeplande kind.

Toe wonder Ouboet maar net. Die stand van die maan kan ons nie beheer nie. Fermte word nie beplan nie. Ons bly mens. Wie van ons het nog nooit nodig gehad om in gladde draaie te briek nie?

 

Manne.  As jou vrou/geliefde  kon sien in watter broekies jou hand was, sou sy happy wees?

 

Meisies, as jou man of minnaar kon sien wie se hande in jou broekie was, sou hy gelukkig wees?

 

DUS. Kom ons aanvaar dat min van ons die kuisheidstoets met onderskeiding sal slaag. Kom ons erken die mens se swakheid op die vleeslike terrein. Kom ons besef dat iemand wat nog nooit”raakgevat”is nie dalk iets kosbaars gemis het.

 

Ouboet wonder maar net.

 

Mooi aand.

My voorgeslagte (die Franse) is deur na die finaal. Well done.

Helaas oordonder die scorebord balbesit, gebiedsvoordeel, missed tackles, opposition line-outs won,  en ander irrelevante (en bloot akademiese) statistiek.

Die Franse het bewys hulle kan. Vat nou maar die voorgeslagte se vasbyt na die herroeping van die Edik van Nantes.

Hulle kan ook wen. Vat nou maar hulle 2 betekenisvolle oorwinnings teen die magtige All Blacks in die Wereldbeker sedert 1987.  Henry se “smile” na die 2007 semi-finaal was ‘n all time BEAUTY.  Ek moes ‘n familiespeech op skoonsuster se dogter se troue kortknip om betyds te wees vir die skouspel op die big screen tuis (na ‘n speedfine). 

Die Franse kan die beste span op die dag wen en soms teen die gemiddeldes verloor.  Franse “flair” het skakerings. Ek dink (en hoop) hulle wen vanjaar. 

Die mooiste gesig denkbaar sal Henry se suur gesig wees as die Franse die finaal wen en die koppie na my voorgeslagte se geboorteland terugneem.

Neem kennis: Ek is en bly objektief. Ek like nie die All Blacks nie. Hulle peak tussen wereldbekers en het die arrogantste kapteins denkbaar. Ek wonder wie sal die oorkonde van die eeu kry? Sean Fitzpatrick of Ritcie Mc Caw? 

Ek sien Henry ruik iets volgende Sondag…… en dis nie Poison-parfuum nie.

Mooi naweek verder.

Die blinde ref het ons die kwartiende (en die koppie) gekos. Ek is sommer lus en vlug weg van hierdie onregverdighed af.

Dinge kon so anders uitgewerk het, maar nou ja, as is verbrande hout.

Geniet julle Sondag. Ons is oppad na ‘n familie-doopplegtigheid toe

Die wêreldbeker word eers gewen as die laaste eindfluitjie blaas.  Nietemin, wie het gedink Ierland gaan teen Wallis verloor nadat hulle Oz harpuis laat ruik het, en tog het dit  gebeur.Toe klop die Franse die Engelse. Welgedaan.

Ek is bekommerd oor wat more gaan gebeur. Nietemin, as die Argentyne die magtige All Blacks planke toe stuur, wat losweg op ‘n wens gebaseer is, sal ek uit vreugde aan die drink gaan. As Oz ons ore aansit gaan ek my broek voor die hoofpawiljoen bevuil. My groot SMS-pel, wat vir die WP skree, voel dieselfde.

Nietemin,geniet dit wat van julle naweek oor is. My kinders is terug en die stoep is leeg. Vanaand braai ek en my beter helfte steak.

Nietemin, stoepgroete,

ouboet.

Die gesin is die naweek weer voltallig. Ouboet jnr was vir ‘n maand in Natal vir sy werk en hy gaan Maandag weer terug vir ‘n maand of twee.

Met al sy toetse, kampe, meisies en ander belangrike dinge was Kleinboet twee maande laas by die huis. Toe kom hy die naweek kuier. 

Toe besluit ouboet om die kinders en beter helfte vanaand te trakteer met ‘n kaas- en wyn.  Eintlik is dit veel meer as dit. Kaas, ja, maar ook baie smulhappies soos geblikte oesters, vissies, vleis en dies meer vir tussenin en nagereg vir later.

Dit het my minstens ‘n halfuur in Checkers geneem om die aankope te doen. Ek koop toe ook ‘n bottel Roodeberg en ‘n Alto Rouge oorkant die straat.

Dus, ouboet kan nie net skaappotte maak nie, maar ook ‘n keurige “gekoopte” maaltyd voorsit.  Almal kom teen halfses in die woonkamer bymekaar, en dan kuier die gesin tot na middernag.

Oor die rugby. Shame, toe verloor die Franse teen Tonga. Soos die kommentator toe opmerk. Frankryk is snaaks. Soms wen hulle die beste spanne en soms verloor hulle teen die swak spanne.

Jammer Frans Steyn kom huistoe.

Geniet julle naweek.

Stoepgroete,

ouboet.