Ouboet se stoep

As julle gebruik, doen dit lig en geniet die aand

Vir die met peace of mind. Hier is julle song:

 

Vir die beswaardes. Hier is julle song (sorry hy het nie ‘n prentjie nie)

 

http://www.we7.com/#/song/Die-Grafsteensangers/Die-Trein-Na-Pretoria

 

Die lewe is een groot reis. Op hierdie reis ontmoet mens vriende soos julle; vriende wat die reis die moeite werd maak.

Baie dankie vir julle glimlagte, vriendskap en ander skakerings van menswees.

Ek dra Kleinboet se versie aan julle op. Mag julle reis in 2011 buitengewoon, besonder erg lekker wees.

Stoepgroete,

 

ouboet

Grense

 

Grense, o so wyd

met fondamente, o so breed

 

Tussen ons is daar soms geen

kaart, geen afdraaipad of stil oase nie

 

Uit dieptes van die duister landskap en

moeras klim ek stil teen repies reënboog op

 

Die horisonne van verlange en van skoonheid

skik in hierdie stiller uur tot lentebloeisels hoop,

 

maar in die nog stiller laatnaguur van rekenskap

 kruip ou vrese weer en weer in my grou gedagtes op

 

dat duister landskap en moeras, en ontwykend’ goue

ster se wye grense in die stilste oggendstond weer wasig is

 

Maar helaas, carpe diem…carpe diem, jou luide eerste oggendlag laat

grense, stil moeras en duister landskap klokslag skik tot suiwer klatergoud

Geniet die song en lekker slaap

Dankie vir julle mooi kommentaar op die vorige song.

 

Hier is ook een wat trane trek.

 

OK, die man het dalk nie ‘n gesig wat almal sal laat poog

om hul skoentjies onder sy kooi in te skop nie, maar sy

woorde laat mens soms naarstigtelik gryp

na die bobbejaanspanner om memory lane

se geroeste hek oop te maak.

Wenk vir vryersklonge. As julle ‘n meisie se hart wil sagmaak,

gee vir haar ‘n CD (in ons tyd ‘n tape) vol liefdessongs.

 

Dit werk. Een van my pogings dekades gelede het hierdie song opgehad. 

 

Dit werk. 

 

Nog ‘n wenk: Sit ‘n kwatryn op die voorkant, iets soos:

 

Meisie in blou

ek like jou

Van die lang ou

wat van versies hou

Dit werk. Jammer die ploterfenis slaan deur.

Wie van julle onthou hierdie song?

Geniet

Naskrif: Soms is verlange nie in die openbare belang nie

Ek hou van blogvriende wat waarde toevoeg, soos  byvoorbeeld:

• Verskaffing van interessante inligting.
• Deel van gemeenskaplige belangstellings, soos byvoorbeeld genealogie in ouboet se geval
• Aanbieding van eie skryfskeppings soos gedigte
• Deel van persoonlike gebeurtenisse soos interressante ervarings, liefde, teleurstellings en dies meer
• Wys van mooi fotos
• Uitruil van emosies
• Songs
• Vertel van stories
• Uitstal van medemenslikheid en waardes

Aan diegene wat hulself nie min of meer in bostaande raaklees nie, geniet die song en kry vrede.

OK, ek weet dis nie almal se gunsteling nie.

MAAR selfs mediocre songs maak memory lane se

geroeste hek soms wawyd oop. Nie dat hierdie song

hoegenaamd mediocre is nie. Inteendeel.

Ouboet en ‘n vriend besluit 36 jaar gelede ons gaan by die see vakansie hou.

 

Ons het altwee Vollas gehad. Syne was beige en myne pers.

 

Ons ching chong chai om te besluit met wie se kar se kar ons gaan ry. 

Ouboet verloor en die pers Volla kry koers suid van Durban se kant toe.

Vriend was hoog op in musiektegnologie van die tyd en ons laai sy hi fi

met twee groot speakers wat deur ‘n lorrybattery aangedryf word in die Volla.

As wetsgehoorsame burgers hou ons by die destydse

spoedbeperking van 80 km per uur.

Ons besluit ons wil talent gaan verken en ons hoop die mooi meisies

op die strand sien die twee boerklonge, wat in ‘n ruim tweemantent gaan

kampeer, raak.

 

Musiek besluit ons sou die toenaderingsproses fasiliteer

Sondagoggend 29 Desember 1974 toe ons wakkerword,

merk vriend op: Bliksem ouboet, thanks, daai songkeuse van jou het gewerk.

 

Ek dink sy like my

Die slawekoor uit Nabuccu van Verdi bly ‘n persoonlike gunsteling.

Ek het vandag reeds na alle weergawes op You tube geluister.  

Hierdie een is die laaste koor van die dag.

Ek dink hierdie weergawe stap met die louere weg.

Kyk net daai pragtige gesiggies en haasbekkies.

Nog iets: Ek en droogskoonmaak deel iets besonders volgens die pos

wat ek vanoggend gekry het.

Hi Louis,

 

Did you know…

 

… that today is the birthday of Dry Cleaning? A Frenchman,

Jolly Belin, accidentally spilled some kerosene on a stained

garment and discovered that the kerosene removed the stain.

This led to a series of experiments to refine the process.

 

 

Today’s Inspirational Quote:

 

“If you see someone without a smile, give ’em yours!”

 

— Dolly Parton

 

Aan die beswaardes, hier is my glimlag soos veredel in kindergesiggies wat sing…..

 

Mooi dag verder.

 

Stoepgroete,

 

 

ouboet