Vir Voz en Kammi. Dig is nie vir sissies nie.

Junie 28, 2010 in Sonder kategorie

 My grenslose heldeverering vir die briljantste digter wat aan aan my bekend is, en wat my reeds dekades van sielvolle Afrikaansbewondering meevoer, is ruim op die stoep gedokumenteer.

 

Let wel dat ek hoegenaamd nie poog om te pretendeer dat die lote van ’n leek meesterbloeisels bot nie. Inteendeel. Dis net dat grootmeester DJ Opperman my mankstom pen iewers raakgepiepie het. (Bron: Opperman in Komas uit ‘n bamboesstok se meesterlike verwysing na vyf pisje in die gedig My visj). 

 

Vyf-en-twintig jaar na sy afsterwe en bykans dertig jaar nadat ‘n massiewe beroerte sy skeppingsvermoë veels te voortydig kortgeknip het, groei Opperman se statuur daagliks in my woordbenewelde boonste verdieping.

 

Hy/sy wat sy Versamelde Poësie op die bedkassie het nie, mis ’n aangrypende reis.  

y/sy Hy

 

Ode aan grootmeester DJ Opperman

 

Aanhou laatnagsit se eelte brand

met elke skugter skuif na sin

in hierdie ryper skeppingsuur

waar woorde skif en rensverwaaide

strofes plek plek vatplek aan die

stokou woordskuiflandskap vind

 

Hier waar aanhou lees ’n luukse is

skik die raakvat van grootmeester

traag uit eie pen wat aanhou

woorde rondskuif sonder gom

om boeg en mas tot skip te skik

 

Nou en dan brand teatraal ’n dowwe lig

wat strewes oprol tot ’n sneeubalwit-

verwaaide sfeer van meesterskap in

hierdie swanger uur van rekenskap

se stombelaaide roep van laatnag langs

meesterstukke van grootmeester lepellê

18 antwoorde op Vir Voz en Kammi. Dig is nie vir sissies nie.

  1. Baie mooi!

  2. louisna het gesê op Junie 28, 2010

    Thanks latino. Dankie vir die inloer

  3. louisna het gesê op Junie 28, 2010

    Thanks Kammi. Komende van jou beskou ek dit as ‘n groot kompliment. Ek weet Louw en Opperman het soos bul teen bul teen mekaar te staan gekom. Dis net dat Opperman se gewone woord my meer meevoer.

  4. VozSola het gesê op Junie 28, 2010

    Dankie! Dit is pragtig…
    …soos mens legkaart bou is die groot stukke soms die maklikste…maar hoe groter die algehele prentjie, hoe kleiner word die stukkies…wat mens meestal tot laatnag wakker hou…en nie sal rus tot elk knus in sy lepellê holte geplaas is nie…en selfs dan…sal iemand van naby tog steeds die stukkies in die prentjie kan sien…woorde pas dalk knus…maar soms wil gedagtes dit gedurig rondskuif…

  5. louisna het gesê op Junie 28, 2010

    Thanks Voz. Jy lees my pragtig raak, met nuwe skakerings wat uit jou repliek vloei.

  6. louisna het gesê op Junie 28, 2010

    Thanks Pink Lilly. Ons digters die blog moet dalk meer van ons skeppings maak.

  7. louisna het gesê op Junie 28, 2010

    Jou gedigte is vir my pragtig.

  8. louisna het gesê op Junie 28, 2010

    Waardering is wedersyds

  9. Knap gedaan – al is ek eerder ‘n v W L (NP & WEG) aanhanger. Van al jou goed wat ek tot dusver onder oë gehad het, vir my die beste

  10. louisna het gesê op Junie 28, 2010

    Baie dankie. So het elkeen sy smaak. Dalk is my verering vir Opperman omdat hy so baie mt gewone alledaagse woorde bereik.

  11. Hierdie gedig se dieper doel is ongelooflik pragtig!

  12. louisna het gesê op Junie 28, 2010

    Thanks Tweeling. Jy maak my dag.

  13. louisna het gesê op Junie 28, 2010

    Thanks MaanKind

  14. louisna het gesê op Junie 28, 2010

    Duidelik het jy hom nie net eenkeer deurgelees om tot hierdie gevolgtrekking te kom nie. Well done. Skerp girl.

  15. Inteendeel ek het dit slegs eenmaal gelees, met begrip. Dankie ouboet! 😉

  16. louisna het gesê op Junie 28, 2010

    OK, jy’s skerp.

  17. In treffende skrywes soos hierdie is die deurskemering van betekenis opsigtelik. Ek lees altyd gedigte om die dieper doel te besef, anders sou dit geensins vir my enige betekenis inhou nie.xxx

  18. louisna het gesê op Junie 28, 2010

    Ek stem. My beste voorbeeld is Gebed om die gebeente. Daai gedig tref hoogtes wat mens tydens die eerste strofes nie naastenby sou vermoed nie.

    Met drama is PG se Siener in die Suburbs vir my die hoogtepunt. Hierdie stukkie is ‘n kort uittreksel van ‘n stuk wat het ek vir Tukkies se 100ste herdenking geskryf het:

    Ek was bevoorreg om deur Prof Elize Botha in die Afrikaanse letterkunde onderrig te kon word. Wat ‘n formidabele vrou! Haar interpretasie van PG du Plessis se Hertzogprys-bekroonde “Siener in die Suburbs“ was een van verskeie kragtoere wat my na al die jare steeds helder bybly. Die temas van die liefde wat sy so sielvol en meesterlik oorgedra het weerklink steeds in my gedagtes. Suid-Afrika het ’n sielvolle intellektuele reus verloor. Prof Elize ons salueer jou.

Laat 'n Antwoord

Jou e-posadres sal nie gepubliseer word nie. Vereiste velde word aangedui as *.