Die sondes van ons vaders en moeders

Augustus 28, 2010 in Sonder kategorie

 

Thomas se puik stuk vanoggend het my genoop om ook ’n eiertjie te lê.

 

Sondes was daar altyd en sondes sal daar altyd wees, van die oerknal tot ad infinitum.

 

Die Victoriaanse tydperk word voorgehou as die kulminasie van kuisheid. Eina. Selfs haar majesteit het na die dood van Albert blykbaar ’n noue verbintenis met haar ghilli  (perdeoppasser) gehad. Of hulle gekiele het is onseker.

 

Vele “dogters“ het in hierdie kuise tyderk spreekwoordelik op die paal beland. Dan het hulle bloot die laat huwelik as gevolg van die gebeure agter die kraalmuur as ‘n vroeë geboorte probeer reglieg.

 

Toe ’n niggie in die laat sestigerjare dieselfde oorkom, is sy met die tong gestenig. Hoekom???? Sy het niks erger gedoen as haar oumagrootjie nie.

 

 

Gerbrecht 

 

Jou somber beeld

ets pyn af teen die

dowwe kiekiemuur

 

Jou hande wys die

was en aanhou

was in kouewater

 

Jou oë is strak, vol goeie

evangelie: genegawes

van jou groot familie

 

Jou tenger lyf was

eenmaal jonk, so

lees ek in die boek

 

In die stiltetyd van

majesteit Victoria

lank voor broeikaste

 

vloei uit Calvinisties

uitgesoekte genepoel

die volle evangelie:

 

‘n fris knaap knap

‘n halfjaar na

die eg gebore


16 antwoorde op Die sondes van ons vaders en moeders

  1. jou oumagroot gaan jou nog aan die groottoon kom beetkry omdat jy haar so bespreek

  2. En oepsie was die tonge venynig wanneer so bietjie ander mens se kerk “vows” of die waterverfkwassie ook bygekom het. Ook maar goed ek kon nooit ‘n teiken met klip raak gooi nie en het maar oop oor bek gehou.

  3. louisna het gesê op Augustus 28, 2010

    Ek wag al jare dat sy met my moet kom gesels.

  4. louisna het gesê op Augustus 28, 2010

    …nie bang vir spoke of geraamtes in die kas nie.

  5. louisna het gesê op Augustus 28, 2010

    Die verlede (en hede) is gul met oepsies gesaai.

  6. louisna het gesê op Augustus 28, 2010

    Nooit! Lyk dit of ek suffer?

  7. Niks onder die son is nuut nie.

  8. ek weet jy sal haar graag wil ontmoet. Maar die feit dat sy nie kom nie, is omdat niks haar dryf nie, sy is tervrede waar sy is.

  9. louisna het gesê op Augustus 28, 2010

    ….onder die maan ook nie. Thanks. Lou. lekker naweek

  10. louisna het gesê op Augustus 28, 2010

    Is jou broer ook so goed soos ek?

  11. louisna het gesê op Augustus 28, 2010

    Baie waar, en netnou kom klap sy my oor my stuitigheid

  12. Ek is versot op sulke ou foto’s,hierdie laat my terugdink aan n geraamde foto wat in my ouma se huis gehang het van haar ouma en oupa(ek dink).Die foto het ook hulle seun tussen hulle gehad maar sy kop was uitgevee omdat hy n alkolis was,kan jy dit nou oorvertel!

  13. louisna het gesê op Augustus 28, 2010

    Elke huis het sy kruis en elke familie sy skandes.

  14. louisna het gesê op Augustus 28, 2010

    Nou gaan ek rugby kyk en ietsie ligs ingooi vir die spanning. 27 16 in ons guns. Generaal Matfield gaan 100 vier met geen pynvertrekte mondhoeke nie.

  15. louisna het gesê op Augustus 28, 2010

    Spot on Ghaap. Wie raak goed sonder oefen? Wie koop ‘n duur kar sonder ‘n test drive?

  16. louisna het gesê op Augustus 28, 2010

    Sout van die aarde. My ma sou in die sewentings gese het stout van die aarde. Intussen het sy insig gekry

Laat 'n Antwoord

Jou e-posadres sal nie gepubliseer word nie. Vereiste velde word aangedui as *.